Bangladesh Ralkap Buai Nak Sosang

February 26,2009.
 
Bangladesh Ralkap Buai Nak Sosang
 
Mizansun ih Bangladesh ram ralkap Bangladesh Rifle (BDR) ralkap hrekkhat lungawilo  buainak tuahtu pawlcu Prime Minister Sheikh Hosina leh Cozah thu neitu Upa dangpawlin an ralthuam retih Cozah hnenih pe aw dingin  an sim hnukhalah buainak hi a sosang vivo ih. Dhaka khawpi leh a lenglam tiangin a kangkai vivo lai ih. Tuizing ihsin Bangladesh ramsung khawpi dangdang 12 ah  hi buainak tuahtu (BDR) pawlhin an mahle an umnak hmunpi pawlcu an kutsungah an ret thluhzo tiah an sim. (BDR) pawlhin Camp 42 an neiih  Ralkap 40,000 hrawng an um.
 
Relzo vekin (BDR) hel pawlhi an lakkha a maltukih  cui hleiah an kaihhruai awkdan ah lungawi lo nak an neih ruangah buainak hi tuahsuak an si. Hi (BDR) ralkap hel pawlhi Prime Minister cun an ralthuam meithal retih an duhmi relpi tlang leh an dilmi zohfel sakdingin a dilnan. Himi cingin tuisun khalah nasazet in meithal a puaksal ciamco ih. (BDR) hmunpi Pilkhana kiangkap ih tlawng Inn pawlcu ralrin thilthu ah kharter thluh an si ih. Bangladesh ramsungih Mobile Phone pawlkhal phihsak thluh an si. Bangladesh Telecommunication Regulatory Commission cun  himi hi buainak a darhzai vivo lo nakdingih tuahmi asi a ti.
 
Hnun hrekkhat ah cun (BDR) pawlhin an hotu pawl an hrengbet laiih. Hotu hrekkhat pawlcu Camp ihsin dawisuak mikhal an um. Cun mizansun ih an hrenmi hotu hrekkhat pawlcu an suahsalzo mikhal an um asi. Moulivibazar Distric ih Palik hotu cun (BDR) ralkap pawlhin Meithal an duh naknak ih an kah ciamco ih Machine Gun Auto in an kap ciamco ih naih ngamding an silo tiah a sim, (BDR) Commanding Officer khal Camp ihsin a tlansuak theizo tiah a simbet. (BDR) ralkap hrekkhat pawlih buaknak tuah ruangah India ram West Bangal, Tripura, leh Bangladesh ramri cu khar a si.
 
Pathian cu Kancah nak a si.

Comments

comments

Comments

%d bloggers like this: