Aw-Diimte

 

 

May 5

Tlawngkai Nihnih

 

Aw-Diimte

 

Siar:

1Siangpahrang 19:11-18

 

Amah in, “Nan do awknak cu baang thlang uh, keimah hi Pathian ka si kha thei uh. Miphun hmuahhmuah tlun ah Bawibik ka si ih leilung pumpi tlun khal ah Bawibik ka si thotho,” tiah a ti.      – Saam 46:10           

 

Kumkhat Sung Baibal:

   1Siangpahrang 19-20

   Luka 23:1-25

 

Pathian in Horeb tlang ih Elijah a biak tikah thli, linghnin le meisa hmangin a biak thei na’n cutin a biak lo. Aw dimte thawn a biak (1Siang 19:12). Pathian in, “Elijah, hinah ziangso na  tuah?” (c.13) tiah a sut. Jezebel in thah a tum ruangah a relhmi a si.

      

Elijah ih a leh saalmi in Pathian in a thinlung thuk ih ttihnak le thanaunak a thei thluh zia a lang. A leh saalmi cu, “Keimah lawng ka taang ih atu ah keimah hman cu a thah in tum a si” (c.14) a ti.

      

Elijah lawng maw Pathian riantu? A si lo. Israel ram sungah minung thawng sarih ka zuah ding i keimah i rinsantu le Baal hmai ih lu a kun hrih lotu le alem zuk a hnam hrih lotu pawl an si tiah a ti (c.18).

           

Thinphan le beidong caan ah kanmah lawng Pathian riantu ih ruah awk a olte. Elijah khal in cuvek in a rak ruat dah ve. Saam 46:10 ih in theihtermi cu, “Nan do awknak cu baang thlang uh, Keimah hi Pathian ka si kha thei uh,” a ti. Amah le a cahnak huham kan cuan veten kan ttihphannak le thinnaunak pawl cu a hlo zamrang ding.

           

Kan sunralnak aw le kan nehnak aw a ringtukmi in Pathian ih aw dimte cu a khuh thluh thei. Atu hi a aw ngai dingin kan thinlung daite’n um caan le a thu kan ngaihtuah caan a si.

 

Aw dimte thei dingin ngai ringring aw,

Na nun lamtluan ah phaannak na neih hmanah;

Bawipa in a lo lungawiter ding,

Na phurhrit A parih na tthum ahcun.

 

Pathian aw sungih sak na duh cun, leitlun awn au ihsin suah a ttul.

(Visited 31 times, 1 visits today)

Comments

comments

Comments

%d bloggers like this: