Biakinn Ah Pathian Ih Umpinak

November 7

Nipi Ni

Biakinn Ah Pathian Ih Umpinak

Siar:

Kolose 1:9-14

Cuticun Bawipa ih duhnak vekin nan nung thei dingih Amai’ lungtong zawng khan nan tuah ringring thei ding. Cule nan nunnak in rah ttha a phunphun a rah dingih Pathian nan theihnak ahcun nan tthang vingvo ding. Kolose 1:10

Kumkhat Sung Baibal:

–   Jeremiah 40-42

–   Hebru 4

Biakinn ih catlang tarmi siar ka duhzet. Ka siarmi pakhat cu, “Ra uh la Bawipa ih umpinak hi ra tep hnik uh,” ti a si. Hih catlang in ka lung i laakzet, ziangahtile tuah dingmi thutiamkam thupizet a si vekin kaihhnget ringring dingah a harzetmi tla a si. Ziangahtile kan raalring lo asile kan kawhhran hi Pathian ih umpinak langter hnakin kanmah langter awknak a si sawn tthei.

Pathian ih umpinak langter dingah kawhhran in ziang a tuah ding? Kawhhran mipi in a nun an cawn ding a ttul. Mikhual zoh tthatnak, zovek minung khal duhdawtnak thawn cohlannak, lungtho teih midang hrang riantu sinak, pakhat le pakhat atak ih duhdawt awktonnak, thleidannak neih lo, pakhat le pakhat famkim lonak parah ngaithiam awktonnak, tivek in nun hramthok ding kan si. Paul in, “Pathian nan theihnak ah nan tthang vivo ding,” (Kolose 1:10) a ti. A sim duhmi cu thinlung neemnak, tangdornak, thinsaunak, duhdawtnak thawn khat le khat zawi awk theinak, thlarau ih pekmi pumkhat sinak kha daihnak thawn hmunter ding (Efesa 4:2-3) a si.

Khuitawk ih kan um a si khalah, ahleice in Biakinn ih kan um tikah kan sungih a nungmi Pathian kha midang pawl in an nunnak ih an tonteh thei venak dingah thlarau nun cakzet in nung uhsi!   – Joe Stowel

Leitlun mi cun Pathian kha a thlithlam lawng an hmu,

Khrih Jesuh dungthluntu ka si a ti awtu pawl cu

Nuncan ziaza felzet in an nung.    – Sper

Khrih thawn a feh tlangtu cun an kiang um mi hnenah

Pathian ih umpinak an thlenter.

(Visited 19 times, 1 visits today)

Comments

comments

Comments

%d bloggers like this: