Bangladesh Plaza Cim Thi Mi 800 Kim

04bangladesh_span-articleLarge

DHAKA : April 24 ih Bangladesh khawpi Dhaka ih Rana Plaza cim ah, mithi 800 an kim thlang tiin Bangladesh Army Spoksman Lieutenant Mir Rabbi cun AFP thuthang ah asim. Mir Rabbi cun, “April 24 ih Rana Plaza cimnak ruangah mithi hi 800 an kim thlang. Tuihnu khal ah mithi hi an um vivo lai ding ih zum asi.

Sawng 8 sang asi ih, sawng 4 nak tiang runsuah hna tuanpawl in an hawl zo. A tanglai mi ah mi tamtak an thih kan zum lai. Tuini tiangah nungdam in mi 2,437 an runsuak zo” tiin asim. Brigadier General Siddiqul Alam Sikder cun, “Runsuah hna hi 70% tiang hrawng kan theh zo. Tu khal ah bulldozer pawl thawn tuah asi rero” tiin asim. Mi 3000 tluk hi plaza ah hna an tuan. Rana Plaza neitu le plaza ih factory neitu pawl cu Bangladesh cozah in an kai zo.

(Visited 47 times, 1 visits today)

Comments

comments

Comments

%d bloggers like this: