Beidong Hlah

Siar: Siangpahrang 8:54-61

Ka lo pe hngai ding tiah na kam cia vekin na minung pawl hnenih daihnak a petu Bawipa cu thangtthat uh. A siahhlawh Moses hnen ihsin famkimzet ih, a thukammi hmuahhmuah cu a kimter ttheh a si.  -1 Siang. 8:56

Kumkhat sung Baibal: – Nahum 1-3  – Thufim 26:17-38

Baseall lehnak vuatana ka nei ih ka duhbikmi team cu Chicago Cubs a si. Ziangahtile a caancaan ah in beidongter ttheu. 1908 ihsin leitlun zuam awknak ah veikhat hman an neh dah lo. Lehnak a thoktir ahcun neh dingin thu an kam nain a cemlam ahcun a ttantu pawl beidong ko in an tuah ttheu. A ttanzettu pakhat pa ih simmi cu, “In beidong ter lo ahcun kan ttanmi team an si taktak lo,” ti a si.

Lungawiza a simi cu, Pathian cu milek pawl vek a si lo ih a cemnak tiang a lo beidong ter lo ding. A thukam a pelh dah lo ih a ttongkam cu hnangamnak, ruahsannak le a fimvarmi ruahnak a si.

Solomon ih Biakinn apnak thlacam ah Pathian in a minung pawl an beidong in a tuah dah lo timi a pom hnget. “Bawipa cu thangtthat uh,… a thukammi hmuahhmuah cu a kimter a si (1 Siang. 8:56).

Kum thawng tampi rei hman sehla a Thu cu a dik ringring. A ttha sinsin. Kannih cu a famkimmi a thukam kimnak Jesuh thawngin a ro cotu kan si. Na theihnak a rei deuhdeuh le na hnenah famkim te’n a lang sinsin ding.

Na bei lo dongter dah lotu ding na hawl a si ahcun midang hawl nawn hlah. Jesuh ton cu alak a si dah lo.

Kan ttul bikmi cu Amah a si ringring ding,

Kan ttul bikmi cu A hmel hmuh ding a si;

Kan ttul bikmi cu kumkhua in

Jesuh Khrih a si.

A lo beidongter dah lotu ding na hawl maw? Jesuh zoh aw!

Comments

comments

Comments

%d bloggers like this: