“B” Thisen Nei Pawlih Mizia

Francis Lal Uk

“B” Thisen nei pawl cu:

# “B” thi neitu pawl cu, bangraannak hi an ngaina.

# An duk a t’ha deuh thluh.

# Hnawi le hnawi ih tuahmi pawl an duh zet.

# Thilthar sersuak lam an paih zet.

# An hoiher an t’ha, an zuan a zang zet.

# Thu an duh (curious) zet.

“B” thisen pawlih umdaan le ziaza dang pawl:

# An nauhak lai ah lek paih le huatsuak an si thei ngaingai.

# An ral a t’ha ih an duhmi cengcu ngah hlanlo zuam t’ent’o pawl an si.

# Daan sungih umtlan an duhlo ih mai’ zalennak lam hi an uar thei zet.

# A mawi maw mawilo, mi’h ti kel a si maw silo tilam an ngaihsak tuklo ih an maih nuam tizawng ih umtlan le mi pawlkom an hman tuk ruangah mi’h huat an hlawh phah t’heu.

# An danglam hleicenak cu mi’h bommi si an duhlo, mi’h hnenih bomnak dil khal an duhlo ih an mahte din le hawlthai rori duh zet tu an sinak hi a si.

# Hna pakhat an t’uan lai khalah a dang hnat’uan ceem thotho duh pawl an si t’heu ih an hna’tuan mi hnakih t’ha ih an ruahmi an ton veten t’hawn hluahhlo mai pawl an si.

# Daan le dun pawl an ngaihsak tuklo ruangah an hnakih nauta pawl cun an duhdawt nan kum upa pawlih kawk le huat an tuar thei zet.

# An thinheng hnuhnu a dum a rang manglo ih buai an hmang.

# Sinan an thinheng a daih hnu ahcun t’haten thu an ruat salih an palhnak an theihawk a si le ngaidam mi va dil hreh riailo tu an si khalhi an mizia t’hazet pakhat a si ve lala.

# Curuangah “B” thi neipawl cu an thinlung muril cu a tluangtlam zetih raal le reipi mihuat tivek an nei lo.

# Mi thurel men hi an pom mai dahlo.

# Rang zetin thu tluknak tuah an hmang.

# Midang thawn an pawlrem aw thei konan daan le dun an ngaihsak lo tuk mihi a poi thei zet.

# Suangtuahnak le sunmang tivek hnakin thilthar hawlsuah le a takih t’uan lam an uar.

# Thintawi hmel an pu ih, mai’ ti kel ringring ti hi an ning thei zet.

# An hlanlai thu le hla rel le porh sal tivek an nei lo. Thu hngilh tla an hmang zet.

# Mi capoh le hnihsuak rel an paih ko nan ningzah nei zetmi an si lala.

# An thinlung ih um mi langter vuahvo pawl an si.

# An duhlo zawng an hmuh pang cun mi hmaisong lo ih mi kawk ciamco an hmang nan, an thinlung tak cu a tlaitluang lala.

# An tlunih thunei tuk tivek an tuar thei lo.

# An t’hat hleicenak te cu thilthar le thlengawknak ziangvek khal an poisa lo ih an pomrem thei vivo.

Ref: Blood types & Personality Characteristics Internet

(Visited 327 times, 1 visits today)

Comments

comments

7 Comments

  1. Dik bak si..kei khla “B” thi ka si ih na ngan mi a tam sawn cu ka tawn mi pawl an si..na tiam….:D

  2. A va tha ve aw ………! Ka blood group hi ” B ” a si ve a bangawk nak a tam na sa
    . Ka ngan bet ve ding ” Mi dang hmuh suam ” an duh lo ” Mi ih hum suam” tla an duh ve lo . Cu len khawi tawk an vawng thlen tla len Tih an nei lo an Raltha . B 🙂 🙂 !

  3. Kei hi “b” thi ka si ih a tam sawn cu a dik a si.

  4. Mi tih nung an si. Mi nung si ve cu that nak lai khal an nei ding, A si nan an mizia tam sawn cu a tha ka ti lo.

  5. adik rori ko ding…..kan lai mi tla hi B thinei kan tam zet ding azum um..hahaaaa!!!!!!!

  6. na sim mi pawl hi adik zet tin ka ruat. B thisen nei pawl hi sexy mipat nunau nak lam ah teh ziang ziang vek an si, cun a hlei ce in Ab thi sen pawl hi teh in sim bet thei kei maw.

  7. hahaha na vat dik lawmam ve
    B thisen nei tu ka si ve ii na ca ngan mii ah a dik lo mi a um lo
    Na ngantha na sa
    A dang thisen ne tu pawl tla runngan vi vo aw

Comments

%d bloggers like this: