Bawmtu Kianghrol

December 1

Tlawngkai Nithum

Bawmtu Kianghrol

Siar:

2 Korin. 4: 8-15

Kan kimvel ih harsatnak in in nen nain kan kuai in kan zaam lo.

-2 Korin. 4: 8

Kumkhat Sung Baibal :

Ezekiel 40-41

–   2 Peter 3

Biaknaklam zum lotu pawl in Khristian zumnak hi bawmtu kianghrol pakhat tluk fang a si; Jesuh an zum hi an thazaang a mal ruangah “bawmtu dingah biaknak an tuahmi a si,” an timi thu na thei dah maw?

Nisuahnaklam laifang ram pakhat ah siibawi pakhat cu Jesuh a zum ruangah an kai ih kum hnih le hrek sung thawnginn sungah thu an zirh saal. Cumi thu in hih biaknaklam zum lotu pawl in a thu an thei lo ti a fiang. Cuih siibawi cu thawnginn ihsin a suah hnu ah kawhhran hrangih a ttuannak ruangah an kai saal lala. Cuih biaknaklam zum lotu pawl cun Paul ih thu tla an thei dah lo ding a bang. Paul cu Jesuh Khrih a zum ruangah kaih a tong, vuak a tuar, zawmtaih le hmuhsuamnak a tong ih tangphawlong siat ih zonzaihnak tiang a tong (2 Korin. 11:16-29).

Hih zumtu hmaisa pawl hin bawmtu dingah kianghrol an hawl a si lo. An thinlung thuknakbik ah Pathian thawn pumpak ih pehtlaih awknak an nei; Jesuh Khrih thinglamtah ih a tuahmi an zumnak thawngih pehtlaihnak an neihmi a si. Cuti’n Siangpahrang ih fale ah an cang ih Amah phuansuahnak dingah ziangkim thaap an duh. Thil pakhatkhat kaih ttha hawl dingin an tha a dor lo.

Jesuh zum cu himnak hrangah raalrin le fimkhur a si lo; ziangvek thu khal ah zum le rinsan a si. Nitinte thinglamtah phur le (Luke 9:23) Ruuntu Bawi hrangih nun hi a si.   – Dave Branon

“Na thinglamtah phur aw” tiah Ruuntu in a ti,

“Ka dungthluntu si na duh le;

Lungtho te in na thinglamtah phur awla,

Tangdorte in ka dungah i thlun aw.”    – Everest

Jesuh in kan hrangah thinglamtah a phurh ruangah                      kannih khal in A hrangah lungtho tein kan phur ve ding.

(Visited 20 times, 1 visits today)

Comments

comments

Comments

%d bloggers like this: