Ban Ki-Moon In Burma Ralkap Hotu Tong

https://i1.wp.com/www.telegraph.co.uk/telegraph/multimedia/archive/00673/banki_moon404_673143c.jpg?resize=242%2C181UN Secreatry General, Ban Ki- Moon cun tuisun ah Burma ram ralkap Cozah hotu General Than Shwe cu Nay Pyi Taw khawpi ah a tongih, Aung San Suu Kyi leh Politics ruangih thawngtla minung 2,000 laicu suah thluh dingin a ngen.  Ban Ki- Moon hin Aung San Suu Kyi khal tawn a duh ih, asi nan Ralkap hotu pawlin an sian dingleh sianlo ding thu theih asi hrihlo.

Ban Ki- Moon hi Burma ah nihnih sung a caam dingih, UN hotu dang khalin Burma ramhi an rak tlawng phahphah theunan mipi hrangih zalen nakding lamzin a ong aw theihdah cuanglo ih, Tui UN Secretary General, Ban Ki- moon ih tlawn ruang khalah Burma ram mipi in zalen nak lamzin thar an hmuhding zumnak a tamtuk cuanglo.

Ban Ki- Moon cun  Singapore ram thuthangca latu pawlih hnen ah tui Burma ram a tlawn nakcun  leitlun mipi ih thlir ringring mi Burma ram mipi pawl hrangah zalen nak  nithar duh umzet a suah tengteng ding a zum thu a simih, Aung San Suu Kyi cu  lengsuak theilo ih hrenbet sal an tum asi ah cun a dodal ding thu khal a sim. Ban Ki- Moon hin Aung San Suu Kyi a tong thei asi ah cun UN Secretary lakih Suu Kyi tong thei hmaisa bik a si ding.

(Visited 102 times, 1 visits today)

Comments

comments

Comments

%d bloggers like this: