Biazai

KA SIANG LO NAN

Ziang ah ka siang lo cing ten ka lungthin ah na ra?
Ziang ah ka siang lo cing ten ka duhdawtnak in lak sak?
Ziang ah ka siang locing ten fala na biak?
Ziang ah ka siang lo cing ten in feh san?
Ziang ah ka siang lo cing in ka mithli na tlak ter?
Cun maw……
Tuteh ka siang lo cingten’ ziang na tuah lai ding?

DuatDuat

================================================================

Na Leng Nak Chin Ram
Na lennak kan Lairam te ah
Na ankaa zilthli bang a hrang ee
Kei lengnu hrangah lungleng nak thli maw…..
Sokhleipar an par nak fing leh tlang ah
Lunngkuai in maw kei mah lawng
Par mai tin an par nak hmun
Nisuaknak lam in
Na aankaa nem rak kir ding caan
Cuan in maw  kei lengnu……

Caan
Caan khi lei thei a si hmang tin ka ruat
Nazi (Clock) tumpi ka lei nan
Caan khi ka lei thei si lo
A sun zan Nazi feh thawm  ka thei

Lei fimnak in Nazi tampi an tuah
Caan khi an tuah thei fawn lo
Caan tuah thei tu cu zo a si ding
Lei fimnak in ruat a thei lo

Caan khat hmam thatnak nei lo
Liam cia ka caan fihnung za a si
A ra lai mi khi ziang tin ka hmuak
Kawlhmeh bang caan in in ei si

Rualduh nangteh ziang tin na ruat
Hmai lam caan khi ziang na tumtah
Siatnak  thatnak lo  hril a theih si lo
A liam lak mi caan khi na pamhmai lo maw?

TT

(Visited 66 times, 1 visits today)

Comments

comments

One Comment

  1. Faizong par says:

    Ka Siang Lo Nan timi biazai ngan tu hi cu nunau na si khal le mipa na si khal le mi duhdawt cu na thiam nasa ding. Na ca ngan mi khal atha nasa atu hnu lam khal ah siar dg ka rak hngak hlap nasa

Comments

%d bloggers like this: