Biak Inn Sungah Minung Kapthat Tam

Biak Inn Sungah Minung Kapthat Tam

Iraq ram khawpi Baghdad ih Catholic biak In sungih khawm minung 100 hrawngcu tihni zan ihsin  Tapung misual pawlin luh khumin an halh khumih, Cumi hnuah a lenglam ihsin ralkap pawlin mipi pawlcu runsuah tumin an kulhbet ve ih mizan zing khawvang zawng ihsin ralkap pawlleh Biak in ih khawmpawl halhkhum tu misual pawlhi an kapaw ih, minung 37 an thi.

Himi biak Inn Our Lady of Salvation sungih mithi pawl lakah an puithiam 1 ralkap 7 leh tapung misual 5 an thi telih, mi dangcu civil mi an si. midang tamsawncu nungdamih runsuah an si.

Al-Baghdadiya TV cun himi Biak Inn luh khumtu Tapung pawllakih minung pakhat hnen ihsi Phone call  a dawnthu a simih, Biak Inn luh khumtu pawlhi Iraq ramih Sunni Mulsim Tapung pawl an si thu leh  an hotu hrekkhat leh Al- Qaida hotu hrekkhat pawl Iraq Cozah in a kaihih thawng Inn sungih a khumlaimi pawl suah dingih an nawrnak a si thu an sim tiah a simbet.

Himi laiah mi hrekkhat cun Biak Inn luh khumtu pawlhi Sunnni Tapung pawl silo in Arab mipawl an si ding tiih raksim tukhal am um. Iraq ramah hin Kristian Million 1 leh 5,00,000 hrawng an umih, kum 2003 ih US ralkap pawlin Saddam Hussien ih lalnak hlawnthla dingih an do ciamco ihsin  Kristian pawlih dinhmun hi a cepther nasa ih, Cumi hnuah Tapung misual pawlin Kristian minung leh Biak inn pawl an siatsuah ringring ruangah mitam sawncun Iraq ram an suahsan a si.

Brazil Ram President, Thar

Brazil ram President, Workers Party hruaitu Luiz Inacio Lula du Silva cu a caan a cem ruangah a mai aiawhtu an ram President, hrilnak Vote cu kandung thla October ni 3 ah khan Brazil ram mipi pawlcun an thla ih, Worker Party ihsi Candidate Dilma Rausseff kum 62 micu Brazil ramih nunau President, hmaisa bikih hriltlin mi ah  Superion Electoral Court cun mizan zingah a puang.

Dilma Rausseff hin President, hril nakah Vote 56% a hmubanih, a mah cuhtu Social Democratic Party Candidate, Jose Serre cun Vote 44% a hmuban ve. Dilma Rausseff hi President, ih hriltlin si hman sehla Brazil ram President, hnget si dingin hnakum January thla ni 1  lawngah laklut a si dingih cumi hlancu tui an President,  Luiz Lula du Silva in a a ttuan hrihding.

Tui an ram President, Luiz Lula du Silva hi Brazil ram mipi in an ngaisangin an duh zetih,an ram leh mipi hrangkhalah tthazetin hna a ttuanih, Curuangah tui President thar khalin an ram mipi ih duhkim dingin hna a ttuan a tulding a taimak zet a ttul dingah ruah a si. President hlun Silva hin Cozah tharih rolhawk a tum tuklo thu a simih, a sinan tui President, ih an hril tlinmi Dilma Rausseff hin a hnattuan dingmi leh a thiltuah dingmi pawlah a rawn ringring dingthu a sim.

Comments

comments

Comments

%d bloggers like this: