Batteries A Um Lo Maw?

Siar:  Efesa 1:15-23

Ziangbangtuk ruahsannak nei dingin so a lo kawh… Amah a zumtu pawl sungah a hnattuan theinak huham cu ziang tlukin so a tuum.     – Efesa 1:18-19

Kumkhat sung Baibal:  – Zekhariah 1-3 – Thufim 28:15-28

New Zealand ram Rotorua khua ih nauhak lentecelhnak pawpawleng in kumhnih lai a simi ka tupa ih thinlung a hiip nasa. Pawpawleng um lonak hmun dangih a va lek khal le, “Batteries a um lo maw?” ti’n a sut. Ziangahtile battery hmangih a leh ttheumi in a thinlung a nehtuk tikah battery um lomi thil khal khi battery ih mawnmi in a ruat ttheh.

Khristian pawl khal in cuvek in ruah sualnak kan nei thei. Mahte zuamnak in thianhlimnak ngah tummi in lungawi nomnak nei lo, ruahsannak nei lo, phurrit a phurmi le nehnak nun nei lo Christian pawl a suahpi.

Paul in Efesa khua zumtu pawl hrangih a thlacammi cu, “… A tleunak tla nan hmuh theinak dingah nan thinlung kha run ongter hramseh” (Efesa 1:18-19) ti a si. Pathian sunloihtu nunnak an neih theinak dingah Pathian ih huham in a bawm hngai thei. Cuih huham cu Khrih thihnak ihsin a thawhtertu.. . a vorhlam kap ih to tertu huham a si” (c. 20).

Pathian ih huham cahnak sungah nun theinak cu a cem thei lomi Amah ih huham dawhhna ihsin a ra. Ziangti’n kan ngah ding? Nitinte in A mit-hmai zoh in a Thlarau Thianghlim thawn khat dingin thlacam ih dil hi a si.

Thinlung hmuahhmuah khatter in ukter aw,

Kan neihmi milem pawl tthiatbal in;

A dikmi sual phuannak nei dingin i hruai aw,

Na duhnak tuah thei dingin cahnak in pe aw.

Leilung tleunak Pathian huham cu ziangtik khalah a siat dah lo.

Comments

comments

Comments

%d bloggers like this: