Barack Obama In 2012 TIME Person OF The Year Ngah

time-person-new_2432420c

The Telegraph

Time Magazine pawl ih tawlrelmi leitlun pumhuap zohṭhimtlak, micuangce pawl hrilnak ah U.S. President Barack Obama cu hrilsuak a si.

Obama leitlun pumhuap zohṭhimtlak le hnaṭuannak ih ṭuansuak tambik ih an hrilnak tampi a umih cumi lakih langsarbik pawl tla cu American president term hnih vote 50% tluk in ngah tam thei a si ruangah, hnaṭuan neilopawl hrang a hmalaknak cun midang hnakin a langsar terih hleiah African mi American president ṭuan hmaisabik tu a si.

Tuikum president a tlinsal hi 2008 ih a rak tlin hnakin a diriam deuh sawn thu TIME hmin ih hmaitonnak neitupawl hnenah a rak sim hngehnge.

2012 leitlun zohṭhimtlakbik pawl ih langban pawl tla cu Pakistani minu kum 14 mi Malala Yousafzai a si. Anih hi minu pawl tlawng ca an zir theinak dingah tiih rak sualsuaktu pakhat a siih nunau pawlin cazir ve haiseh timi a rak aupi lai ah Taliban pawlin an kap ih thizik ten a caan a rak hmang. Cun, Apple chief executive Tim Cook, Egypt post-revolutionary President Mohamed Morsi khal a pathumnak ah telh a si ve.

TIME pawl cun Person of the year timi hi 1997 tiang kha “man of the year” tiah an rak hmang. 1927 ihsin hivek hrilnak an rak nei. A hmaisabik rak hriltlinmi Charles Lindbergh hi thuthangah thaten an rak suah man lo. Zohṭhimtlak veihnih ngah peh thei cu Roosevelt, Winston Churchill, Josef Stalin, Richard Nixon and George W Bush pawl tla an si. TIME thuthang hi leitlun thuthang ih langsarbik pakhat a si.

Comments

comments

Comments

%d bloggers like this: