Benazir Bhutto Ih Thih Nak Thu UN Rolh Aw Ding

Kum 2007 December thla ih an thah mi Pakistan Prime Minister hlun Benazir Bhutto ih thihdan thuhla cu UN in a zingzoi thlang dingih, Himi thu zingzoi tu dingah UN cun mithiam 3 a ruat.

Chile Ambassdor, Heraldo Munoz, Indonesia Attorney General hlun Marzuki Darusman leh Ireland Police Officer, Peter Fitzerald, pawlin  Benazir Bhutto ih thihnak thu hi an zingzoi dingih, Hite pathum hin tuithla cem zawngah Pakistan ram an thleng thluh dingih  an thu zinzoi  mihi thla 6 sungah UN ah an thehlu tengteng ding a si.

Relzo vekin Benazir Bhutto hi kum 2007 December thlah ah khan Pakistan ram hril awknak dingah Compaign a neih nakhmun Rawalpindi ah mi zoti theihlo in  Bomb an puahih cumi hmun ah midang tampi thawn an thi  hi a thih thu zingzoi dingin  Scotlang mithiam pawlkhal an sawmih an zingzoi rero zonan an theisuak theih hrihlo ih tu ah cun UN a rolh aw thlangding a si.

Tu ah hin Pakistan ramah  Benazir Bhutto ih hruaimi Pakistan People Party pawlin Cozah nak an kaiih  a thih naksan UN in a zingzoi ding ruangah  Pakistan Interior Minister,  Rehman malik cun a lungawi thu a sim. Tui Pakistan  Preisidnet, Asif Ali Zardari hi Benazir Bhutto ih Pasal a si.

(Visited 58 times, 1 visits today)

Comments

comments

Comments

%d bloggers like this: