Bawmnak titam theinak dingih thureltlangnak ah

(CNN) — U.N. Secretary-General Ban Ki-moon cun thlisia tuarpawl bawmnak kawlram ih a sian mi thu ah ramdangbawmnak ziangtin a tam thei ding ti relpinak nei dingin hruaitu thureltlangnak hmun Yangon lam pan in a zam sal.

“Hi tawnkhawmawknak cu Cyclone Nargis ruangaih ninghang tuarpawl hrang tanrualnak ding le leitlun pumhuat pumkhat kan si ti langter nak ding a si” tiin U.N. humanitarian chief John Holmes cun a sim.

Hi thurelkhawmnak cun mi phun ziangvek khal Kawlram in a ramsungih bawmnak pe dingih siangdingih hmalaknak an neih ding thu khal an rel thu Ban cun a sim.

Ban hin siatralnak hmun – ahlei ce in Irrawaday phairuam cu tlawngkai nili le ninga ni ah a veh ih zohfelnak a nei.

Ramtin pawlkawm in Kawlram a sawiselnak bik cu aramsungih bawmtu a luh sianglo mi hi a si. Ban cun kawlram general in “mipi cang hruaitu pawl hmaiah thusuah a tuah” a tiih a thlun tengteng dingih a zum thu khal a sim tel.

Bawmnak petu pawl ih thatnak leh zangfahnak hman tanta in Kawlram a cozah cun ramdang lawng, helicopter pawl a ramsungih luh cu a siang lo ding. Asinan Yangon vanzam kirawn ihsin bawmnak lakluh a si ding thu khal Ban cun a sim.

IRC pawl cun siatralnak hmun ihsin runsuahnak le khamlawknak tuah dingin Kawlram in mithiamsang a tla sam ih a deihawk ding a zum lo thu le natnak siava kai sawng thei pawl tidai tithianghlim lo ruangah a suak ding ti khal an phanpi zet.

+++++++++++++++++++++++++++++++++++++++++++++++

Comments

comments

Comments

%d bloggers like this: