Biazai: Feh Ko Aw

“FEH KO AW”

Fek zetih ka kaih hlenhli mi na kutneemte;
Dai ziarzo teih na phoih caan,
Nailon hrisihmi poihzuuk men bang,
A poihzuuk hnu thlidai  lut ee, ka kut huummi sungah.

Manghmarau ah ruatin hon zoh naang khaw,
A tak ramah feh tim na rak tuah maw!
Kantiamthu pawl pahbal thluh tahrat in,
Na nuam awknak ding hrang a si cun,
Lo kham hlah-ing feh ko aw.

Ramri neilo kan duhdawtnak cu,
Na tuah copmi ramri lan ding i kham maw.
Ka lanlo ding! Lan ding ramri ka nei ve hleilo.
Hmanseh na tuahmi ka duhdawtnak ramri na lan hnu’n,
Na nuam aw ding si ahcun,
Ka lo khamlo feh ko aw.

Thlalang kuai bang a parhzaam tthehmi ka thinlung,
Lungsung mitthli thihnai suak thlohthlo cingin.
Ka huum hnget ko a cuih ka lungthin kuai cu!

Ttaang dawm phahin ka lei keu cingcun,
Lo sim ko ning na hrang ka lungthin.
Na nuam awkcun keikhal nuam ve ee,
I seherh lawn na tum ram nuam cu!
Na nuamnak ding hrangah feh ko aw.
Ka lo kham lo feh ko aw.

By – My Dai Dim

(Visited 60 times, 1 visits today)

Comments

comments

Comments

%d bloggers like this: