B.A Thluak Hi

BA thluak kan ti theumi hi suahkeh khawkhan thiam nak a si. Mifim cathiam tampi in BA thluak a hmangthiampawl kan tluk dah lemlo. BA thluak kan timi pakhat leh cu mi pitling si dingih khawkhan thiamnak le mibang ding ih tanlak thiamnak a si. Mi kipin BA thluak kan nei ko nan a hmang thiam le thiamlo cu kan tan aw zet.

Zingzawitu thenkhatpawl cun cathiampawlin BA thluak an hmang thiam loih cathiam lemlo pawl thung in an hmang thiam ti’n an sim. A makzetmi pakhat leh cu cathiam kan timi pawlin BA thluak neipawl an bang thei dah lo. Curuangah cathiam zirsan lawng a tawk lo ih BA thluak (thuruah thiamnak) kan neih lo ahcun mi pitling pangai si a har zet.

Minung khawruahdaan zingzawitupawl cun “Cathiam cu khawkhan thiamnak; (BA thluak) kan timi dik tak ih hmang thiam dingih a bawmtu lawng a si an ti’. Mimalte lawngin cathiam hnak in BA thluak hman thiam a thupit zia an fiang lai.

Asinan tuisan ah fimthiamnak a thupibik ti’n kan phuang. Zirtul loih kan neihciami kan BA thluak sawn riangri ziang ah hmang lemlo in kan tlapbal ter tum…Fimthiamnak a thupilo tinak siloin kan neihcia mi, zir tul lemlo in olaite ih hman theimi kan BA tluak hi hman daan kan thiamlo ahcun a tlapsiat ding a si.

(Visited 40 times, 1 visits today)

Comments

comments

2 Comments

  1. David TK Thang says:

    Rualpi pawl,

    Fimthiamnak lam a si ruangah ka hmuhdan mallai ka ngan duh ve.

    Fimthiamnak (Education) cu phun hnih in a tlangpi thu ah tthen a theih ti a si. A dotdot ih daan le duun thawn tlawnglam ih zirhpeh vivo mi (formal education) le tlawng, asilole, zirhtu tthittha neilo ih mai’ hmuhtonmi par ihsin kan zir theimi (informal education) ti ah tthen a si.

    Tu ih cangantu ih tarlangmi ‘BA Thluak’ a timi hi (informal) lam a hoih deuh dingin ka zum. Cuticun ruah ding mallai cu a um:

    Tlawng kan kai tikah ca lawng kan zir lo, ti hi kan professor pakhat ih sim ringringmi a si. Ca cu inn lam ah tla Guide thawn zir thei a si. Tlawng kan kai hi kiangkap umtudan, nuncandan, etc. a phunphun tla kan zir a tul cih tinak a si cu.

    Mit ih kan hmuh theimi cu (fomal: degree sangpipi ngah ih Acozah, asilole Company pipi ih hnatuantu pawl) asilole (informal: phunli tianghman kai lo ih mah le mah pum a cawm-awtu mawtaw driver, innsaktu, dawr zuartu, sumdawngtu, sammettu, etc.) thiamnak nei pawl cu anmah le tawk in an pum an cawm thei cio a si.

    Ziangruangah phunhra tal na ong lo, tiih mawhpuh cu a ngah ttheh lo vekin, Ziangruangah kutthiam pakhat tal na thiam ve lo, ti tla a theih cuang lo ding ka zum. Cumi pahnih cu tthen a theih lo. A pahnih in kan ttul timi cu keimah ih hmuhdan a si.

    A thupi bik miangmo ih ka hmuhmi cu: kan zirmi (formal education) in siseh, kan thiammi (informal education) in siseh, kanmah lala kha khopkham in cawm thei lawng si loin kan innsang, sungkhat, venghnen, rualpi, ram, etc. hrang thathnemnak a pe thei ahcun a tawk tiin ka ruat.

  2. David TK Thang

    Na nganmi a dik tuk ee…na Id in sim thei pei maw…?

    Ka lo biak duh zet eee.

    Piangte

Comments

%d bloggers like this: