Bank 217 Ih Paisa La Thuptu Ti Ih Puhmi Algeria Mi Kaingah

RobbersBANGKOK : FBI in bank paisa la thuptu ti ih kaih an duhzetmi pa cu, Bangkok palik pawl in an kaingah zo. FBI in kaih an duhmi 10 lak ih telve mi asi. Algeria mi asi ih kum 24 mi, Hamza Bendalladj timi pa asi.

Hipa hi 6.1.2013 Sunday sun ah, Bangkok’s Suvarnabhumi Airport ah  Malaysia  paisa thleng ( transit ) a tum lai ah an kaingah asi thu Immigration Police Commissioner Lieutenant General Phanu Kerdlabpol cun asim asi. “FBI in kum 3 tluk an hawl rero mi cu Thailand a ra luh veten kan kaingah asi.

Hitawk ih kan kaih laitak ah hin a hnen ah satellite phone, notebook le computer pawl thawn kan kai ngah si” ti in asim. Hipa hin voikhat khual a tlawn ih paisa thleng a tuahnak ah US $ 10-20 tiang a ngah ding ih zum asi. Kum 2008n ah Algerian College ihsin degree a ngah ih, a thiamnak hmang in leitlun mi tamtak bum in sumpai a eisak. Hipa hin bank 217 tluk ah siatnak a thlenzo ding zum asi thu Phanu cun a sim bet.

Comments

comments

Comments

%d bloggers like this: