Bangkok Night Market Yangon Ah Tuah Ding

January Van

Myanmar ram in a hmaisabiknak a tuah dingmi Bangkok Night Market cu January ni 21 ihsin 22 tiang a si dingih a hmun le a tikcu hi Yangon khawpi ih People’s Park ah zaanlam nazi 5:00 ihsin zaan nazi 11 tiang a si ding thu, theih a si.

Himi Night Market ah dawrkhaan (62) tuah ih thil zuar a si dingih Bangkok style ei-in pawl, Thai hnipuan le Keepsake(hngilhlonak hrangih tuahmi thil) dawr, Handmade(kut ih tuahmi) thilri dawr tipawl an tel ding ti a si. Dawrkhaan pawl hi Bangkok ih ummi, Night Market vek rori ih tuah a si dingih Myanmar ei-in zuar sian a si lo ding ti a si.

“Hinah cu thin hahdam teih feh sukso phah ih ei in theinak ding, Night Market vek hmun a um hrih lo. Cun, thilri tthattha pawl tla hmunkhat ah lei theih a si ding. Cumi feeling te theihter ka duh ruangah hi puai ka tuahnak a si” ti’n BKK Night Market Organizer Group ih Ma Mya May cun Irrawaddy hnenah a sim.

Cu lawng siloin January ni 28 le 29 khalah tuah saal a si dingih cumi ni ahcun Dawrkhaan (120) a um ding. Hmaisa ih tuahmi aiin pianhmang malte thleng a si ding. Hmaisatu puai ahcun luh-man (1000) ngen a si dingih a veihnihnak ahcun luh-man um lo, alak si dingin tawlrelnak neih a si thu tla theih a si.

Cuti lawng hman siloin cuih Night Market ah Bangkok ihsin hlasak thiam pawl ih mipi awihnak a um ding ti a si.

“Tuini ah Dawrkhaan ttulmi tete pawl kan tuah rero zo. A zuartu ding pawl khal Bangkok thleng dah zo mi an si hrangah ziangvek pianhmang ih kan tuah asile a ttha ding ti an thei thluh. Hminthang pipi an si hran lo na’n a rure tuk lomi, Bangkok ih hlasak thiam pawl ih mipi awihnak ding Stage pakhat tla um ding” ti’n Ma Mya May cun a sim.

Comments

comments

Comments

%d bloggers like this: