64th Anniversary Chin National Day Delhi Ah

New Delhi CT News | February  20

Laimi in kan ngaihlut zetmi le kan hngahhlap zetmi 64th Anniversary Chin Natioanla Day cu tu’ini, February 20, tlawngkainikhat ah  Laimi beunak hawl tam zet umkhawmnak India khawpi, New Delhi ah Chin Students Union (CSU) pawl ih hohanak in hlunghlai zet in hman a si.

Chin mi pawl ih kan ngaipawimawh zetmi le kan hlut zetmi 64th Anniversary Chin National Day cu Chin Students Union (CSU) hohanak in New Delhi ih hmun pakhat, Bindapur Community Hall ah zinglam nazi 11:00am ihsin tlailam nazi 4:00pm tiang ropi zet in hman  asi ih a hmun ah mipi 500 lenglo fehkhawm in hi puai cu hlunghlai zet in le ropi zet ih hman a si thu a hmun ih telpivetu, CT tuanvoneitu Salai Zilthli hnen ihsin thu kan dawng.

Famkim Siarbet

Kawlram : International Airport 2 Tuah Tum

Myanmarnews.net | Febuary 20

Kawlram acozah cun ramsung ah International Airport 2 a thar ih tuah a si theinak dingah hmalaknak a neih rero lai thu thuthangca in a tarlang.

Kawlram acozah cun ram remthatawknak cu reipi sung cak zet in le hmasawnnak langngan ih hmuh theih in a nei vivo ih cuvek ih hmalaknak a neih vivonak ah ram dang thawn pehtlaihawknak a that ih Kawlram in hmasawnnak cak sinsin ih a neih theinak ding ah Kawlram sung aihInternational Airport 2 tuah a si ding thu ramsung thuthangca in a tarlang.

Famkim Siarbet

Kawlram : Mawngtu Nei Lo Vanzam Tuah

Myanmarnewshub |Febuary 9

Kawlram ih science le technology lam thuneitu pawl cun Kawlram sungah vanzam mawngtu nei lo cu an tuah hlawhtlin thu parliament thurekhawmnak ah an rel.

“ Kawlram mithiam pawl in an tuahmi vanzam mawngtu tullo cu an tuah hnuah veitampi an zam tersin zo ih an hlawhtling na sa. A rei hlanah hman theih in an tuah thei ding.” tiah a rel. Hi vanzam thar an tuahmi cu vanzam zinih a mah ten an duhnak hmun ih a feh theinak dingah controller khal a nei ding ih vanzam dang vek in mipi hman theih ding in tuah  a si ding a si.

Kawlram acozah cun science le technology hrangih kum 2011 ihsin 2012 sung budget a ruatmi cu income 296.552 asiih suakzat cu 4761.356 a si ruangah sumpai budget tulsam laimi cu 4465.804 lenglo a si. Cutiasiruangah science le technology hrangih tulsammi cu ting 4465.804 asi ruangah harsatnak a um thei ding ih Kawlram cun technology lamah thansohnak ngai ngai a neih theinak dingah cun sumpai tamsawn ih technology hrang a hman a tul ding a si.

Kawlram Hnatuan Pawl Thlahlawh Thanter Ding

BBC |Febuary 8

Kawlram acozah cun ramsung hnatuan pawl thla hlawh cu May thla ih sin a thanter thlang ding thu Pyithawngsuh-hluatdaw ih thurelkhawmnak Febuary 7, tlawngkainihnih ih an neih mi ah an rel cat thu thuthangca in a tarlang.

Pyituh-hluatdaw chairperson U Shew Man cun ramsung mipi hnatuah pawl cu an mah le tawk cio ih ei tawk an ngah theinak ding ah acozah hnatuan le hnatuan dang dang tuan pawl thla hlawh cu thanter a tul thu Pyithawngsuh-hluatdaw ih a thlenmi cu an rak bawmpi ih May thla ihsin thanter asi ding thu an rel cat a si.

Hi thu relkhawmnak ah hnatuan pawl thlahlawh cu ziangzat ih thanter a si ding ti cu an rel tel lo nan an thanter ngaingai a si ah cun Kawlram mipi tam sawn cu ei le in harsatnak ihsin hruaisuah an si ding ih zum a si

U.S In Kawlram Hremnak Dang Hlihsak Leh

Irrwaddy | Febuary 8

Kawlram acozah cun ram remthatawk-nak a fehpi vivo ih ram dang pawl mithmuh ah langngan in thlakthlengawknak  atuah thei vivo ruangah U.S cun Bank dangdang hmang ih sumpai thleng le bawmnak pekmi pawl cawlh ter ih hremnak an rak pek mi cu an hlih zo thu thuthangca in a tarlang.

U.S acozah cun Kawlram sung ih bank dangdang : Kabah Bank (World Bank), Asia Development Bank le IMF pawl fehtlang in sumpai lam in siseh technilogy lam in siseh bawmnak a phunphun a rakpek theumi cu Febuany 7, tlawngkainihnih ah U.S acozah cun a hlih sak leh sal a si.

U.S thuneitu pawl cun hivek ih Kawlram acozah hremnak an hlihsaknak san cu Kawlram in ram remthatawk-nak a neihmi pawl parah an tiamkam vek in an hlensuak mi a si thu an rel. U.S cun Kawlram cu pursumleilawnnak le ramthuhla ih hremnak thenkhat pawl cu a hlihsak hrih lo nan tuvek ih hremnak an hliihsak ruangah Kawlram cun bank dangdang pawl hnen ihsin sumpai in siseh technology lam in siseh bawmnak a phunphun a nei thei thlang ding ruangah Kawlram hrangah cun hmasawnnak tam zet a neih thei phah vivo ding ih thansohnak khalah cak sin in a feh thei phah ding a si.

Famkim Siarbet

Kawlram : Mipi Ruahdan Tarlannak Website Thar Tuah

Myanmarnewshub | Febuary 4

Kawlram mipi (ramsung um siseh ramleng um siseh) in Kawlram acozah ih lai-lakhrilawknak a tawlrel mi ah zalenzet in an ruandan an tarlan theinak dingah Myanmar Affair hoahatu Oo Win Myo Tu in website thar www. myanmaraffairs.com cu January 18 ah an tuah thu thutahnglatu pawl hnenah a sim.

Oo Win Myo Tu cun hi an website thar an tuahmi ih mipi ruahdan an tarlanmi cu Kawlram party dangdang pawl hnenah siseh parliament thuneitu pawl hnenah khal a pesawng leh asi ding thu khal a rel bet.

Hi website thar ah parliament thusuak, Kawlram president thu relmi pawl le minung zuarnak( Human Trafficking) thu pawl kimcang zet in an tar lang ding thu khal a rel tel bet. Website cu a din vivo theinak dingah sungtel pawl hnenah member fee khawn a si ding thu, hi website ih thuthar an tarlammi pawl cu kimcang zet ih Kawlram party dangdang pawl in an thei duh a si ah cun an hneih zuar a si ding thu, website cawngianak ding ah sumpai khal bawmnak sungtel pawl hnenah khawn asi ding thu le website hrangih sumpai an hawl rero lai thu pawl khal a rel bet.

Tawng-gi Ih Lohmun Acre 700 Lenglo Kawlram Ralkap In Hminsinnak Lungphun

Myanmarnewshub | Febuary 4

Shan State, Tawng-gitowship ihum Pin-ngui khua le Hu-pung khua ih kuthnatuan pawl ih lo an neihmi ihsin acre 700 lenglo cu Kawlram acozah ralkap pawl in cozah tasinak(hminsinak) lungphun, thantar le ralkap himsinnak lungphun pawl an phun thu thuthangca In a tarlang.

Kawlram acozah ralkap thuneitu pawl cun Shan State, Tawng-gi township ihum Pin-ngu le Hu-pu khua kiangkap ih lo hmun pawl ah acozah hminsinnak thantar siseh lung phun siseh phun in hminsinnak cu January 6 ah an tuah ciamco ih loneitu pawl cun acozah in an lo hmun pawl cu a lawnsak an phang thu khal a tarlang.

Famkim Siarbet

Facebook: Stocks Zuar Ding

Myanmarnewshub, the star.com | Febuary 2

Leitlun ih  social network thabik le thangthar pawl in an ngainat zetmi Facebook cu private company neitu pawl hnenah Billion 5 tiangih share an neih ve theinak ding hrangah tu’ini Febuary 2, tlawngkainithum ah share an zuar thawk thlang ding a si.

Facebook company cun an share zuarnak ding thuah thla reipi sung company dangdang pawl thawn biakawknak an rak nei zo ih Billion $100 tianglai ih zuar thei an beisei thu thuthangca in a tarlang. Facebook cun an share an zuar theinak dingin a tulmi an tuah theh ngaingai asi ahcun buainak tamzet a suahpi thei ding a si.

Famkim Siarbet

Kawlram : Metro Lamzin Tuahnak Ding Hrang Ram Dang In Bawmnak Pe Ding

Myanmarnewshub | Febuary 2

Kawlram sungah tlunlam le hnuailam tlangleng lamzin tuah asi theinak dingin ram dang pawl cun Kawlram acozahin tlangleng lamzin cu B.O.T (Built Own Transfer) an hman asiahcun bawmnak an pek tum thu thuthangca in a tarlang.

Kawlram acozah thuneitu pakhat cun, “ Kawlram ah hivek ih tlangleng lamzin in tuahsak cu ram  dang pawl cun an duh. Kan nih cun tuah an duh asi ahcun a cem tiang in tuahsak thluh kan duh. Cule, kan nih cun sumpai khal kan cem thei zik lo. Kan ram dinhmun in a zir lo tuk.” tiah a rel.

Famkim Siarbet

Kawlram : Online Ihsin Electiric Bill Man Khawn A Si Ding

Myanmarynewshub | Febuary 2

Kawlram sungah electric hmanman(bill) cu kum 2012 ihsin online ih khawn asi thlang ding thu electric department (2) wingi(mangki) Oo Kin Mg So in a rel.

Hivek in online ih electric bill khawmnak cu Yangon, Mandalay le Naypyidaw ah March thla ihsin hman tan a si ding thu a rel bet. “ Kawlram acozah in e-government(email hmangtu cozah) dan a hman asi ngaingai theinak ding in kan tuah tum mi a si. Inntin fehin meter zoh hnu peisa khawn tivek kan ti a tul nawn lo ding. Online ihsin a man kan thei dingih a pek lam khal online ih pek a si theinak dingin kan tawlrel rero zo.” tiah Oo Kun Mg So cun a rel tel bet.

Famkim Siarbet

Suu Kyi : Ma-guai Ah Mipi Vehvainak Nei

VOA, Myanmarnewshub |Febuary 2

NLD hruaitu ropi Awng San Suu Kyu cun Jenuary 31, tlawngkainikhat ah ramdang in Kawlram cu bawmnak  aphunphun an pek tikah mipi thawn tanrualnak tha an neih theinak ding hrang mipi idea an neihmi pawl theih thei nak ding hrangah Ma-guai Division, Myein township ah mipi vehvainak a nei a si.

Suu Kyi cun a umnak hmun Yangon ihsin vanzam thawn Ngiau-Oo Myo ah thlengih cu’i hmun ihsin Myein township ah feh leh in mipi vehvainak a nei. Myein township ihsin Pi-pin-teih khua ah feh leh in British in bawmnak hrangih an rak tuahsakmi dum siseh tipamnak pawl khal zohfelnak a nei cih a si.

Famkim Siarbet

Suu Kyi Ih International Award, Honor Le Appointments A Ngahmi Pawl

DBC | Febuary 2

Theihcia zovek in NLD hruaitu Awng San Suu Kyi cun polotic thulam lawngah silo in leitlun fimthiamnak lam khal ah laksawng le cawimawinak a phunphun a rak ngah zotu a si.

Tu’itum ah cun Suu Kyi in kum 1990 ihsin kum 2012 sungih Award, honor le appointment a lakmi pawl thlirnak kan rak nei ta sin ding.

1. Honorary Fellow St. Hugh’s College (Oxford, UK) 1990
2. Thorolf Rafto Human Rights (Norway) 1990
3. Sakharov Freedom of Thought (European Parliamnet) 1991
4. Noble Peace Oslo, Norway 1991
5. Honorary Member International EN (Norwegian Center) 1991
6. Humanities Human Rights Award (USA) 1991
7. Honorary Member International PEN (Candian Center) 1991
Famkim Siarbet

Next Page »