Beijing Khawpi Ah Asia Ram Hruaitu Pawl Tawng Khawm Aw

April 13th,2009
 
Beijing Khawpi Ah Asia Ram Hruaitu Pawl Tawng Khawm Aw
 
Tui Thla ni 10 ihsin ni 12 tiang Asian Summit Thailand ramih tuah dingmi cu, Thailand ram mipi pawlin buai nak an tuah ruangah tuahsuak sallo in ttulh sal asi. Asinan China in sawmkhawm in Beijing khawpi ah Asean member ram 10  Indonesia, Singapore,  Malaysia, Thailand,  Phillippines, Brunni, Burma, Laos, Combodia, leh Vietman ram pawlcu tawnkhawm awknak an nei.
 
China Cozah cun Asean rampawl thanso nakdingih ruah hmannak a tuahmi bawmnak sumpai a ruahman micu China Prime Minister Wen Jiabao in  Thailand ih Asian Summit ah puansuak a tummi asinan relzo vekin Thailand a buai ruangah  tuahsuaklo in China Beijing khawpi ah tawnkhawm awknak men tuahsal a siih himi hmun ah China Foreign Minister Yang Zie Chi in China ramih sumpai bawmnak ding rua hmannak a tuahmi hi a puang thung a si.
 
Beijing khawpi ih Asian ram pawl tawngkhawm aw hin Asia ram pawl i leh in harsatnak tuahthat nakding thu leh thildang thupi tamzet an relmi pawl lakih thupi langsar deuhpawl cu fimthiam nak lam, sumdawn tawn awknak, ramkhat leh ramkhat palkai awknak lamzin, biak pawp awknak, leh  Power, ram leilung sungih thilri man khung laksuah dan pawl an rel tlang. tiah China Foreign Minister Yang Zie Chi cun a sim. China in Kum 3 ihsin kum 5 sung tiangih ram inn hnen leh ram rethei pawlih cawi theidingin  US dollar Billion  15 a thawh dingih, himi kum sung thotho ah ram Inn hnen pawlthawi Project tumpi an tuah tlang nak dingah US dollar Billion 1 leh Million 70 a thawh tumthu a sim.
 
(Visited 48 times, 1 visits today)

Comments

comments

Comments

%d bloggers like this: