Bangladesh Khawpi Dhaka Ah Building Cim, Mi Tamtak Thi

People rescue garment workers trapped under rubble at the Rana Plaza building after it collapsed, in Savar

DHAKA : Bangladesh ram ih an khawpi, Dhaka ah, April 24,2013 zinglam 9:00 am ( 0300 GMT ) ah, sawng riat ih sakmi Building cu a cim ih, a sung ih um mi 87 pawl cu a hmun ah an thi hngal ( BBC ah cun 127 tiin a um ). Cun, mi 1000 tlukin hliamhma an tuar thu BBC thuthang cun a tarlang. Thuthang ih a tarlang nak ah cun, hi building cim ruangah hin mi 80 an thi zo nan, building cimmi an tuahfel hnu ah cun mithi hi hihnak ih an tamsawn an zum thu khal a tarlang. Building hmin hi, The Rana Plaza asi ih, puanthitnak ( Clothing Factories ) tamtak, bank le thil zuarnak hmun tamzet khal neih asi.

Tu ah hin runsuahhna cu an tuah rero ih, ziangruangah hi building hi a tlu timi khal cozah thuneitu pawl cun an zohfiah ding. Building ih um le hnatuantu hrekkhat cun, April 23, Tlawngkai Nihnih sun ihsin building hi a khing an hmuh thu an rel. 2012 December ah, Dhaka ih factory pakhat a kang ruangah mi 110 an thi. 2010 kum ah Dhaka khawsung thotho ah sawng li ih sang building cu a tlu ih, mi 25 an rak thi. Cun, 2005 kum khal ah tu ih Building cimnak kiangte ah hin bulding pakhat a rak cim dah ih, mi 64 an rak thi zo. Curuangah, building cim hi Bangladesh ramsung ah cun a thleng phahphah mi asi.

Comments

comments

Comments

%d bloggers like this: