Buainak Lak Ih Mangbangza Bible

Kachin ramkulh Manmaw (Bamaw) peng sung ih Kawl Cozah le Kachin Zalennak Ralkap (KIA) an doawknak tum ah Kawl Cozah ralkap pakhat ih kahmi cerek pakhat cun Kachin pastor ih Bible Thianghlim a ngah.

Cerek cu Bible ih hrekkhat tluk thuktiang a lut ih cerek zim cu Saam nambat 37 (“Nan Nunnak Bawipa Hnenah Ap Uh” 1, Mi thalo an um ruangah donhar in um hlah…..) ah a cawl.

Himi hi October 16 sun nazi 12 luan deuh ih thlengmi a si. Himi Bible bungcang hin “Tu ih Kachin miphunpawl in an tuar reromi pawl hrangih thazang a pek rualin” cui pastor khal cun cerek ih ngahmi Bible cu kengin Bamaw mission office ah ra in nunphuansuahnak (tetthikhannak) a nei.

“Pathian thangthat phat in, Saam 37 siar phah in thazang lak cio uhsih!!!” tiah thazang peknak le forhnak a neih ta thu CT in kan dawng.

Kapu Rori Ka Rak Si Ual

Aluancia caan khat lai, ka kum 23 ka rak si lai ah  nuhmei nu pakhat ka rak thit dah. Cuih ka nupi nuhmei nu cun tlairawl fanu pakhat te a rak nei. Rinlopin Kan nu ih fanu cu kapa thawn an rak duhawk  ngah. Cuhnu a rei hlan ah ka pa thawn cu an rak nei aw. Cuih thil cangmi in ka si dan in tidang thei a si.

Aruangcu Ka pa hi  ka makpa tin tla ko thei. Cun ka fanu khal ka pa nu pi a si ruangah  ka nu (ei) tin tla kawh thei a si lala fawn. Mangbang za thil si. Hmenhsehla ka nupi thawn fapa mom moihmi te a reihlanah ka neihmi in hnangamnak  in pek deuh.

A sinain, Ka fapa mom moihmi te nih ka pa kha a maakpa ti thei a si. Cun ka hrangah ka fapa cu  ka pu tin tla kawh thei a si mi nih ka thinlung ih buaiter. Ka fapa cu ka pu ka ti theinak cu kanu (ei) ih naupa a si. Cule kanu(ei) hi Ka fanu tin tla kawh thei mi a si ruang ahcun kan nu  ih fanu a si ruangah.

Cun ka pa le a nupi cun fapa pakhat te an rak nei thlang. Cuih an fapa te cu ka tupa  ah a cang lala ruang ahcun ka fanu ih fapa te a si ruangah. Cun kanu (ei )ih nu cu ka nupi a si hlei ah ka pi ti tla khawh a thei ruangah ka thin a nuam lo zet. Ka nupi hi ka pi ti a theih vekin  kei hi  a ma’ ih tupa te ti tla a thei lala fawn si.

Himi thil cang dan pawl ruangah ka rak thei awk dah lomi le thil phundang taktak mi in theiter mi cu pi le pawl ih  pasal cu Pu tiah kawh a si ruangah kei cu ka pi ih pasal ka si vek in a ngaingai ti ahcun kei hi ka pu rori maw si ka rak si.

- Cung Luai Hnin

* Dwight Latham and Moe Jaffe’s ih Novelty song  “I am My own Grandpa” timi a remcang zawng in let mi a si .