Avei 3 Nak Australia Chin Christian Conference Ka Tel Ngah Ve

1391948_10152706722144840_4930734464552375918_n

Uk Lian

Australia ih Laimi khawmpi kum hnih veikhat tuah ṭheu mi “Australia Chin Christian Conference” cu October 3-5 tiang (ni thum sung) kan umnak Melbourne khua ah kan hmang. Kum reipi ka rak ṭhen zo mi ka rualpipawl tla ka tong sal. Delhi  ramcaar ih harsat ka tuarpipawl tla ka tong hai sal tikah lungawinak in ka khat.

Khawmpi ih kan thuken cu “Pumkhat an si theinak dingah” timi (John 17:21) sungta a si. Thuthangṭha simtu pastor mi 5 pawlin an thupi ah himi vial an hmang thluh. Pathian thu hi cu a rak mak, an thupi a bang aw thluh nan, an sim daan  a dangaw thluh. An tahṭhimnak pekmi pawl tiangin a bangaw riai lo. An thusim ka uar hai tukih, Pathian thu cu a kau rori tiin ka cem ter.

Lai lam ih kan khawmpi bangin, Baibal siar zuamawknak, Solo zuamawknak le choir zuamawknak pawl tiangin kan nei ih “Awn Mawi” khawmpi ka rak zawh lai ka mang sal ciamco. Choir sak le solfa hi leitlun ih ka thil thiam thei lo pawl a si. A zir khal ka zuam thei lo asinan, an rem taktak ahcun ngai ka khawp thei ve lo thung. Ramleng ah mino pawlin Pathian thangṭhatnak hlarem kan sak mi ngai hi cu vanram ih hlarem vek tlukin a sunglawi ko lo maw!

Khawmpi tidanglamtu dingah kum upa, tuini tiang Melbourne ih kum 60 leng kai upat sunloihnak  laksawng la dingah hmailam donsang parah an ra suak tikah lung a zuur duh zet. Kum 60 leng kai hizat kan neih ruangah a si ding Australia Laimi pawl kan ṭhangso vivo titiangin ka thinlung a rak tlok ribuai.

Khawmpi, hlahruaitupawlin, sualnak hngilh thei khawp in, sun-zan tulai ṭhangthar hla pawl thawn in hruai ih kan khawmnak hall tla a hnin vekin a cancan ah ka thei. Mipi zabeng le zabawng phah thawn Pathian kan thangṭhat hmuh sinsin cu, Bawipa a lungawi daan ding tiin ka ruat lala. Zan neitabik zan cu hruaitu lungawi le khawpi khawp lo an tam deuh ruangah lungawi thusim a sau ciamco ih donawk theih le si ta hlah, khawm hruaitu cun lungawithusim le thurel sau an tam tuk ruangah Sermon veinga kan ngai tiah a ti.

(Visited 436 times, 2 visits today)

Comments

comments

Comments

%d bloggers like this: