Biakinn Kan Balter Maw?

1011870_477142822373727_502181215_n
Sankhat hnu sankhat thleng danglam aw vivo in, Ni suahdan le Thla van dan tla nikhat hnu nikhat an danglam vivo. Minung pawl tla kan danglam vivo ih Babel lung an dawl tum lai hluan in,Fimnak hi vanhram kan thleng,Leitlun deng le deng tla mit’hep karah kan pehtleih-aw thei, Kut in tham theih lo hmansehla mit in kan hmu aw thei thluh. Nunnak thaw siar lo ziang tinkim hi minung in kan tuah thei thluh zo. Minung pakhat in neih lo theih lo vekih kan neihmi cu Hand phone a si. Minung tampi hrangah a t’ha hnem zetmi kan Ph cu a tam sawn can ah cu in hnaihnok tertu a si.

Emergency a ra pangah tin kan kenmi a si ih, Ph a ra taktak le thu poipeng um pang pei maw tin; kan thin in phang tertu a si lala fawn,Biakinn suangtiang Ph kan tham ih Bawipa thangt’hat in dawnkhawm tu a rak si lala: Biakinn sungah Ph kan thiam hi “Biakinn kan bal ter pang maw?” tihi kan zohsal awk ding cu ka duh zet. A mawi le man a khung zetmi kan Ph pawl kha, A sungah Bible kan download ih, Biakinn feh can khal Bible keng peih lo in kan Ph ta kha kan ring men thlang. Ph ihsin thil ziangkim kan tuah kan rel, Biakinn sungah mino ihhmu ih sing rero ti tla zohman an um nawn lo, Ph kan thamih kan nuamaw nasa, Biakinm sungih ph kan tham hi a thianghlim pei maw?

Mihrekkhat in cu Bible zohnak le Pathin thu hminsinnak ah an hmang ko nan, Rinlopipi in an Ph ah Cakuat maw a silole Thildang tete kan zohphah theu, “Biakinn sung kan bal ter maw?” timi thu ah cu Kan Ph pawl hi a lenglam cu an mawi tuk ko nan a sungah ziangsi a um? Awkam siava ih mi kanbiaknak cafangpawl a si lo le, Nunau zuk t’ha lo Nu le Pa sinak Zuknung tivek a nei tla kan um ding. Biakinn sungah cupawl hmuahhmuah kan luhpi thluh tinak a si. Facebook tivek kan kau can te ah Zuk ttha lo tampi kan zoh ngah bet fawn, Biakinn borhhlawh tertu kan si panng maw Zumtu!

Kan zoh tum lo, kan zoh hrim lo na cing in, Internet ih thil kan zoh canah Cawngia ta maw a si lo le Model zuk SEXY taktak kan hmu pang t’heu, Hlanlai Puithiam pawl Puanthlam suangah sualnak an tuah tikah ziang an cang ti tla kan ruah ding a t’ul zet. Cuhluan in tu ah Biakinn sungah Sualnak kan tuah tin kan ruat lo a si hman ah kan theih lo sungten; Kan Ph sungih thil um pawl ruangah kan rak sual rero tinak a si.

Kan thinlung thianghlim lo cia betah; kan thilri a thianghlim lo betbet “Biakinn kan Balter maw?” Nang le Kei??????

Albert Chin
20 Aug 2014

Comments

comments

Comments

%d bloggers like this: