Belgium Ram Tlangleng Ttaih aw.

Theihzo vekin mizan zingih Belgium ram tlangleng ttaih awknak ruangih mithi cu 21 an kimzo ih hriamhma tuar minung 150 lenglo sungah minung 50 hrangih dinhmun cu ngiahtuah um khawpin an besia tiah tuanvo neitu pawlcun an sim. Hi Tlangleng ttaih awknak ruangah Belgium ramih tlangleng fehdan pawlkhal a ti sukuk thluh ih khualtlawng mipi pawlin harsat nak tampi an ton phah.

Europe khawmual ram pawlin tlan tlangleng cakzet pawl Euristan khal Brussela khawpi ihsin a tlansuak thei hrihlo ih, Himi ih tlunah France, Germany leh Netherland panih fehding France tlangleng cakzet Thalys khal Brussels tlangleng lamzin siatin a ti buaiih a fehsuak thei hrihlo.

Himi tlangleng ttaih aw pahnih hi Leuven ihsi Braine-le- Comte panih feh leh    Quievrain ihsi Liege panih feh an siih, tlangleng hi a ttaih awknat tuk ruangah a sungih minung tampi cu lenglam ah a vorh suak thluh ih  tlangleng siat mihi tuisun tiangah laksuah theih a si hrihlo.

Hi tlangleng hi ziangruang bikah a ttaih aw ti theihfiang nak a um hrihlo nan  Flemist Brabant Province Covernor, Lodewijk De cun  tlangleng pakhat sawn tu in dinnak dingih hminsin an tuahmi ah dinglo in a tlantlang ruangah a si tiah a sim.

(Visited 44 times, 1 visits today)

Comments

comments

Comments

%d bloggers like this: