Bangladesh Hrilawknak Buai, Mi 22 Thi, Atu Uktu Paryty In Nehnak Co

Bangladesh hrilawk

Hrilawknak zung ih an buaipi lai

Bangladesh hrilawknak ah dodaltu party pawl tanpitu pawl in hrilawknak zung pawl ah napiin an buaipi ih palik pawl in an rak dawn ve ruangah mi 22 an thi.

January 5, ni ah hrilawknak an tuah ruangah January 4 ni zanlam ihsin buaipi an thok. Cutiin hrilawknak zung 100 lai ah an dodal ciamco ih bomb, datsi palang pawl in an phomaw ciamco. Hrilawknak Mee zung 300 sungah 147 ah hrilawknak an tuah thei ih adang 153 ahcun atu tuantu tlangsuakpu Sheikh Hasina  party a simi Awarmi League pawl in nennak an co ti a si.

Dodaltu pawl cun, atu tlangbawipu ih kut tangah tuahmi hrilawknak cun ziangtik hmanah a rualran thei lo ding, tiin dodaltu party ih hotu Khali Razia cun a sim. Hmun tampi ah dodaltu in an buaipi ih mee an pek lo ruangah mee petu pawl cu atu ih acozah party le a tantu pawl lawng ti ding an si ih atu ih acozah, Awami League cun, tokham 300 ah 232 in nehnak a cosal, tiin January 6 ni ah thu an than. (New York Times, The Voice)

(Visited 168 times, 1 visits today)

Comments

comments

Comments

%d bloggers like this: