Biaktlak Pathian

December 5

Tlawngkai Nithum

 

Biaktlak Pathian

                                                           

Bible Siar Ding: Thuphuan 5:1-9

 

Cule vancungmi pakhat a cakzetmi ka hmu ih aw ringzet in,

“Hih tacik khenmi siatbal tahrat in cazual ong dingah

a tlingtlakmi zoso a um? tiah a au.     

–  Thuphuan 5:2

 

Ziangruangah Pathian kan biak?

A fiangbikmi thulehnak cu Amah cu Pathian a si ruangah. Sihmansehla Pathian a sinak ah theih olmi zianghman a um lo.

Minung pawl in thil phunkim an biak, bank ih an neihmi an sumsaw (bank account) ihsin an fale pawl (children) tiang. Mi hrekkhat cun anmah le anmah an biak aw, rin-umzet ih biak dingah zohman tlingtlaknak neitu an um lo, ti’n an ruat. Sikhalsehla, Yahweh Pathian lawng hi a nungmi le atak ih biaktlak Pathian nung pakhat lawng umsun a si.

Biak (Worship) timi ttongfang hi “Worthship” timi Mirang ttong ihsin ra suakmi a si, ih biak le thangtthat cotu ding cun tlingtlaknak a nei tican a si.

Pathian cu ttihzah le upatnak thawn biaktlak a sinak pawl ruat hnik! A mizia le A thilti daan pawl khi ruattha hnik! Amah le mah kha zo ka si a ti aw ih kan parah ziangti’n a sim. Thu in kammi pawl atak in ziangti’n a kimter? Pathian in Amah biak dingah in fial, ziangahtile Amah cu kan biak dingah a tlingtlakmi Pathian a si ruangah. Amah bangtu zohman an um lo. 

Bawipa Pathian, Nang cu biaktlak Pathian na si hrimhrim;

Tuni ah ka nunnak zate thawn ka lo biak a si.

Pathian in ka hnenah Amah cu biak ding le thangtthat ding tlak a sinak ziangti’n a phuanglang aw? Tuni ah kei in teh ziangti’n so

A hnenah Amah lawng ka biak zia ka langhter thei ve ding?

 

@Ava Pennington

(Visited 39 times, 1 visits today)

Comments

comments

Comments

%d bloggers like this: