Biazai: Ka Lo Hngilh Zo


Bye…..Bye

Ka  tap le thin a nuam ti tu na hrangah

Ka mitthli pawl cu na fehnak lamtluan ah

A dai nuam zetmi ruahti bang in

A sur camcin ding duhmi na hrang

Zan sim a rung thleng ih
Nang mah lawng na um caan
Thu na ruat, na um a har tik caan tal ah
Kan pahnih nuam ih kan lenlai ni
Na hngilh thei ding maw thinlung tak in

I rak pekta mi duhnak tongkam…
Hngilh men thlang ko aw… Duhmi!
Ziang ruangah ti le…nang cu…
Duh lo zulh theitu hnen na thleng ding ka theifiang…

Ka thinlung sungih ka ret mi na hmin le
Ka lo duhnak pawl khal cu
Na hrang ih a sur mi ruah ti thawn
Ka kholh fai ding ih
o theih hngilh hram ka zuam ding… Duh mi!
Bye….Bye…!…!

By- Salai LB Luai

++++++++++++++++++++++++++++++++++++++++++++

Ka lo hngilh zo

Ziang tik caan khal ih I ngai lo tu ding pakhat hrang…

Ka tikcu caan a lak in a cem lo ding
Ka hrangah mitthli forkhat a ui zettu hrang
Ziang tik khal ah ka tap lo ding

Nang thawn kan thmuaw hlan …na um lo lai khal ah
Caan reipi ka um thei zo …na tel lo in
Tu caan khal ah ka um thei ding na tel lo in
Ka nunak cu ruahsannak a um lo mi na hrang
Ka pamhmai tuk …ka siang nawn lo

I duhdawt tu ka sung khat le rualpi an tam em
An nih cun nang bang in harsatnak in pe lo ding ti ka thei fiang
Na hrangah ka ruahsannak hmuah an cemral zo
Na sinpyi ruangah ka lung a awi lo bang in
Harsatnak na tawn khal ah ka riahsia nawn lo ding
Na theih fiangnak dingah nang cu ka lo hngilh zo.

By- Salai LB Luai

(Visited 41 times, 1 visits today)

Comments

comments

4 Comments

  1. Salai LB Luai
    Na Biazai ngan mi ka duh tuk aw. Tha ka ti na sa. Ka ngan tum mi si in rak ngan khelh. A tha tuk. A dang tla run ti hrih aw. Ka di a riam durdo tuk aw.

  2. Luai te na ti tha nasa….
    Hngilh ngai2 thei le tha tuk dg….
    Thiam tuk….run ngan ring2 aw maw…

  3. Luaite na ti tha na sa na thiam tuk zuam sin sin aw maw..hmai lam can khal ah kan lai mi phun sunlawih nak ding hrang ah si vevo hram seh..ka lungawi

  4. A va tha ve, kei mai ngan/ phuah mi si seh la ,

Comments

%d bloggers like this: