BAIBAL IH THLACAMNAK TLAWNG

 

January 13

Tlawngkai Nihnih

 

Baibal ih Thlacamnak Tlawng

 

Siar:

Habakkuk 1:1-4

 

Atu cu daite’n ka um thei nawn lo! Ka thinheng in ka ttong suak ding, ka lung a sia, ka dai nawn lo ding.      – Job 7:11

 

Kumkhat sung Baibal:

          Seemtirnak 31-32

          Matthai 9:18-38

 

Pathian le minung karlak ah hleih awnak nasazet in um hmansehla leitlun ih a uknak ram hrang thilmaksak tuah in hnattuan tlang dingah in sawm, hnattuan ding in pe ih Amah thawn santhuanthu sungah hna kan ttuan tlang.

 

Milai cu thazaang cak deuh le a cak lomi hna kan ttuan tlang tikah a cakdeuh in a duh naknak ah a umter ih a cak lo deuhtu cun a tuar rero men. Asinain Pathian cun ttihphannak um lo tein kumkhua pehtlaih aw dingah in sawm.

 

A caancaan ah ka mang a bangmi cu ziangruangah Pathian in kan thlacamnak man a neihterzet, ahleice in dik lozet ih harsatnak kan ton tikah. Baibal sungih thlacamtu hrekkhat pawl cu thinsiazet an bang fawn. Jeremiah cun Pathian kha bum a puh ih dik lonak a hmuhmi ruangah a puakkuai thluh zik (20:7-10). Habakkuk cun Pathian a hna a set ruangah a mawhthluk (1:2); Job a bei a dong,” A hnen ih thla ka cam rero a tthahnem lo,” (21:15) a ti. Baibal in nasazet, durh seksek cingih thla kan cam ding in zirh.

 

Pathian in a hnenah phunciarzet cingih kan rat ding in duh. Kan nun ah sunglam thinhengzet cingin lenglam hni suamso ih um awter cu kan pehtlaih daan ah Amah thangsiat kan si. –Phillip Yancey

 

Na buainak Amah pe aw,

Na ttulmi hmuahhmuah theihter aw;

Na phurrit a hnenah nitin rak keng aw,

Nangmah lawngin phur hrimhrim hlah. –Adams

 

Thlarau nun ih tahfung tthabik cu

thlacam cah daan a si.

__._,_.___

Comments

comments

Comments

%d bloggers like this: