Babylon Sal in Persia Sal ah

Lai mi pawl hi mirang pawl in in uk hlan sung hmuah hmuh cu kan mah te’n kan ukawk. Mi rang pawl Laitlai an kai hnu lawng in midang nih in uk ih midang thu in kan um. Kanmah te kan ukawk theinak cu tu tiang in kan ngahthei nawnlo asi hi…

Bible thuanthu ih Israel pawl thuanthu khi ka vung mang sal theu. Babylon in Persia, Persia in Greek, Greek in Rome tin sal antan rero kha ka vunmang sal theu.

1948 January 4 ah kan Kawlram pi cu independent a lak tikah Laimi thla Babylon  kut sung in kanluat nan Persia pawlih sal ah  kan can ni asi.Kan nih cu Persia sal ih taang dingah kanmah Laimi aiawh in mi pathum in 1947 February 12 sun (11:00 Am) ah hminkhar nak (Sign) nak an nei a sikha. Persia thluak kan ban lo a si hi. Ziang hmuahhmuah ah Persia pawl in inpal bek theh. Kan nih Laimi cu sathar vek in kham lak leh ti harnak lawngah hmun kan co. Hmun rawnleh tidai tam nak cu anmah Persia pawllawng nih an co.

Sinak leh hnatuan ah Laimi cu a hnuaita bik lawng kan co. Kan ram in Sui, Lungvar Leh Thil Mankhung a suak lo ih a zia um deuh lai. Suak pang sehla cu Persia bawi pawl nih anlak thluh ding ih kan nih cu Sui leh Lungvar an laktik ih an hlawhfa menfang kan siding. Sui leh  ngun a suak lo ih a zia um deuh lai.

A tu ah Democracy lam in kan uk awkding an ti. Par lam lawngah thlengawk nak a um kan nih phar inn leh di inn hnuai ih um pawlnih a rim hman kan hnim hrihlo. Ralkap leh Police pawl diklo zet in thu annei lai tho tho. A tu Persia pawlih in hruai daan hi a tha tuk titu kan tamzet. Democracy ih a thlam lawng a si ti sehla kan sual lemloding. Persia pawl hi zum an tlak ngaingai kei maw????????? Voi khat in bum zo ih an mai mawh leh thiamlo asinan voi hinh in bum ah cun kan mai mawh leh thiamlo a siding so khaw!!!!

Peng tin leh Ramthen tinah 0.1% kimah cun  Affair Minister in pek ih a lungawi umzet. A sinan Affair Minister in kan hrang ah hna antuan thei taktak cuanglo. A hnin lawn a si. A hmin in Minister an si vemen a si hi. Kan Persia pawl theu hi cu an tawk tuk ee. Kan u nau Kachin, Kayin, tvk… pawl thawn cabuai parah remnak anlak ih hramlak ah an Kapaw tho tho.

“Zum theinawn hlang, Persia kumpi”

Aa……………. Ziang asi khal le “Israel pawl vek in ziang tik caan ah  cun kan luat leh ko ding”  ti’n rak hnem awk hrih men keng.

Salai – Sinthli Hran Thang

(Visited 51 times, 1 visits today)

Comments

comments

One Comment

  1. Na ti dik riai na ca thlah cu.kan lai mi cu rel re ro in tawl rero hman seh la kan fim nak thluak in a ban thei lo a si hi .kan mah le kan mah hman rem awk tum lo in mi politic ah kan buai lai lai hrih fon. fim ker ki te ih kan um a cu tuk aw……ca zum uh kan lai mi pawl ca zum uh……

Comments

%d bloggers like this: