Lailun An Cham….

Lailun FCIndia khawpi New Delhi ih raltlan thlengkhawm pawl hrang kum tinte tuah theumi Winter Sport cu date 10th -13th tiang nuam tak in Community Resource Centre (BCRC) pawl ih hohanak in tuah a si.

Hi puai ah Bawhlungsit, volleyball, chinlungsit, hridirhawk, tlanzuamawk etc. le nauhak lehnak a phunphun tuah a si.  Kumkhat veikhat tuah a sivekin zocio khal ih sunlawih a si.

Delhi ih um Pu Lian cun “bawhlungsit le lehnak zohduh lawng ah ra loin a kiangkap ih thilzuarmi ei duh rori ah mipi tamzet an feh” tin a sim. Zuri buai pawl control tu dingah community tin in palai thlah a si ih hlei ah khawsung palik le ralkap pawl khal sawm an si. Cucing cun thawiaw le buai an tam zet tin kan palai cun a sim.

Asinan tluangten puai cu theh thei a si. Hi lehnak ih thupibik cu bawhlungsit asivekin mipi 1000- 4000 karlak Vikaspuri bualrawn ah an pungkhawm aw. A lektu team pawl cu:-

  • Leng Tong FC
  • Lailun FC
  • Khaisi FC
  • Ngalsip-A, FC
  • Ngalsip-B, FC
  • Dingdi FC
  • I.T.S FC
  • West Colony FC
  • Hornbill FC
  • Eagle FC
  • Zo-Taang FC
  • Mizzima FC
  • Bungtla FC tiih then a si.

Tuini date13 November 2009 ah Lailun FC le West Colony final an sit ih Lailun FC in 2-0 in an neh. Bawhlung Final sit hlan ah Chinlandtoday (CT) palai le Lailun FC football player le West Colony pawl thawn hmaitawn thusuhnak an nei aw.

CT                           : West Colony thawn final nan sit thlang ding ih nan nehlo pang asile ziangtin na um ding, na thin naa tuk ding maw?

Tv. Thangte            : Kan nehlo pang ahcun Delhi ih bawhlungsit a um khal le ka sit nawnlo ding.

CT                   : Nan neh lo le na thin naa ding maw?

Tv. A Uk            : Haaa, si ko. Pathian remruat ka ti ko ding. Ziangti tha.

CT                   : Nan neh lo pang le ziangtin na um ding?

Pa Hniang            : Ka sim thei lo.

Lailun FC hi Falam pawl an si ih West Colony cu zophei le zotung komkhawm an si. Referee pa in kan thawk a si ti phirit a phawt veten mipi pawl cu a huk in an huk. Nauhakbik in upabik tiang au celcel a si. Thenkhat cu an au tuk nak ah an aw a pit theh. Cutin Haft time hlan ah Lailun FC pawl in West Colony pawl cu goal 2 in an neh ih haft time hnu khalah an sut thei nawnlo.

West Colony ih lek pakhat in best player laksawng a dawng ih Lailun FC ihsin Tv. A Uk in goal thun tambik laksawng a ngah ih Lailun FC keeper Tv. Mang Uk in best keeper laksawng a dawng. CT palai in Lailun FC captain Salai Pa Hniang cu nehnak an co hnu ah “nehnak nan co ih ziangtin na thinlung a um tin thu a suh tikah “mangbangza a si ko, kan lungawi tuk” tin a sang.

Culawngsiloin kan CT palai cun BCRC hotu M.Kim khal hmaitawn thusuhnak a nei ih  a simmi cu “Hivek kawlram zate hrang lehnak kan tuahnaksanbik cu pakhat le pakhat hmuhawk ih tawnawk duhnak ruang ah a si tin a sim. Asim vivo nak ahcun tuitum lehnak kan tuahmi hi kan hlawhtling zet tiih kan ruahnak san pakhat cu India hotu sang Parliament lam ih rorel pawl hman in in ra hmanpi ih a lungawi um tuk a ti.

BCRC hi 1996 ih rak dinmi a si. 1999 ihsin lehnak an rak tuah thawk. 

(Visited 68 times, 1 visits today)

Comments

comments

3 Comments

  1. zoh cak um na sa an hmel zoh hin an thiam hmel na sa

  2. Woww !!

    Lailun FC pawl ka lo uar hai nasa.
    Saphawhlum sit hi ka thiam ve lo na’n a zoh lam cu ka rak taima nasa.
    Ka lo lungawi pi hai tuk nan nehnak parah.

    Justin,
    USA.

  3. kei hi falam sathat veng tang ta ih suak Zahau mi phun pu Cin Mang ka si.Mi sual em em ka si ih ka zu in nak in ah mi tam pi cun an in paih lo. Ziang ah ti len buai ka hmang tuk ih roung ah a si.A si nan kan nih mi sual pawl hi van tha bik kan si.Ziang ah ti len Bawi pa Je suh in mi tha ko ding ah ka ra lo Cin Mang vek mi sual ko ding ah ka ra ati roung ah a si.Pa thian in Bawi pa Je suh sung ah in ret mi thu ah acang thei pei maw ti lam ruat lo in nau hak vek in A man tin rak lung kim mai hi a si hring sal Bornagain timi cu asi.John 3:5. Cun john1:12 ih cu ti ih pa thian a rak co hlang tu cu pa thian in fa si nak apek ti asi.Cu tik ah pa thian fa ka si.Pa thian fa si hi kan thih hnu hrang lawng si lo in kan nun lai ro ri ah thlua suah nak kan co.Curoung ah unau tuniah thluai suah nak co na duh asi len piang thar mai aw ziang tin kim thluai suah nah na co ding.

Comments

%d bloggers like this: