Beiseinak

October 1

Tlawngkai Nili                                         

 

Beiseinak

 

Siar:

Matthai 7:7-11

           

Mi ttha lozet nan si nain nan faate hrang ahcun thil ttha pek nan thiam a si ahcun Vancung ih a ummi nan Pa in a diltu hnen ahcun ziangtin so thil ttha pek loin a um ding.      -Matthai 7: 11

 

Kumkhat Sung Baibal:

–   Isaiah 11-13

–   Efesa 4

 

Ei ttha malte keng in kan hmuancar ih nga zuatnak duum sungih nga kai dingah ka ke cing-ci-dir in, thawmvang um lo dingin dimte’n ka feh. Ka thlaam cu tidai sungah a lang a si ding…culole ka thawmvang a dim ngah lo a si thei men. Tili tlang ka va naih tikah nga tumpipi 15 lai cu ka lamah an ra, ei ding beiseizet in an kaa an aang hiamhiam.

      

Ziangah si pei nga fatete pawl an mei phau in an her awk rero? Ziangahtile nga zuatnak tili ih kei ka rat sannak hi anmah hrangah rawl pe dingah a si ti an thluak sungin theihnak an neih ruangah a si ko ding.

      

Kannih zumtu pawl tla Pathian in kan hrangah thil ttha laksawng pek in duh ti kan theih thuknak ruangih kan naih ringring asile – Amah kan pannak cu a liamcia caan ih kan tontehmi ah hngetzet ih kan theih fiangmi parah hrambun le tthum aw in beiseinak tumpi kan neih ruangah a si.

 

Missionary William Carry in hiti’n a ti, “Pathian hnen ihsin thil nasazet beisei awla Pathian hrangah thil nasazet tuah tumtah aw.” Pathian cun tuahter in duhmi tuah suak thei dingah tlamtling tein thuam tthat ding in duh, kan ttul caan ah zaangfahnak le ngilneihnak co dingah raaltthazet ih Amah pan dingah in sawm (Hebru 4:16).

      

A faa le pawl cu zumnak ih nung kan si vekin kan ttul tikah kan duhmi cu Pathian in in pe ding ti ruat in thin hnangam te’n um ding kan si (Matt. 7:8-11).

 

 Beiseinak thawn thla kan cam tikah,

Pathian duh daan vekin;

A duhnak tlamtlingter dingah,

Kan nunnak ah hna a ttuan ti kan thei.

 

Beiseinak taktak tel lo ih thlacam cu zumnak um lo langternak a si.

(Visited 24 times, 1 visits today)

Comments

comments

Comments

%d bloggers like this: