Bangladesh Building Cim Thu Neta

Nu pa Bangladesh

DHAKA : Bangladesh ram khawpi, Dhaka ih Rana Plaza cimnak runsuah hna cu an peh vivo. Tuini tiangah mithi ruak an hmuh vivo hnu ah, mi dam khal an hmu bet. Mithi lak ih thinlung lazettu cu, Building cimnak ni 16 nak ih an hmuhsuahmi nupa te asi.

An nupa te in hmunkhat ah an um ih, pomaw in an 2 in thi ih sar asi. A hmusuaktu pawl cun, an hmuh veten zohman taplo in an umlo, an mitthli a tla theh tiin an sim hai. Tuihnu khal ah mi dam le mithi hi an hmu vivo. Nitin in a thimi an tam vivo ih, May 10 ih an record nak ah cun, mi 1000 an kim thlang asi.

 

Rescue workers rescue a woman from the rubble of the collapsed Rana Plaza building, in Savar

Cumi lai ah, nunau 1, cu Building cim hnu ni 17 ah dam in an hmusuak. May 10, Tlawngkai Ninga ni ih runsuah hna an tuannak ah, hi nu hi an hmusuak. Hi nu hi Reshma tiin theihmi asi ih, an runsuah hnu ah ambulance thawn sizung lam panpi asi hngal.

Bangladeh Army spokeman, Shahinul Islam cun, “Runsuah hna tuantu pakhat Muhammad Rubel Rana cun nunau pakhat in “ In run aw ( Save me )” tiih a au aw a theih veten a rualpi a ko hai ih, an vun hmusuak cu nunau pakhat a rak um. Reshma tiin theihmi asi ih, damten ni 17 hnu ah hmuhsuah asi. Tu ah sizung lam ah fehpi asi ih, damte ih a um vivo nak ding kan duh thusam asi” tiin a sim.

Comments

comments

Comments

%d bloggers like this: