Bangladesh Ram Sungah Puan Thitnak Cetzung Kang

bangladesh

Bangladesh ram khawpi pakhat a simi, Gazipur khawsung ih ummi puan thitnak cetzung ( Clothing Factory )  pakhat cu, Cotober 8, 2013 zanlam ah a kang ih, mi 9 an thih zo thu le mi 50 tlukin hliamhma an tuar thu BBC thuthang cun a tarlang.

Hi cetzung hi Aswad Composite Mills timi hmun ih ummi a si ih, ziangruangah a kang timi lawngte cu theih a si hrih lo. Hi cetzung ahhin mi 3,000 tluk hna an tuah nan, cetzung a kang laitak ahhin, mi 170 tluk hnatuan in an um rero. Hipawl hin Over Time an tuan tiin Factory Director Emdad Hossain cun BBC ah a sim.

Bangladesh ramsung ahhin cetzung kang le tlu / cim ruang ih mithi ummi thuhla hi tu le tu theih ding a um ringring theu. Tui kum April thla ahkhan, Dhaka khawsung ih cetzung pakhat cu a cim / tluk ruangah mi 1,100 tluk an rak thi zo ih, mi 2,500 tlukin hliamhma an rak tuar. Cun, 2012 November thla ahkhan, cetzung pakhat khal a kang ruangah mi 112 tluk an rak thi zo.

Comments

comments

Comments

%d bloggers like this: