New Delhi Ah International Conference Tluangten Thehsuak

CT News Delhi | Febuary 4

Jamia Millia Islamia (Academy of International Studies) le Tampadipa Institute, Yangon ih hohanak le Euro Burma Office ih sumpai lam bomnak ih tawlrel mi International Conference on “Myanmar: Bridging South and Southeast Asia” cu January 30-31, 2012 nihnih sung Delhi khawlai Jamia Millia Islamia (Sharokhan ih Tlawngkainak) ah le India International Centre ah tuah a siih buainak le harsatnak um lote’n, tluangten thehsuak a si.

Meeting kai dingih sawm mi pawl hi January 28 ni ah Delhi ah tluangten an thleng ih January 29 ni ah Delhi khawsung ah CSU (Chin Student Union), Delhi ih Chin mi Phunsang tlawngta pawl ih kaihruainak in lengvahsuak a si. Meeting January 30-31, nihnih sung kai theh hnu February 1 zingpit in Leilung tlun ih thilmak hminthang a pa sarihnak (The 7th famous thing in the world) a simi Agara ih Tagmahal le Agra fort ah CSU pawl ih kaihruainak in leng suah leh a siih Tajmal ihsin an tlun phah ah mai’ umnak ram ciar ih tlung saal dingin Airport ah thlah saal an si.

Zuknung :

Conference ih ra kaitu pawl:

• Myanmar Political Party 10 sawm an sinan Party 7 ihsin Politician (15) an ra tel thei.
• Myanmar NGOs and Civil Society ihsin mipum (14) an ra tel thei.
• Singapore ih pakhat: Ambassador Thaung Tun.
• UK ihsin Dr. Marie Lall (Strategic Analyst, University of London)
• Netherland ihsin Ms. Maaike Benders, (Amsterdam University)
• Euro Burma Office ihsin mipum (5) an ra tel thei.
• India Party, Organization, University ih hotu..etc… ihsin 36
• Chin Student Union ihsin tlawngta (4)

Thusimtu pawl:

Introductory address by:

(i)                  Prof Veena Sikri, Bangladesh Studies Programme, MMAJ Academy of International Studies, Jamia Millia Islamia University.

(ii)                Dr Khin Zaw Win, Director Tampadipa Institute, Yangon

(iii)               Harn Yawnghwe, Director, Euro Burma Office, Brussels

Welcome Address by             : Shri Najeeb Jung, IAS, Vice Chancellor, Jamia Millia Islamia

Special address by                   : Ambassador Zin Yaw, Ambassador of Myanmar to India

Special Address by                  : U Khin Maung Shwe, Party Leader, National Democratic Force (NDF), Myanmar

Keynote Address by                               :  Hon’ble Shri Neiphiu Rio, Chief Minister of Nagaland

Chair      : Ambassador K Raghunath, Former Foreign Secretary

Session 2 – Economic Opportunities and Challenges in Myanmar

Chair: Amb Rajiv Bhatia, Former Ambassador to Myanmar

Session 3: Between South and South East Asia

Chair:  Professor Sanjoy Hazarika

“The Bridgehead – linking India’s North East, Myanmar and South East Asia”	: Dr Khreizo Yhome Associate Fellow, Observer Research Foundation
“Situation in Kachin and Northern Shan States–political and humanitarian perspectives including displaced populations and refugees in China”	: Ja Nan Lahtaw, Shalom Foundation
“Myanmar: Connectivity to ASEAN”	: Ambassador Thaung Tun Visiting Senior Research Fellow Institute of South East Asian Studies (ISEAS), Singapore
“Myanmar and China: The Indian Perspective”	:  Dr Vibhanshu Shekhar Indian Council of World Affairs (ICWA) Sapru House, New Delhi

Session 4 : Moving Forward: A summary of recommendations

Chair      :  Prof. Veena Sikri

Audience discussion on the views expressed in the Conference and the way ahead

Concluding Address:

-          U Zam Cin Pao, Chairman, Chin National Party (CNP) & Pyithu Hluttaw MP

-          Shri Mani Shankar Aiyar, Member of Parliament (Rajya Sabha)

Vote of Thanks and Closing Remarks:

Harn Yawnghwe, Director, Euro Burma Office

Thurel mi pawl a tlangpi thu in a tanglam ah Mirang in tarlan a si:

(i)    Myanmar After the 2010 Elections

(ii)  Economic Opportunities and Challenges in Myanmar

(iii) Between South and Southeast Asia

(iv)  Moving Forward : A Summary of Recommendations

The themes being proposed for individual sessions:

(i)                 Myanmar After the 2010 Elections (Political Situation, Civil Society and Social Situation, The challenges of Ethnic Conflict)

(ii)               Economic Opportunities and Challenges in Myanmar (Overview of Myanmar’s Economy, Policy implementation challenges, Possible Roles for India, EU and ASEAN)

(iii)             Between South and Southeast Asia (The Bridgehead- linking India’s Northeast, Myanmar and Southeast Asia; Connectivity to ASEAN; Myanmar and China; The Indian Perspective)

(iv)             Myanmar and the International Community (USA, EU and the West)

(v)               Moving Forward: A Summary of Recommendations

Objectives of the Conference:

-          The various stakeholders and participants from Myanmar to explain their vision and perspective on priorities for Myanmar in the coming years

-          How do they visualise Myanmar moving ahead towards achieving these priorities, and what help, if any, do they need?

-          The collective of these views will bring out the logic and importance of in-country follow up activities in identified sectors, which could include institutional collaborations for human resource development, IT (information technology), trade and infrastructure development.

-          One practical outcome would be to visualise how Myanmar could achieve its objectives by serving as an economic bridge between India’s North East, Bangladesh and Southeast Asia.

DBCF Youth 14th Anniversary

India khawpi ih um Kawhhran hmaisabik a simi Delhi Burmese Christian Fellowship hi 1992 ihsin Kawllram mi hmuahhmuah komkhawm in Pathian thangthat tlangnak hrang din a si. Cutin DBCF cu Pathian lamhruainak thawngin mipi hi a pung vivo. DBCF ah kawlram mi kan tamtuk thlang tikah a hnam zawng in siseh, Kawhhran (denominatioan) zawngin siseh, in tlei vivo a si. Member hi 700 ihsin 900 karlak tiang hi a si ringring. Cutin intlei pawl tla DBCF kawhhran pi in thluasuah a pekta. Cutin tuni tiang hi innsaang khat vekin a tul daandaan in tlawmngaizet ih ke kar rero a si.

Cutin… DBCF a din hnu kum 5 a kim tikah Youth Department hi din a si. DBCF din thok ahcun member hi mi malte a si ruangah department hran ih din ding khop a si hrih lo. Kum 5 a kim hnu cun mino (thalai) hi a tam phah vivo ruangah Septembe 7, 1997 ihsin DBCF Youth Department cu din a si.

Tukum 2011 hi a kum 14 kimnak a si. Pathian lamhruainak thawngin le Hotu pawl ih taimaknak thawngin DBCF Mino, Youth Department cu a cak vivo. Cangvaihnak (Activities) a phunphun tla neih a si. 2010 ihsin DBCF Meifar Cazual thlatin suah a siih cuhlei ah Blogspot www.dbcfmeifar.blogspot.com> tla neih a siih DBCF ih cangvaihnak a phunphun pawl tarlan a si. Mino Hruaitu pawl tla hi lungrualzet le mai ti thei daan cio in Pathian hrang le Kawhhran hrangah pum an pek cio.

2011 Youth E.C pawl cu a tanglam vekin an si:

+++++++++++++++++++++++++++++++++++++

 

 

 

 

 

 

 

01. Pa. Van Bawi Kung – President
02.Salai Uk Lian - V.President
03. Salai. Van Bawi Thawng - Secretary
04. Salai. Lal Sawi Ceu – Asst. Secretary
(Salai.Ngun Lian Thuan ai awh)
05. Salai. Tha Lian Thang – Public Infomation Incharge
06. Mai. Judith. Van Lal Hnem – Treasurer
07. Mai. Mang Doi Tial – Financial Secretary
08. Salai. Van Ram Eng – Auditor
09. Salai. Bonai – Auditor
10. Salai. Thian Za Thang – News Editor
11. Salai. Za Biak Hu – Member
(Salai.Mal Sawm Tluang ai awh)
12. Mai. Ro Rel Lian – Member
13. Mai. Rem Cia Thluai – Member

Advisor:

01. Upa. Run Sum Sin
02. Upa. Cin Lian Thang (Upa. Steven Kap ai awh)

Siartu zate DBCF Youth Wing hrangah thlacamnak thawn in bawm cio dingin zaangfah kan lo dil a si.

THLACAM NAKIH THIL TI THEINAK (Jer 33:3; 1Thes 5:17)

By: Rev.Nehemiah Sui Nei Piang

Tui kum 2011 Sungih DBCF ih kumpuan cu Thlacam kum ti hi a si. Ahmaisa in rawl-ul thlacam thu ka rel hmai sa duh. Rawlulh thlacam ih um zia le sullam cu minunglam ih ti thei lo mi Pathian thil titheinak a takih a lang theinak ding hmanrua um sun a si. Zumtu in mah le mah el aw in Pathian lamah nun taktak thawi pawlkom theinak dingih pek-awknak a siih Pathian thawi’ a thukbikmi pawlkom awknak khal a si. Riahsiatnak langter le Pathian hnenih thu ngai thlak ih dil duhmi neih tik caan ih hriamhrei um sun khal a si.

1. O.T ih bulpak rawlul thlacam pawl:

(a)Moses (Ex34:28) (b) Danial (Dan9:3), (c) David (Sm109:24) (d) Nehemiah (Neh1:4), (e) Ahab (1Siang 21:27) (f) Ezara.(Eza10:6).

2. O.T. ih mibur rawl-ulh thlacamnak:

(a) Lev. 16:30-33 – Sual thianfai nak le thinghlim nak hrangah.
(b) Thuthen 20:26 – Ral sun ih vansiat ton caan ah.
(c) 1Sam 7:6 – Sualsir caan le sual phuan caan.
(d) 1Sam 14:24 – Raldo mi neh theinak ding hrang.
(e) 1Sam 31:13 – Riahsiatnak an ton caan ah.
(f) 2San 20:3 – Pathian lamhruainak dingah.
(g) Esther4:15 – Miphun luatnak ding hrangah.
(h) Joel 2:15-17- Mi phun dangih hmuh suam lo ding le Pathian zangfahnak  co theinak dingah.

3. N.T. ih bulpak le miburpi rawl-ulh

(a)    Jesuh (Mtt.4:2) b. Paul (Act.9:9).
(c)    Anna (Luk2:39, Mark 2:18, Act 13:13, Act 14:21-23.

4.    Thlacamnak ih thil ti thei zia..

(a)    Josua-Ni le thlapi a ding (Josua 10:12-14)
(b)    Esther – Miphun luatnak a thlen (Esther 7)
(c) Eliza – Van ihsin meisa a tla (1Siang 18:36-38)
(d)    Danial – Kiosa ka a cip (Dan 6:10-22)
(e)    Kawhhran hmaisa pawl…inn a hnin (Act 4:31).

Kan Bible ca thianghlim ah hlanlai mi thianghlim pawl kan zoh a si le an ralnehnak tha bik cu Thlacamnak le rawlulhnak hi an hman-rua thabik le an hriamhrei thabik an ral nehnak a si. Zumtu mipiangthar pawl kan Kawhhran, kan Pawl, kan Sung- kua, kan ram le miphun a dam saal theinak dingah Thlacamnak le rawl-ulhnak thawn tangin Pathian kan ko thlang pei. Pathian in kan miphun le kan ram kan Kawhhran a ti dam saal ding a si.

Hram: DBCF Meifar

Mino Le Innsang

By: Rev. Mike Zung Ceu (FBCY Church Pastor)

Mino pawl ih an theih duh ringring mi thu pakhat cu innsang thu a si. Zo thawn innsang kan din leh pei? Ka duh mi ka co thei pei maw? Aw… pasal/nupi nei lo in maw ka tar cuahco men ding?

Khimi nu/pa in ziangtin i duh thei pei? Pathian sam hrisih teh a um ngai pei maw? Miphun dang maw ka nei men pei? Pathian zumlotu teh a poinak a um maw, in duh taktak ahcun?… tipawl hi mino thinlung sungah a um mi thusuhnak pawl a si theu.

A tanglam ih thu pawl ruattlang uhsi:

1. Innsang Din Thei Dingin Timtuah Aw:

Pasal/ nupi ka nei lo mai ding… na ti a si ahcun, thil pakhatkhat a palh zo tinak a si. Thinlunglam maw…taksalam maw? famkim lonak a um tinak a si thei. Ziangahtile Pathian in “Mi pakhat lawng um cu a tha lo” a ti ruangah Adam le Eve a kom hainak a si.

Nupi le pasal timi a um ruangah nang khal na um theinak a si ti na ruah a tul. Cun, minung hrimhrim hi mah lawng um dingmi kan si lo. “Mi pahnih cu pakhat hnakin a tha sawn” (Taksa, Thinlung, Thlarau…ah thapetu, tuarpitu,lungawipitu, khua hlumtertu, nuampitu, diriampitu… kan tul… Thusimtu 4: 9- 12).

 

2.Thit-umnak Cu Upat Sunloih Ding A Si :

Leitlun ih ram thangsobik ah USA a tel. Asinan innsang a then aw tambik lak ah a pakhatnak an si ve. Ruat cuca loin thit awk mai, cule, remcan lo tikah then aw men lala.. tivek hi khrihfa (Pathian zumtu) pawl ih tuah dingmi  a si lo. Mah pahnih lawng lungkim aw men ih umtlang men hluahhlo ding khal a si fawn lo (Tui san ah cuvek a tamzet). Baibal in hitin a sim: Thit umnak cu zokhal ih upat sunloih ding a si, pakhat le pakhat rin-um in um hai seh (Hebru 13:4).

Pathian hmai ah, sungkhat hmai ah le kawhhran hmai ah… Pathian tihzah upatnak thawn.. nunsung hrang timtuah aw in.. rin um takin nupi/pasal neih ding a si. Dam sung daih… mi pakhat lawng rin-umzet ih thitumnak neih hi Pathian upat sunloih a si. Khristian thit-umnak thukam cu minung pakhat le pakhat tlun ih kan tuahmi lawng a si lo, Pathian hmai ah/ Pathian hnenah thu kan kam mi a si ruangah hngetkhohter ding le rinumzet ih nun sung tlamtlinter ding a si. Nupi le pasal parih rin-umnak neih hi Pathian tlun ih rin-umnak tumbik pakhat a si.

3. Pathian Hnenah Thlacam Aw:

Mino tampi thlacam dah lo le timtuah aw lo in nupi/pasal an nei theu. Nu le pa thenkhat tla kan fanu, fapa hrangah thla kan camzet na’n an hrangah a thupi tukmi an innsang dinnak hrangah thacam sak kan hngilh theu.

Thenkhat cu ningzah ding thil ah kan ruat ih thlacam dil ding khal kan ngam theu lo. Pathian ih samhrisih mi kan co theinak dingah le innsang thluasuah kan don theinak dingah thlaza cam ringring ding kan si.

4. Pathian Zumlotu Thawn Umtlang Ding Cu A Awl Lo Ti Thei Aw:

Pathian zumtu le zumlotu umtlang cu rualpi le innhnen men hrang hmanah a ol lo. Fala, tlangval silai ahcun a rem thei ding a bang men ding.

Asinan, innsang ngaingai ahcun a si thei lo. A rak pah rumrotu innsang pawl kan zoh tikah sirawknak thawn vansanglam an tam sawn. Faate an neih tikah an har sinsin. An faate pawl biaknak nei cuca lo ih vakvai an tam. Zumnak a zor vivo lawng hman siloin biaknak ruangah  innsang buainak tampi a suahter (IKor. 7:1-16).

5. Miphun Bangaw Lo Khal Tuar Ding A Tam:

Midang veve innsang khat ih kan umtlang tikah, a rei deuhdeuh cun hmuhawk theilonak tete a suak vivo. A hleice in kan miphun a bangaw lo tikah kan nunphung le kan ruahdaan, kan duh daan le kan hmuh daan… a lamdang mi tampi a um.

Kan tong in thok kan pom daan lamdannak a ummi pawl pakhat le pakhat theihthiam sak awk ringring le pakhat cu niamcuh (sinak hlohter) a tul ringring. Khrihfa si veve hmanah miphun bangawk lo ruangah nundan thiamzet lo ahcun innsang buainak tampi a suak theilai, ti theih cia a tul.

6. Duhdawtnak Le Ngaidamnak A Thupi Tuk:

Thenkhat in i duhzet sawntu thawn nei aw dingin thla in camsak aw, an ti theu. Asinan “Na duh theilomi pi, amah lawngih a lo duhtu thawn umtlang na duh ngai maw” ti tikah an aan a hai theu. Nupi, pasal cu duhawk veve a tul. Duhzet awk veve a tul. Duh kuahko mi neih-awk hi a thabik. Cumi lawngah innsang ah a thupi bikmi ” Ngaidamnak” nan nei thei ding. Nga cu tidai sungih a nun bangin innsang khal ngaithiamnak in a nung, a nuam thei a si” ti hi thil thupi a si.

Fimnak maw, Lian/lennak Thupi?

Duhdawt mi Casiartu zate…

Tutum ih kan ruahtlang ding mi cu “Fimnak maw Lian/lennak… Ziang hi a thupi sawn” tihmi hi a si ding… (thimnak: ramleng kan feh hi zianghrangah?)

Himi kan ruahtlang tikah kan tarlan dingmi cu:

(1) Ziangruangah?

(2) Ziang hrangah?

(3) Kan thupitter mi parah  Ziangtin hma kan la ding?

(4) An pahnih in thupi veve asile… Ziangruangah?  ziangtin hma kan la ding?

Zozo khal thinlung thiangte’n mai ruahdaan tarlang ciau dingin kan lo sawm…

Nu Ni (Mothers’ Day) thawn pehpar aw in Thu suhnak… (Mipi Ankaa)

Nu Ni (Mothers’ Day) thawn pehpar aw in a tanglam ih tarlan mi thusuhnak pawl hi Thinlung Thiangzet in na ruah daan run tarlang ve aw.

 

(1)    Nu Ni ah Nu pawl in caan hman maw?  Mi dang in sunlawihnak pek ih caan hman? < < < Na Ruah DAan ? > > >

(2)  Nu Sunlawihnak hrang Nu Ni ah Sunday School Nauhak pawl in Nu Hmuahhmuah sunlawihnak Pangpar (rose) pek.. Cuih pangpar pek ruangah Nu le tampi, Pa le tampi, fanau le tampi cu lungzul in mithhli thawn an um. Hihi Nu Sunlawihnak a hnaihnokter maw?    < < < Ziangtin na raut? >>>

(3) Nu Ni Sunlawih Ni ah mipi hmai fekfek sunlawinak pek.              < < < Ziangtin na ruat?>>>

(4)  Nu Sunlawih Ni ah a lo hringtu Na Nu zaingtin sunlawihnak na pek? < < < Sunlawihnak na pek daan?> > >

Thinlung Thianten na ruah daan mipi in theih an duh ve… run hlawm ve hnik aw…

Na Ruat Zo Maw? – By Sungte

Rual duh hawi tla thawn…,
Calai zirank hmunnuam ah leng tlang in;
Nolai caan kan hmang.
Cuih caan ah a man khung rose par mawi,
Ka lu ah tonnak cang thiam ta ningla;
Keimah khal ka man a sang ve mai ding.

Asinan… i mawitertu dingih ka hril ve mi cu
Zohman ih ngaihsak lo ziang an siar lo mi,
Zinkap pangpar men a si.

Khua a rei, caan a liam, tlaksiatnak in i nen vivo,
“Ka hril  sual riai” ti ka theih cun;
Ka leenrual hlun pawl khawlai ah ka hun tong,
Lehlam hoi in ka sir-ah in pial san;
Suahseempi le duhdawt mi tla hman,
Kan ruun-inn ih lut lengtu an um lo.

Khua ka vun ruat, ka tuar a har, ka thina i zun,
Ka nun hramthawh saal theih sisehla maw…;
Pathian tihzahnak in fimnak hram ka thok ding,
Ka thlarau hrangah nunnak a si dingih;
Ka ruangpum hrangah,
Mawinak famkimtertu a si ding.
Sikhalsehla…
A liam cia caan kawhkir saal  a theih nawn si lo,
A cuih ka thin ee..
Danglam saal thei nawn hlah maw;
A  va poi ve! rualduh hoi tla…
Kei vek teh nan um pang maw?
Ziang thei lo lengthar nonawn pawl hnenah tal,
Lamtha hmunnuam an pal theinak dingah;
Thu ro vun cahta ning maw…

Maw! duhmi – Mino,
Na caan tha in mual a lo liamsan hlan ah;
Na nun lamtluan a lo mawitertu ding,
Pangpar hmui na hril dingmi;
Ngunngaihzet in na ruat zo maw?
“Na hril ding mi Pangpar Hmui?

Santhar Israel an Din Daan VII- Dr. Run Bik

UNO cun Palestin ram cu Israel le Palestine Arab pawl hrangah then siseh ti’n November 1947 khan an rel, An thurel hi Juda pawl cun an duh nan Palestine pawl cun an duh lo. Hi ruangah Juda le Arab pawl ih do-awknak cu hi tawk ihsin a suak zo. Asinan do-awk pi cu Israel (Independence) an nghah hnu ah a silai ding.

Vei khat cu Palestine uktu British Governor pa cun Juda hotu nu Goldar Meir hnenah, “Na fanu hi nan ramri kil ah (Egypt ramri ah) na ret sapbai, British pawl kan suah vete’n Arab (Egypt) army pawl an rung lut dingih, na fanu khal hi a thi hmaisabik ah ho khaw a tan ding, cu ruangah hmun him deuh Tel Aviv khawpi tal ah re awla” a ti. Cutikah Golder Meir cun, “Kei in ka fanu a himnak dingih khawpi ih ka ret ahcun nu le pa dang khal in an fapa le fanu pawl hmun him ih ret an tum dingih, zo in so kan ramri pawl kil nawn ding, a thih le a thi a si ke cu,” ti’n a sawn.

British pawl hin Israel (Haifa khawpi) hi May ni 14, 1948 ah an suahsan nan hi hlan ah a sangtete’n an ralkap pawl Palestine hmun dang ihsin an suahsan vivo ruangah Juda pawl le Arab pawl ih kah-awknak cu a rak um phahphah zo.

Juda mi pawl ih raldotu a phunphun pawl cu Israel Defense Force (IDF) ah an pung-khawm aw leh thluh. Egypt, Jordan, Syria, Lebanon le Iraq pawl cun British pawl an hmaisawng ruangah Mirang ralkap pawl um sung cu Juda mi pawl hi an do lo. British ralkap suah thluh ni, 14th May, 1948 cu Juda mi hotu pa Ben Gurion cun Israel independence ni ah a puang. Juda hotu pawl hin an ramthar hi ziang hmin ha kan putter ding ti an rak ruat khawm zo ih, Israel si seh ti’n an rak lungkim a si.

Arab ram 5 ih ralkap pawl khal cu British pawl an suah veten Israel cu an do thok. Asinan Israel pawl khal an rak tiar-aw ve thlang. Arab pawl hi an tam na’n training nei lo an si deuh. Arab ram 5 lak ah Jordan ralkap. Arab Legion an timi pawl lawngte raldo an thiam hleice. Annih hi British officer pawl in an ho a si. Asinan Arab Legion le Israel ralkap pawl hi an do-aw lem lo. Ziang- ah tile Jordan ralkap pawl hin East Jerusalem le West Bank of the Jordan an ngah cun  an lung a kim mai a si.

Himi hi cu UNO ih Pales-tine hrang a pekmi a si ruangah Israel cun Jordan ralkap pawl ih an lak cu poi an ti lem lo. Israel ralkap pawl thung cu World War II lai ih British ralkap le Russia ralkap ih an rak tuan ruangah raldo an thiam zet. A then cu thiam lo cing khal in an do. A tultuk si. Vei khat tla cu Soviet Union ihsin  Israel ram ih a vaitu Juda mipa pawl cu Israel an thlen vete’n meithal an rak hman ih, Arab ral do dingin an pok.

A thaisun mai ah thenkhat cun an thih phah. Hiih lai ahhin West Jerusalem ih um Juda mi 100,000 lai cu Arab ralkap thawng tampi in an kulh thepthep. Hi pawl hi Israel ralkap pawl in an run suah thei lo ahcun thawng tampi an thih phah ding ih tlunah East Jerusalem lawng si lo West Jerusalem khal cu Israel pawl in an co lo ding a si.

Dr.Run Bik

NO LAI CAN

Minung dinhmun ah Mino kan timi hi mino a si hrih lotu nauhakpawl in si an cak emem ih, a rak si zotu pawl le a rak feh liamsantu pawl in kirsaal cakin ui emem ih an thlir duahdo mi atu ih nang le kei kan si-nak hi a si.

Hih leilung ih kan rung semsuah vete’n leilungpi in in rak hmel theih hngalh, cun kan inn-sang, Kawhhran, Miphun le Ram khal in Mino kan rung si ding hi hngakhlapzet in in rak thlir ih, anmah cawisang ih humhimtu dingah kan nih mino pawl hi rak ham ciami kan si.

Hihi kan semsuah ihsin Mino kan nun sungih kan run kenluh mi mawhphurhnak khal a si.

Pathian in Mino Nun Thluasuah a pek

Mino pawl in kanmah le dinhmun in leilungpi kan thlir cio, kan sinak tawk ciar in hmuh daan, ngaidaan le ruah daan kan nei, curuangah kanmah le dinhmun in thiltitheinak le danglamnak khal kan nei. Hihi Pathian in mino pawl nun thluasuah a pek ruangah a si. Mino hi Kawhran, Ram le miphun cawisangtu le humhimtu dingih hamcia mi kan si. Ham cia mi kan si ruangah kan mawh- phurh mi pawl a hlen suak theitu kan si a tul. Pathian in mino nun cu mawinak, fimnak, thiamnak, cahnak le thil titheinak a phun-phun thluasuah in pek.

Atu santhar mino pawl in fimthiam- nak lam khalah zirthluh cawk lo ding khawpin sanhmaisa pawl ih ro cotu khal kan si. Hih caan ahhin zo cio kan nolai caan, diriamzet ih ram, miphun le Pathian hrang hna kan tuan theinak dingah zalennak khal Pathian in in pe. Kan leilungpi, miphun le ram pawl ih mawinak, nomnak le daihnak cu atu ih mino pawl ih nun ah a thum aw ih, cuvekin hmailam ih a thansohnak le mawinak khal atu ih mino pawl ih kut ah a thum aw a si.

Asinan kan thiltitheinak pawl hi mai’ lam ihsin suak ah kan ruat theu ih lehlum ah naa thei lo le thi thei lo hial ah kan ruat aw.  Sersiamtu le thluasuahtu Pathian khal theihhngilh hial a olte a si. Thil ziangkim theithei le tuah thei thluh ah kan ruat aw ih lehlam ah kan thiltitheinak cu mualphonak in thlentu ah an cang sawn theu a si. Curuangah kan nolai nun Pathian in thlua a suahnak san hi kan theihfiang a tul a si.

By: Salai Tin Lian

CT Lengtu Pawl Hrang Sunday Sun Khawm Nak Nei!

CT Readers.

CT lengtupawl hrang le Sunday sun Khawm theilo pawl hrang CT ah khawmnak kan nei ding. Tuini ih thuthangtha simtu ding hi Rev. Nehemiah Sui Nei Piang a si.

Thupi: Sardis Kawhhran- Thuphuan 3:1-6

Sardis kawhhran cu thi ringring si nung hmin keng timi kawhhran a si. Hrekkhat in Kawhhran thi ti hi kan huazet, cuvek a um thei lo ti tla in kan tang, kan ni tulai Kawhhran tampi tla hi kawhhran thi kan rak si ziar kei, mah le mah theih-awk hi a har theizet. Kawhhran thi dinhmun ih ben- awk ding tla cu a har sinsin ding. Sikhal-sehla Bible thu thate kan zoh duh a si ahcun theih-awk thei a si.

Sardis kawhhran thi a si-nak cu an member lakah Pathian thutak ih mi rin-um malt ngaingai lawng an um. Cuhman cu an cem leuleu, a dang pawl cu a hmin men ih Kristian lawng an si. Mi piangthar an maltuk ti ding a si. Kawhhran mi piangthar zumtu an mal sawn ih piangthar lo an tam sawn a si ahcun cuih Kawhhran cu a thi ti-nak a si. Dinhmun tihnungtak ah a ding ti-nak a si.

Mi piangthar lo pawl in kawhhran an hruai a si ahcun Pathian thutak lamzin peng tengteng a rak si theu. Lamzin dang a um lo, Sardis Kawhhran hi a pekte ahcun an ti thazet, a nettalam ahcun a thawk ih an ti thatmi pawl an tansan vivo a si. Curuangah Jesuh in sualsir ih tharthawh aw saal dingin a sawm.

Sardis Kawhhran hin A.D 1517-1750 tiang Kawhhran san ai a awh. Kan zohsak asile himi san hi reformation san a si. Anmah rem thatu pawl an damlai ahcun thildik le thil tha an tuahmi a um a si ding. An nungzet, asinan tu ahcun an dai theh, Pathian Thurin khalah an thi ih nun khalah Thlarau tel lo lenglam nun lawng hi an si.

Mr. Christian Peters cun, himi pawkom ahhin Reform Kawhhran pawl Methodist, Lutherran, Presbyterian pawl tla hi an tel a ti (The seven churches of Revelation – who they represent in this day and age by: Christian Peters). Sardis Kawhran thuhla ahcun Dr. M.M.Ninan in hiti’n a sim. Biakinn tum pipi le mawi zetzet an nei, sumpai tampi an nei.

An Biakinn khal an khat thepthep ringring, Pathian hrangah thil an tuah ringring fawn. Hna ropi taktak, farah nauhak bawmnak, nu le pa nei lo cawmnak le a dang hna ropi taktak khal an nei ti ah a ti. (A study on the first three chapters in Revelation-Part (8) by : Dr. M.M.Ninan).

Pathian ngaihsakzet an bang na’n huham a um lo. Pathian an bia ko na’n Thlaraunak a um lo. Kawhhran thuanthu kan zoh asile A.D 1800 kum hrawng ihsin Higher Criticism timi milai thluak rinsan ih Bible sawiselnak (Rationalsm) a ra suak. Hi pawl cun Evengelism an thlahthlam ih milai dinhmun cawisan (Social Reforms) le lenglam hnatuan an uar.

Thuphurtu ding pakhat tal luat kel tiih an rak tim theumi bangin hi Sardis Kawhhran ah khal hin mi rin-num malte an rak um a si. Sardis Kawhhran hnenah Jesuh in sualsir ih thangharh saal dingin a ngen. Tulai kannih zumtu mi piangthar dung tawlh pawl le Pathian thu hnakih leitlun thil riih an tlannak ihsin Pathian Thu Bible zirhnak ih kan kir saal hi Jesuh in in hngak ringringlai a si… Pathian in mal in sawm sak in Amah lawng in sunlawinak hmuahhmuah co thluh seh law…

HARSAT HI ZIANG A SI? By: Isak Pa

PATHIAN a cangvaih daan cu a rawng,  a ti deuh, a na tiih kan ruah ahcun kan- mah hi kan dik lo a si. Kan luhlul le Amah kan ngaihsak duh lo ruangah a si harsat- nak pawl kan parah a thlenter theu. Lei- tlun nomsaknak kan duh lutuk ruang- ah a si kan thlarau nun a tlak niam in a than- len thei lo. Na nun ah harsatnak na tong a si ahcun a lo kawknak tla a si men thei.

Pathian na ti sual mi pawl theisuak saal ding in a lo duh tla a si men thei. Khawvel thil na ngai ropitnak lakin lo banter (cawlh) a tum saal theh tla a si ding so khaw.

PATHIAN cun na dam sung hngawng thei thu thlun ding thu tluknak poimawh tak tuah na bak ti thei in Amah thawn nan zawmawknak ti hnget ding zawng in thu tluknak na tuah a duh ruangah na parah harsatnak le mangbangnak a rawn thlenter tla a si men thei. Ziang dinhmun khalah ding awla, Pathian cun tum nei lo in thil a ti dah lo ti thei awla buainak le harsatnak in a cim buai tla a si thei, na thatnak dingah a hman-rua a si ti thei ringring aw.

Caan A Nai

Hmuntin ramtin ah buainak a thleng,
Thihhloh a tam, danglamzet in;
Zo cio khal tong thei dinghmun kan si,
Daithlang loten…

Hmaison lote’n
Zohman ih kham theih rual lo;
Tilet tho, Linghnin lengkak, tlangpuak in,
Minung, ramsa buainak, harsatnak a pek.
Harsatnak ka lo pek ding ti sim cia lo te’n.
Caan a nai tinak…

Biakinn sungah baanphar in Bawipa Bawipa tin,
Thlarau ih khahmi nun nei bang in…
Asinan… lenglam nun ah pokpawlawng…
Caan a nai tinak…

Rundamnak Thu simphuang rero asinan,
Zum duh lo;
Leitlun thu le hla hmuah ah,
Cipciar zet in hminsin thei.

Nang le kei, tu theh ih hlo thei,
Duh-awk le puarthau ding kan si lo.
Thlacam in Pathian hnenah
Pum ap ringring ding kan si.
Caan a nai…  Caan a nai…

By- Salai Star

Next Page »