Biakkhawmnak ih biak pawh-awknak (Communication in Worship Service)

Biakkhawmnak ih biak pawh-awknak

(Communication in Worship Service)

By: Tin Lian

Communication le Worship hi subject tumzet le dangdang an siih, an pahnih hi pakhat ah kom in Pathian kan biaknak caan (program) ah ziangtin kan hmang ding ti tawite in kan run tarlang ding. Ahmaisa in Communication kan zoh hmai sa ding.

Communication: Communication ih sullam cu mi pakhat a silole mibur (group) pakhat in midang hnen ih  thu theihternak a si. Atlun ih zuk ah Thusimtu le Ngaithlatu an um ih an lakah Tibuaitu le Feedback an um. Tibuaitu hi Thusimtu ih thusim mi Ngaithlatu ih theih fiah lo dingih rak tibuaitu thawmvang a si. Cun Feedback cu  Ngaithlatu in Thusimtu ih thu simmi ka theifiang a si tiih a vun sawnnak a si. Communication hi hmunhnih ih then a si:

1. Tongkam thawn biak-awk/thusimnak (Verble Communication)

2. Tongkam si lo ih biak-awk/thusimnak (NonVerbal Comm.)

Worship: Worship ih sullam cu Pathian Bia, Sunloih le Thangthat a si. Kannih Christian cun Pathian cu Pathian a si ruangah kan bia ih kan hrangih a thil tuahmi ah Pathian cu ka thangthat in kan sunloih a si. Pathian bia ih kan khawmnak ah Communication le Worship hi ziangtin kan hmang ding ti tampi a um nan thutlang pathum in kan tarlang ding.

1.Can Hman dan(Program)

2.Awn Mawi (Music)

3. Nun Phung (Cultur)

Can Hman Daan (Program)

Christian kan si vekin Ni sungbik le Caan sunglawi- bik kan nei lo. Ziangahtile Ni le Caan Pathian ih in pekmi hmuahhmuah hi a sunglawi theibik ih kan hman dingmi a si. Kan Sermon Ni le Caan asilole thil pakhat khat kan tuahthat Ni le Caan lawng hi sunglawibik ih kan ngai a si ahcun Pathian  in Ni le Caan dang in pekmi hmuahhmuah kha zianghman lo ah kan canter ding. A tlangpi thu in kan khawm Program hi Mipi hla sak, Chairperson Bible siarnak le khawm ap thlacam, thuthannak, Solo/group hlasak, Ahlu khawn, Tongtai rualnak, Sermon, Baannak mipi hlasak le thlacam a si. Pathian bia ih kan khawmnak ih program kan neihmi pakhat ciar ah thupibik a um lo ih, a thupi lo bik khal a um lo. A hramthoknak in a tawp tiang ih kan khawm program a zaten a thupit daan a bang aw theh.

Pathian bia ding ih Biakinn kan feh tikah Sermon Program lawng hi kan ngai poimawh ih Biakinn kan fehsanbik le Pathian kan biaknak ih thupibik ih kan ngai a si ahcun kan program dang ih Pathian sunloih thangthatnak ih mipi hla saknak, lungawi thusim le kan tulmi hrangih kan thlacamnak, kan thawhhlawm khawnmi le a dang program pawl cu zianghman lo ah kan canter. Cun Chairperson ihsin thokin mi zokhal a hmai ah caan hmang in thu kan sim tikah, hla kan sak le thla kan cam tikah mipi ai-awhtu ka si ti thei in mipi zate ih theih dingin kan suah ding a si. Mic System a that lo khalah mipi zate theih dingin aw-hro si lo in kan aw kan ti ring ding a si. Mipi in an theihkim thei lo si maw, kan tongfang an theifiang lo a si ahcun Ngaithlatu hrangah Feedback um lo in kan caan hmanmi cu zianghman lo ah a cang ding.

Pathian bia ih kan khawmnak ah mi dam lonak, ninghaannak le riahsiatnak pawl tankhuar (a-khuan-a-zi) la in Pathian thangthat in kan sunloih ding a si lo. Kanmah bulpak nun ih in kilvennak le thluasuah in pek ruangah Pathian cu kan thangthat, sunloih sawn ding a si. Mi zokhal in khawm caanhman (program) sung ih caan kan hman tikah hnihsuak uar a tha lo, kan um daan le kan hoiher daan hman hi mi hrekkhat hrangah hnihsuak a si cia ih, hnihsuak kan telhbet a si ahcun, cumi ah thutak lo-nak, hngalnak le sup-awk lo-nak a tel theu. Cun khawm program sung ih caan pakhat kan hmanmi ih kan thusimmi thu le hla kan sakmi thu in a ngaithlatu pawl ih nunnak ei ral thluh ding le an nunnak ah sullam thukzet le hmual neizet mi thu reltu ding kan siih ruangah, kan caan hman dingmi hrangih  kan timtuah lonak, kan tlin lo-nak le kan thiam lo-nak thu kan rel ding a si lo. Kan thu rel dingmi cu Pathian thu nung a si ko na’n kan minung lam tlaksamnak kan simsuak tik- ah kan thusim dingmi cu ngaithlatu pawl ih thungai caknak le duhnak a hlohter ih, hi kan minung lam dinhmun hi Thusimtu le Ngaithlatu lakah Tibuai -tu ah a cang thei ih, mipi hrangah hlawk- nak (Feedback) ngaingai a um thei lo.

Biakinn ih khawm-awk hi kan Lai Christian Nunphung (Cultur) ah a rung cang ih, nunphung vekih Pathian kan biak ruangah Caan hmangtu siseh, mipi pawl khalin kan nunnak le kan thinlung taktak thawn  kan program kan hman lo ruangah kan thlarau nun a thang thei lo. Kan hla saknak le kan thungaimi pawl in kan nun ah um zia a nei lo. John 4;24 ah Pathian cu Thlarau a siih a biatu in Thlarau le Thutak in biak uh a ti. Pathian cu thlarau le thutak ih kan biak lo ruangah, kan sunloih thangthatnak le lungawi thu kan sim kan simnak cu Pathian le a biatu lakah Tibuaitu nunphung cun mis- communication ah a canter lawng si lo in Can hmangtu le mipi pawl lak khalah mis- communation a canter. Curuangah kan Pathian biak daan in kan Christian ah sullam le hlawknak taktak a um thei lo.


Comments

comments

2 Comments

  1. Awnmawi
    Nunphung tivekpawl cu peh aw in ngan ding
    a si ka zum.

    Pathuam
    ======

  2. Helo cangan tu Tinlian, na cangan mi cu thazaang ka ngah nasa. Na cangan mi ruanga lungawinak tampii ka nei. A thawkin a net tiang khi vawi khat ka siar suak i,
    ka ruahnak a fiak deuh tla si men thei, comment malte ngan ding ka nei.
    Kan thupii `Biakkhawmnak Ih Biak Pawhawknak’ ti a si. Na caa ngan thu tluangtlam ten na ngan i siar tla a nuam nasa. A hleicee in communication sullam
    na sim fiang dan pawl hi tha ka ti zet. Cui theh ah `worship’ ti in thupii na sim fiang lala i, a tha ka ti nasa. A hman te sim cun worsip na sim mi hi ka khawplo nasa in ka thei.:)
    Wordhip ah khin thupii pakhat lawng na simfiang i, a dang pawl na simfiang nawn lo i, programe lawngin Pathian kan be ding a tinak si pei maw ka ti rero.:). or, articleword limit ruanga te si pei maw,’ tiah.

    Saduthah ah cun `awnmawi le nunphung’ tiang khin in vun sim sal awla cun kan lungawi zet ding. Nunphung cu malte na ngan nan, kan nunphung i kan biaknak lawng hi a tha tawk lo ti na ngan i, lai nunphung thawi pehpar aw i Patian Biak dan teh i um pei maw aw…? tih ruahro tul zik te.

    A thawk i kan siar dan ah cun, Biaknak le pawhawknak sim kawp ding vek in ka siar vivo i, a tawpnak ka tlen tiang a thu leh hla i an pehawknak ka siar ngah nawn lo cu ka mang a bang zik te. Ca ngan tu hin sim tum mi dang teh a nei si pei maw ka ti phah rero.

    Tampii ka lungawi,
    Na unau, Salai Muvanlai

Comments

%d bloggers like this: