Bangladesh in Emergency a puanmi

Surbung Tlang Thuthang

By-Pasum

December 18, 2008.
 
    Bangladesh ram cozah in Emergency a puancu a hlit salzo. Hi Emergency hlihnak thupek cu tuikartir ah khan President Laj-Uddin Ahned in a rak ngan felzo, hi emergency hlitsal dingah Opposition Party pahnih    Khaleda zia ih hoha mi Bangladesh Nationalist Party leh Sheikh Hasina ih hoha mi Awami League Party in theihtawp suahih an nawrnak ruangah asi. Opposition party pahnih hotu hi Bangladesh Prime Minister rak ttuanzo veve ansiih sumpai i ru thubuai ruangah thawng in ih khumlai mi ansi tui cozah nak tuahtu hi ralkap thawi tangtlangih cozah ansiih tuhi election neiding ansi ruangah himi cuhdingah thawngin ihsi laksuah lailawk mi ansi. Emergency hlih asi ruangah nehnak kanco tiah mitampi cu lamzin zawhin an au ciamcoih Election Commission cun hrilawk nakding boruak ruangah tuisun ihsin ramsung kilven naklam khohkha zetin a tuahih ralkap 30,000 laicu an mahle Duty nakding hmunah a kuat rerolai..

 US Secretary of State Condoleezza Rice cun Pakistan in a ramsungih Jamaat-ud-dawa pawlcu tlawmngai pawlkom tiah ruathman sehla US cun tlawmngai pawlkom ah a retlo tiah UN Headquarters ah asim. Pi Rice cun Lashkar-e-Toiba aiawhtu Jamaat-ud-dawa pawlcu thilsual tuahtu ih an telttheu ruangah UN Security Council in dan lenglamah a dawisuakzo ih cu ruangah Pakistan khalin hipawlcu dan lenglamah a dawisuak tengteng ding asi ati..

US cozah in minung rukhlo hmang misualpawl hawlsuak danleh zinzawidan mithiam a sawmmi Felix Batista cu Mexco ah ralthuam keng misual pawlin a mah an rukhlo.Felix Batista hin Latin America ih misual pawlin mi anrukhlo mipawl runsuah danding ngaihtuah ih feh asiih Saltillo khua Restaurant pakhat lengih phone a biaklai ah rukhlo asi. A rutu pawlhi drug ih sumdawng misualpawl an si dingtiah zum asi, AsiGlobal LLC, President Charliele Blanc cun Felix Batista ih hloh thuhla hi FBI leh Mexco cozah hnen a theihter nak a pezo..

Comments

comments

Comments

%d bloggers like this: