Himalayas Tlang Nini In Sa Vivo
May 17, 2012 by youthlife
Filed under Leitlun Thuthang, Thuthar Dang
Leitlun ih tlangsang le mawi hminthangzet Himalayas tlang cu a nini in a sa vivo ih tlang dang pawl hmuhhmuah hnakin a sa hleice cuang tiah nikhua zohtupawlin an sim.
A liamcia kum 25 pawl zohkir salin tui a hlum vekin veikhat hman a rak hlum dah lo.
1982-2006 tiangah a hlumlam 1.50 degree Celsius tlukin a cak sinsin.
Himalayas tlang zohfeltu pawl cun khawhlumzet veithum kom tlukin a sa tiah an sim.
Hivekih a sat a luar vivo ahcun a kiangkap ih khua le rampawl sungih sumhnam pawl tiangin an thi vivo ding an zum bet a si.
Barack Obama In Same Sex-Marriage Lungkim
May 17, 2012 by youthlife
Filed under Leitlun Thuthang, Thuthar Dang
US ih same sex-marriage duhtupawl cun midang bangih pumkhat si thei dingih neihawknak an dilnak cu US president Barack Obama cun a lungkimpi zo. Obama cun “same sex-marriage hi reizet ka ruah hnu ah ka kiangkap rual le pipawl le ka innsangpawl tiang ka suhnak ah in lungkimpi ih curuangah kei khalin same sex-marriage hi a tul a si” tiah a lungkimpinak a phuang.
Hivekih Obama a rorelnak le lungkimpinak ruangah mipi mangbangzet in an um phah. 2008 US president hrilawknak ahkhan a midumpi pawl hnen ihsin vote 95 percent a ngah dingah zum a si. Tui a lungkimnak khal a midumpipawl a ruah tuk ruangah a si ding khalin an zum.
Tui kan dung zarh ihsin same sex-marriage thu ah mipipawl ngaihdaan suhnak an tuah ih cunah Obama in hivekih a lungkimpinak cu a diklo asi tiah mi 67 lenglo in an sim ih mi 27 percent in a thil tuah mi hi at thlak tiah an ruat cuilakah mi 7 percent lawngin hrilawknak dingih a lamzin sialnak ruangah a si ding an zum thu an sim.
Kawlram Thantar Simfiangnak
Kawl ram thantaar a thar, ralkap pawlih tuahmi thawn pehparawin simfiangnak: Thantaar puan phakpi ih a sawh duhmi cu rampi pakhat kan si ti langternak a si.
Cumi puanphaah par ahcun rong (color) pali an ret…
1… A tlun bikih aihre an hman/retmi cun Myanmar ram hi Buddhist ram kan si ih Buddhist si hrih lo, tlangpar mi zaten Buddhist ah kan cangter thluh ding tinak a si. Himi hi nasatein an cangvai ih an hlawhtling rero zo… Tusun ah Chin nauhak 2000 lenglo cu Phungkipawl in an inn ah la in tlawng an kaiter rero, an biaknak thu an zirh, an lu a kong, ih a hrek cu puansen an sinter thei rero zo. Famkim Siarbet
UNHCR le Chin Raltlan
Mang Hlei Cung
UN Refugee Agency cu 14th Dec. 1950 ah a rak ding. Asan cu Leitlun ralpi vei(II)nak ruangah Europe ram minung pawl umnak nei lomi zohkhenhtu dingah tiih ruahsannak thawn rak dinmi a si. Cun Kum(3) sung hrang lawng ih rak dinmi a si. Asinan, 1956 Kum ah Soviet ralkap pawl in an ram ah Hungarian mipawl in acozah donak an rak tuah ruangah acozah in mipi tamtuk harnak a rak pek ruangah hi Refugee Agency hi dinthar saal a si.
Cun UNHCR Headquarter cu Geneva, Switzerland Ramah a si. Cule Refugee Day cu June 20 ah siseh tiah 2000 (AD) kum ah an rak nemhnget. Sungtel(Members): UN Con- vention on refugee le 1967 Protocol cu ram 147 nih Sign an `thut. Asia in ram 11 nih Member si ding ah hmin an sign ih, ram 19 in an sign lo. Tuluk, Korea (S), Cambodia, Japan le Philippine rampawl in hmin an sign ih, Kawlram, India, Malay, Thai, Bang-ladesh, Singapore rampawl in hmin sign an `thut ve lo. Famkim Siarbet
Nau Hnawi Fawh le Kan Kuak Fawh
Nau Hnawi Fawh le Kan Kuak Fawh
The Sai (Tuallawt)
Tui sun ni tiang hi leilung ih a um tu minung pawl hi hnawi fawp dah lo kan um lo ding ti sela kan sim sual tuk lo ding ka zum. Tui hi ca a siar rero tu lak ah phei hi cun hnawi fawp dah lo kan um lo ding, Nui hnawi ti fawp ih rak pi tling theh kan si. Leilung tlun ah kan nih Laimi lawng hi nau hnawi fawh aw-ter miphun kan si lo ti cu kan thei ciau ko ding. Asinan, mi burpi lak le mi lak ih nau hnawi fawh aw ter tam bik cu Laimi lawng kan si men ding ka zum. Famkim Siarbet
Pi Suu Kyi Tawng Ding Ah South Korea President Ramsung Thleng
May 15, 2012 by youthlife
Filed under Kawlram Thuthang, Thuthar Dang
South Korean President Lee Myung-bak cu Suu Kyi tawng dingah le sumpaileilawnnak lam thu pawl a phunphun rel dingah Kawlram khawpibik Nay Pyi Taw a thleng zo.
Mani ah Lee le Kawlram president Thein Sein cu hmaitawn in Nay Pyi Taw ah biakawknak an nei zo.
Lee cun tuini ah Pi Suu Kyi Yangoon a tawn ding thu a sim. 1983 ahkhan president hlun Chun Doo-hwan cu Kawlram ah a ra tlawng ih cumi ttum ah North Korean pawlin doawknak an thlen ih Yangoon ah nasazet in kahawknak a thleng ih president rak thluntu pawl le Kawlram mi 4 pawl tiang in an nunnak an hloh phah.
Cutivekih an rak kahawknak cu tuitum ah ralkap le palikpawl in an kil thepthep tiah ramsung thuthang cun a tarlang. Kawlram hin North Korea thawn sumdawnnak lam ih pehtlaihawknak an rak neih mi cu 1983 ahkhan an rak cawlh san asinan 2007 ihsin lungkimnak an tuah sal.
Burma Ram Feh Dan Ding VII
Burma Ram Feh Dan Ding VII
Dr.Run Bik
Pi Suu Kyi Thang ah Kan Awk An Ti Ding
Lairawn Thansoh Daan Ding
Burma ram a feh daan ding thu ah Lirawn thansohdan ding malte lai ngan sehla. Tu ahcun kan theih vekin kan Laimi, a hleicein Falam Laimipawl hi tlangpar hnakin hmunrawn Kalay District ah kan um tamsawn zo. Tlangpar ih um mipawl hrang ah thansohdan dingpawl cu kan ngan leh ding. Tuitum cu Lairawn um hrang ah sisehla. Ram rung tha ngaingai bang sehla, Sgaing Tiang hnakin Chin state ah budget (sum) a tamsawn ding.
Hihi ziang dang khal si lovin Sangaing tiang cu a tum tuk ih an budget a tamzet ding nan minung an tam tuk tikah Kalay valley ih kan Laimi pawl ih co ding cu a mal zet ding. India ram khal ah Silcar Vaimipawl hnakin Mizoram ih umpawl in acozah sum an co tamsawn. Curuangah Laiawn ih umpawl cu Mamit, Khawzal, Serchhip ah hlawhawk a tul nawn lo ding ih Chin State ah an hung hlawhaw ding. Cuti cun Chin state, Falam peng tivek ah minung an rung tam ding ih development hrangah a tha ding. Famkim Siarbet
Mother’s Day Special:Pangpar Mitthli (Part-2)
(10)
Sizung ah operation tong in
Naa tuar ih ttaprak ka fapa te
Na kawhnak aw thei loi’ ka ra thlen lo kha i ngaithiam hram
Thazang kim hlanah tlawng na kai sal ruangih
Tlawngkhaan sungih cau ih tlu, ka fapa!
Ka rak um si sehla cu
Na dinhmun lo theihpit in
Cubang lamlam cu na tong lo ding sikhawh!
A tu cu
Misenpi lakah cawi le dawmtu nei lo’n
Mah ten cau in na tlu maw!!
A cui ka thin e, ziangtin si ka tuar thlang ding??
Kan tonawk tin ten
A kutzung thawi a biang tok in i hnamter
Ttang ah cawi in, zaang ah pawk i ngen
A phunphunin ngairiamnak a hawl
A hloh mi hmuah duhham fahranin Famkim Siarbet
Nu Ni Thuanthu
NU NI THUANTHU
Compiled & Translated
Joel Lal Cung Mang
Leitlun ih ram tthangso le Khristian ram a tam sawn in kum tinten May thla zarh hnih-nak ih kan hman ringring mi, Nu Ni thuanthu a thei lo kan tam zet ding. Curuangah,in hringtu nu pawl ih ni sunglawi a simi “Nu Ni” (Mother’s Day) a rak suahkeh daan thuanthu kan theihfiang coi ding beiseinak tumpi thawn runnganmi a si. Famkim Siarbet
Facebook Nan Ti Ring Ring Hi Ka Lo Mawhthluk Lo
May 12, 2012 by youthlife
Filed under Lawrkhawm, Theihkauhnak
Facebook hin million 900 lenglo hmangtu a nei si khawh. Rampi bangin ruat sehla China ram (population: 1.34 billion) le India ram (population: 1.17 billion) sangtu a si ve ding.
Facebook hi China, Japan, Russia, South Korea le Vietnam ram pawl lawng ah siloin leitlun ramkip zakip ih duhbikmi social net a si.
Facebook neipawl cun a tlangpithu in rualpi amalbik 130 hrawng cu an nei. Tui March 2012 ih zohfel dan vek asile nikhat sungah million 526 lenglo in an tham ih kumtin 41 percent hrawngin facebook thamtu an tam vivo.
Facebook ah rualpi 125 billion an um ih March 31 ih zohfelnak vek asile 3.2 billion in “like” le “comment” an pe.
Facebook ah million 300 zuk an tar zo ih nitin million 488 in phone hmang in an tham ve.
Facebook ih “The Social Network” timi film an tuah ih laksawng thazet an ngah ih a cangtu pawl tiangin laksawng an dawng phah a si.
Facebook kilkhawitu 3,500 lenglo an um nan an haidaih aw lo deuh ruangah hmai kum ahcun thawngkhat hrawng in a kilkhawitu an tipung bet ding.
Facebook hmilam page zohtu hi tuini tiang ah million 60.2 an si. Apahnihnak ah Texas HoldEm Poker page zohtu hi million 56.6 lenglo an siih a pathumnak ahcun Eminem page asi ih million 52 lenglo in an zoh ve, cule YouTube page hi million 51.3 lenglo in an zoh ve. Cutin, Rihanna page khal million 50.3 tlukin zohtu a nei ve.
Himi link ah siarbet aw: Facebook Kan Uar Luarkai Tuk Maw Si?
Happy Mothers’ Day
HAPPY MOTHERS’ DAY
Salai Alan
Leitlunin ni ropi le a ngaisan pawl lakah hin ‘Nu pawl Ni’ (Mothers’ Day) a tel ve ko ding. Leitlun ih ram tamsawn le Christian ram pawl cun, May thla zarh hnihnakah hin himi Mothers’ Day hi a hmang tlangpi.
Mi hrekkhatin Nu le cawimawinak ni nuam zetih an hman lai ah, hrekkhat cun ‘Nu le nghilhlonak’ ah tiin an hmang ve fawn.
Nu damlai pawl cun, an nu le nuamzetin an ‘Nu le’ an cawimawi ih ‘Nu’ ti ding neive nawnlo pawl cun “Ka nu hi nungdam in um sehla aw” tiin lungleng zetin hringtu NU theih ring ringnak ah an hmang ve asi.
“Cawimawinak Ni” maw na hman ding “Nghilhlonak Ni” ? Himi “Mothers’ Day” a umthokdan, an hmanthokdan pawl hi kan thei ve hnuaihni ko ding nan thei hrihlo pawl kan um hrih pangah tiin kan vun ruat ( Let ) khawm ding aw. Famkim Siarbet
Na Thei Dah Ngelcel Maw?
May 11, 2012 by youthlife
Filed under Lawrkhawm, Theihkauhnak
THLA 12 THUANTHU TAWI
Salai Napoleon (Liante)
MAY
Rom khawzing pathiannu Maia (Mair) hmin cawiih sak mi a si ding tiin an zum deuh bik. Maia (Latin) ih sullam cu?hangso/?hanglian tinak a si. Maia ih pa cu Atlas a si ih leilungpi hi a liang parah a pu tiin an zum. Atlas cun Fanu 7 a nei ih pathianpawl tirhfung, van le lei hlehka rero ?heutu a fapa Mercury ruangah Maia tei’ unauza cu an hmin a than phah zet.
Pathian hmuahhmuah ih pa an ti mi Jupiter cun Maia tei’ unauza cu van ah a la ih a kiangnai ah a umter hai.Pleiades an ti mi Siruk Arsi cu Maia tei’ unau an si. A pasarihnak arsi cu hmuh a theih lo.
Cui arsi cun Sisyphus timi, tlang parah lungpi 1 kumkhua tul dingih camsiat mi cu pasal ih a neih ruangah riahsiain a hmai a hup ringring ti a si. Famkim Siarbet