Avei (2) nak Leitlun Mino Tonkhawmnak Ah Chin mi (6) Tel

10579043_766755796721801_1752429201_n

Van Bawi Lian
Chinland Today Media

Leitlun remdaihnak hrang, leitlun ramtinkom mino thurel khawmnak, (Youth Federation for World Peace. 2014 International Youth Convention) cu Phillipine khawpi Manila ah August 1-3, 2014 ah neih a siih, Chin mi (6) tellin, Myanram rampi aiawh in mi (9) an kai ve. A teltu Chin mino pawl hi June 20, 2014 ah Hakha ah hrilawknak rak nei cia in an feh mi a si.

A fehtu pawl tla cu Chin Youth Organization (CYO, Hakha) ihsi Salai Jocab Thang, Salai Ngun Uk Thang, Salai Sang Hnin Lian le Mai Grace Siang Hlei Dim an siih Chin Youth Organization (CYO, Falam) ihsin Salai Van Bawi Lian le Kalay ihsin Mai June Nilian Sang pawl tla an si.

“Tui ṭum ih fehtu pawl hi June 20, 2014 Hakha ih tuah mi CYO thurelnak ih a ra suaktu sung in kan hril aw mi a si. Falam, Thantlang, Kalay ihsin pakhat cio, Hakha ihsin 2 cutin kan hrilawk mi a si. Kan zaten township aiawh kan siih Thantlang an feh theilo ruangah Hakha nih an aiawh mi a si” tiin CYO, Falam hotu le Palai Salai Van Bawi Lian nih CT a sim.

A veihnihnak hi leitlun mino tonkhawm thurelnak ah, Phillipine, Singapore, Malaysia, Thailand, Nepal, Afaghanishtan, Australia, Japan, Thaiwan le Combodia ihsin mino palai 100 lenglo pawl an tel. ‘Tuhi a veihnihnak lawng a siih, 2013 ah kan ram aiawh in mi pathum (3) an rak feh dah zoih, tuikum khal an fehsal. Cambodia le kan ram hrang hmunpi dingah tin zung khal kan ram an din cih’ titla in Salai Bawibawi cun a sim tel.

An thurelkhawmnak ih an thulu cu “Mino ticah, rampi dintharsal, Leitlun rem daihnak tuah (Empowering the Youth, Rebuilding Nations, Creating a World of Peace)” ti a si.

A nikhatnak hi BP International Hotel ah palai 100 pawl le a thlengtu rampi mino 200 lenglo in thurel khawmnak an neiih a Nihnihnak tuisun cu Polytechnic University of the Philippines (PUP) ah phunsang tlawngta 500 lenglo thawn thurelkhawmnak an nei. A mi thumnak hi Pasay City Hall ah neih a si dingih mino 1000 lenglo suak khawm hi thu rel khawmnak neih ding a si.#

Comments

comments

Comments

%d bloggers like this: