Mariah Carey Pasal Hospital Ah

Billboard.com | January 10

Hlasak thiam kum tinih Khrismas hla hit nei thei ring ring Mariah Carey  ih pasal kum 31 ih upa Nick Cannon cu a Kal lam that lonak ruangah sizung ah ret luh a si.

Mariah Carey hin Twitter-ah a pasal thawi Hospital ihkhun ih an ih lai zuk cu a post ih hi tin a ngan bet “Nick-ih dam thei vivonak dingin thla in cam pi uh”. Official website lam cun Nick Cannon ih natnak ruangah hin an sungkua nun a hlim lovin an thin a bang zet tiah a tarlang.

Nick leh Carey tei pahnih hi April 30, 2008 ih nei aw an si. An neihawk ihsin kum thum hnu, 2011 ah faphir; Monroe leh Moroccan Scott an nei. Kum 20 lai rak hmingthang zo Mariah Carey hi kan dungte ah khal Justin Bieber-ih music video ‘All I Want Is You’ ah khal sexy takin a ra cangvai sal ih tulai fangah cun  a pasal Nick thawn album thar an tawlrel rero lai thu Carey cun Billboard.com a sim.

Justin Timberlake Leh A Hnakruh

US Weekly | January 10

Kum li lai an thlunawk hnuin Actor/Popstar Justin Timberlake leh Actress hmingthang zet Jessica Biel cun ham awk nak an nei.

US Weekly in a tarlan daan ah cun December thla ah khan hi te’i pahnih hin nuam zet in holiday cu Wyoming lamah an hmang. Wyoming-ih Jackson tlangram romantic takah Justin hin Biel hi a ‘ham’ a si tin thucang ca cun a tarlang.

Justin leh Biel te hi kum 2007 ihsin an date aw thawk ih a hlanah cun Justin hin actress Cameron Diaz thawn an rak thlun aw theu. Biel khal Justin thawn an tawnawkl hlan ah cun actor Chris Evans thawn kum 5 lai a rak thlun aw ve.

Justin leh Biel hin March thla ah khan an break up lawkih ‘rualpi tha men kan si’ tiah mi lakah an rel theu nan, thla tam hman a liam hlanah an thlun aw salih tu ah cun neihawk hman an tum zo a si.

Lady Gaga In Hmuhsuamnak A Duh Lo

Tulai Pop awnmawi leitlun ih thuhla ngah bik Lady Gaga cun Havard University leh Mac Arthur Foundation thawn tang kawpin hlawknak umlo pawlkawm (Non-profit organization), Born This Way Foundation cu an din. Hi Foundation hin Youth Empowerment leh career guidance tvk, hmuhsuam leh nautatnak do (Anti Bullying) lam a hawi ding.

Cule, hi foundation hnuaiah hin John D and Catherine MacArthur Foundation, California Endowment leh Havard University hnuaiih Berkman Center for Internet & Society pawl a tuanpi dingih, hi foundation director ding hi amah Lady Gaga leh a nu Cynthia Germanotta an si ding.

Jojo A Ra Kir Sal

Hlan deuhin tleirawl hlasak thiam duh nungte Jojo khal rei pi a reh hnu ah a music video thar ‘Disaster’ hmangin awnmawi leitlun ah a ra kir sal.

Jojo hin kum 2006-ih ‘Too Little Too Late’ a suah hnu khan a thawm vang a reh nasa. Hi video ah hin a model ih a hman mi cu film lar tak ‘Mick & Noah Infinite Playlist’ ih a cangtu pa Rafi Gavron a si.

hollywoodreporter.com, desihits.com

Rebecca St James Ih Cabu Thar

Pathian hla sak theu, Grammy Award khal rak ngah zo tu, hlasak thiam Rebecca St. James cun ‘What Is He Thinking’ timi ca bu a theh fel zo ruangah tlangfarhnak a nei.

Hi a cabu ah hin nunau pawl in ziang tin mipa pawl ih thinlung putdan an thei thei ding ti mi a simfiang ih mipa fel le tha theih thei dan, duhdawtnak thu, nupi pasal neihawk dan le date-ak dan pawl cipciar tak in a sim fiang tel bet. Hi cabu hin leitu a ngah in mipi khal in an hlutsak ruangah sutsuak(reprint) a si thei vivo nak ding ah hmalaknak a nei rero lai  a si.

TobyMac Ih Khrismas album

Khristian hlasak thiam hmingthang, TobyMac cun kum 10 lai awnmawi lamih a lar hnuah a vawikhat nak Khrismas album a tisuak ding. TobyMac album ding hi ‘Christmas in Diverse City’ tih a si.

Pop, rock leh hiphop music hmangih remix sal mi hla lar tak “The First Noel”, “Mary’s Boy Child”, “O Come All Ye Faithful” leh “Little Drummer Boy” pawl hi, hi album ah hin a telh ding. Khristian Band hmingthang Sixthpence None The Richer vocalist Leigh Nash leh Jamie Grace te cun hi album ah hin an bawm ve ding.

Billboard, Hoolywood Gossip

Khristian Hlasak Thiam Leigh Nash ih Album Thar

Kristian band hmingthang Sixthpence None the Richer vocalist Leigh Nash khalin November 15 ah a solo album ‘Hymn & Sacred Songs’ ti cu a tisuak thlang ding.

Leigh Nash hin a solo album pathumnak ding ahhin hymn thar le hla hlun deuh pawl kan dungte ih a phuah mi le Charles Wasley, Fanny Crosby le hlanlai deuhih hymn lar cia zo hrekkhat pawl cu hi album ah hin a telh ding.

Hi album hi Rebecca St James producer John Hartley in a produce dingih musicians dingah Casting Crowns, Michael W. Smith, Hillsong, Steven Curtis Chapman etc. pawlih rak hman theu mi musician lar leh hmingthang taktak pawl a hmang ding.

Justin Bieber ih Christmas Album Hla Pawl

Justin Bieber cun Christmas holiday laiih kan hla ngai ding a buaipi rero a si.

Hi album-ahhin Usher, Busta Rhymes, Mariah Carey etc pawl thawn  hla an sak khawm ding.

Bieber-ih album thar ding hi ‘Under the Mistletoe’ tih a siih Nov 1 ah release tum a si. Hla 15 a um ding ih, Thaddis “Kuk” Harrell in a produce ding a si.

Hi albumah hin Mariah Carey thawn “All I want for Christmas is You” tih hla an sak tlang, Boyz II Men thawn acapella-in “Fa La La” tih an sak.

The Band Perry pawl in “Home this Christmas’ hlaah an bawm, ‘Drummer Boy’ ah Busta Rhymes cun a bawm bet. Bieber-ih R&B mentor Usher cun “The Christmas Song (Chestnuts Roasting On an Open Fire),” cu Bieber hi a sak pi ih, cu lo cu Bieber hin solo in “Christmas Love,” “Only Thing I Ever Get for Christmas,” leh “Santa Claus is Coming to Town.” tih pawl a sak.

Hi album thar ding hi a hngah hlap um nasa, hlasak thiam an tel tam ih, a album leh a track pawl hi a hit nasa ding a zum um, Boney –M pawlih hla pawl a luahlan thei kem maw?? A hnuaiah a album ih tracks um pawl kan run tarlang ee…

1.  Only Thing I Ever Get For Christmas
2. Mistletoe
3.  The Christmas Song (Chestnuts Roasting On An Open Fire)feat.Usher
4. Santa Claus Is Coming To Town
5. Fa La La feat. Boyz II Men
6. ChristmasLove
7.  All I Want For Christmas Is You Duet Mariah Carey
8. Drummer Boy feat. Busta Rhymes
9. AllIWantIsYou
10. Fa La La (acapella) feat. Boyz II Men (Deluxe Edition)
11. Christmas Eve
12. Home This Christmas feat. The Band Perry
13. Silent Night (Deluxe Edition)
14. Pray (Deluxe Edition)
15. Someday At Christmas (Deluxe Edition)

Country Music Association Awards (CMA) Zem A Cu Duahdo Thlang

Kum tinih zem theu mi, Country Music Association Awards cu zem a cu zik thlang lala, nominations ih tel pawl ih hmin khal tihsuah a si zo. Artist nauhak te te Taylor Swift, Zac Brown Band leh Jason Aldean te pawl hi nominations hmu tam deuh zual pawl an si.

Zack brown Band hin nominations 7 ngahin Taylor Swift hin nomination 6 a hmu, CMA Award ngah dah hrih lo Jason Aldean hin nominations 5 a hmu ve, Blake Shelton leh Brad Paisley te pahnih khal category 5-ah nominate an si. Artist lar deuh nomination ngah lo pawl lakah Kenney Chesney, Reba McEntire leh George Strait te pawl hi langsar zual an si.

CMA Awards hi November 9 ah Bridgestone Arena, Nashvilleah zem a si dingih, hlasak thiam Brad Paisley leh Carrie Underwood te pahnih in hi show hi an host ding. A hnuaiah hin 45^th Country Music Association Awards 2011 nominees pawl tarlan a si.

EntertaineroftheYear
JasonAldean
BradPaisley
BlakeShelton
TaylorSwift
KeithUrban

FemaleVocalistoftheYear
SaraEvans
MirandaLambert
MartinaMcBride
TaylorSwift
CarrieUnderwood

MaleVocalistoftheYear
JasonAldean
KennyChesney
BradPaisley
BlakeShelton
KeithUrban

NewArtistoftheYear
TheBandPerry
LukeBryan
EricChurch
ThompsonSquare
ChrisYoung

VocalGroupoftheYear
TheBandPerry
LadyAntebellum
LittleBigTown
RascalFlatts
TheZacBrownBand

VocalDuooftheYear
TheCivilWars
MontgomeryGentry
SteelMagnolia
Sugarland
ThompsonSquare

SingleRecordoftheYear
“ALittleBitStronger”–SaraEvans
“ColderWeather”–TheZacBrownBand
“Don’t You Wanna Stay” / Jason Aldean & Kelly Clarkson
“HoneyBee”–BlakeShelton
“IfIDieYoung”–TheBandPerry

Album of the Year
“All About Tonight” — Blake Shelton
“My Kinda Party” — Jason Aldean
“Speak Now” –  Taylor Swift
“This Is Country Music” — Brad Paisley
“You Get What You Give” — The Zac Brown Band

Song of the Year
“Colder Weather” — Zac Brown Band, Wyatt Durrette, Levi Lowrey, and Coy Bowles, writers
“Dirt Road Anthem” — Brantley Gilbert, Colt Ford, writers
“If I Die Young” — Kimberly Perry, writer
“Mean” — Taylor Swift, writer
“You And Tequila” — Matraca Berg, Deana Carter, writers

Musical Event of the Year
“As She’s Walking Away” — The Zac Brown Band & Alan Jackson
“Coal Miners’ Daughter” — Loretta Lynn, Miranda Lambert & Sheryl Crow
“Don’t You Wanna Stay” — Jason Aldean & Kelly Clarkson
“Old Alabama” — Brad Paisley & Alabama
“You And Tequila” — Kenny Chesney & Grace Potter

Video of the Year
“Honey Bee” –  Blake Shelton / Trey Fanjoy, director
“If I Die Young” — The Band Perry / David McClister, director
“Mean” — Taylor Swift / Declan Whitebloom, director
“Old Alabama” — Brad Paisley & Alabama / Jim Shea, director
“You And Tequila” / Kenny Chesney & Grace Potter / Shaun Silva, director

Musician of the Year
Sam Bush
Jerry Douglas
Paul Franklin
Dann Huff
Mac McAnally

-          GRT

Karate Kid Ih Farnu Willow Smith In Hla A Suah Lala

Will Smith leh Sarah Pinkett Smith tei fanu, Actor Jaden Smith (Karate Kid) ih farnu, nauhak kum 10 mi,  Willow Smith cun a single thar Nicki Minaj thawn an sak tlan mi ‘Fireball’ cu a ti suak zo.

Kan dung thla laiah khan Willow Smith hin a single hit zet pakhat ‘21st Century Girl’ a rak suah zo; cun cu mi hlan deuh khalah khan ‘Whip My Hair’ cu a rak ti suak zo fawn.

‘Fireball’ hi Stooped Boots produced a siih Willow Smith hi tulai fang a album hmaisabik ding buaipi in a buai nasa, asinan Justin Bieber thawn tour an neih tlang ruangah duh vekin a hma a la cak thei lo a si.

Hi nauhak te hi zum hnakin a hlawhtling ih, back up tu khal nu leh pa a nei tha bet thawn, a album thar ding khal hi a hngah hlap um nasa.

New Delhi High Court Bomb puah tu Dr. Wasim Ahmed an kai

September ni 7-ih Delhi High Court-ih bomb tipuaktu siih rinhlelh mi Dr. Wasim Ahmed cu National Investigation Agency (NIA)-in Kishtwar-ah an kaiih, rinhlelh ih an kaih mi pathumnak a si. NIA thuneitupawl cun Delhi High Court-ih bomb kamtu kha Wasim-ih unaupa Junaid-a siih theih a si ruangah Wasim-hi kaih a si. Hi a naupa kaihnak dingah a tangkai zet ding a rin um. Junaid- hi Pakistan ih Hizbul Mujahi-deen hel pawlih commander a si.

WTA Champion dah Safina In Tennis cawlhsan

Nunau Tennis-ih World No. 1 rak si dah Dinara Safina cun Tennis a cawlhsan thu a unaupa Marat Safin cun a rel. Kum 25-ih upa, Safina hi kum 2 liamzo ah khan WTA ranking-ah No. 1 a siih, asinan a zaangruh a nat ruangah a lek thei mumal lo ih, tui season-ah tla cun a lek lo hrim hrim a si.

Safin cun, “Dinara cun a Career titawp dingin thutluknak a tuah zo,” tiah a rel, “A harhdamnak khal a tha, a ngaihtuahnak khal a tha, asinan Professional Tennis lek vivo dingin cu a harsat deuh, a tlin lo deuh a si,” tiah a rel bet.

Safina hin Tennis a lek sungah 2008 Beijing Olympic-ah Silver Medal ngah-in Grand Slam final vawi 3 a thleng, Grand Slam title asinan a la lo, WTA Singles title 12 leh Doubles title 9 a la bet ih, anih hi Grand Slam title la lovih No. 1 si thei a si.

San Diego Christian Film Festival

The San Diego Christian Film Festival tawlreltu pawl cun kum 2011-ih an puai (festival) hmannak ding hmun cu La Jolla, California ah a si ding thu an phuang. Nikum lamah khan hi puai (festival) hi a vawikhatnak hman a si zo ih tui kum Dec 27-30 ah La Jolla-hmunah a  vawihnihnak ding neih leh ding a si.

The San Diego Christian Film Festival tuahtu Glass Sea Production-ih an CEO Richard Bagdazian cun, “Nikum lam hnakih ropi leh tum sawnin buatsaih kan tum, hi tumah hin Khristian film tha tha 200 hrawng kan ngah zo ih, Khristian biaknak thawi a pehparaw mi film hmuahhmuah khal pho suah an si thluh ding. Cun tui tum ah hin a nung Pathian thei lo pawl hrangah Pathian ih kawhnak lamzin tha tak a si ding” tiah a ti.

Khristian Leh Muslim Karlak Buainak

Indonesia ramih Ambon khuaah Muslim leh Khristian karlakah buainak a suakih mi pathum an thi zo ih mi 60 hrawngih hliam an tuar. Hi buainak a thlennak san cu taxi driver pakhat Darkin Saimen cun a mawtaw in Khristiah inn a taih ih a mah a thih sawn ruangah Saimen hi Khristian pawlih thah ah an ngai ruangah buainak hi suak a si.

Hi vek thu hi thang hman sehla Police thupuangtu Gen Anton Bahrul Alam cun Saimen cu cangsual ruangih thi ah a puang. Ambon khuaah hin Khristian leh Muslim kar lakah buainak a suak theu ih kum 1999 ah khan mi 9,000 lai hi buainak ruangah an rak thi zo. Malino Peace Treaty kum 2002-ih an ngan hlan kha cu an buai ringring a si.

Indonesia Biak-inn pakhat Ah Bomb Puak

Indonesia ih Biak-inn pakhat ah suicide bomber pakhat cun pastor lar zet Rev Rick Warren-ih kohhran, Southern California- ‘Saddleback Church’ thawn zawm-aw mi kohhran pakhat biak-inn ah thihcilh bomb a puah. Mi 2 an thiih midang ziangmawzat hliamhma an tuar. Hi bomb puah laiah hin Bethel Full Gospel Church member pawl cu khawm bannak thlacam an neih lai fang a si. Hi suicide bomber hin a bomb hi biak-inn kawtah tipuak in a mah khal a hmunah a thi ve cih.

Bomb ti puaktu hi a hmunah a thih cih ruangah zo pawl ih tih mi tih an theifiang thei hrih lo a si. Asinan, hi Biak-inn ah hin CCTV (a thuptei thla rak la tu camera) bun a si ruangah Police pawl cun hi thil thlengah ih mawhphurtu cu hi video ihsin an theih thei mai an zum thu an rel.

WEA (World Evangelical Alliance) In General Assembly Nei

World Evangelical Alliance (WEA) cun Christian Council of Korea (CCK) thawn tang kawpin WEA General Assembly inkhawmpi cu Oct 27-31, 2014-ah Seoul, South Korea-ah neih an tum. WEA hi leitlun pumih thuthangtha simtu pawl zawmkhawm tum bik an si. Hi pawl hnuaiah hin thuthangtha sim tu million 600 lai an um a si.

WEA hin kum 6 danah General Assembly hi an nei theu ih, tu’itum an neih dingmi ah hin Conflict resolution, Leaders training leh Education campaign dan ding pawl kau sawnin zir tlannak an nei ding.

Madhya Pradesh ah Pastor pali an kai

Hindu biaknak ihsin Khristian biaknak ih lut dingih mi forhfialtu ah puh in Madhya Pradesh-ih Pentecostal Pastor pali cu nasa zetin kutthlak leh sawisak an si hnuah jail-ah zan khat an khum a si. September 15 ahkhan Pastor Ramesh, Balu leh Ashok te pathum cun Pentecostal daan hmangin Hindu 11 cu baptisma an pe. Hi ti khawmnak an neih lai ah Hindu extreme zetzet RSS member le police pawl cun funghreu saupi kengin khawmawk lai cu an tibuai ih, hi pastor pali hi an kai ta a si. Police hotu leh Baptisma co tu pawl hi reipi an kawmawk hnuah an mai duhthu ih Khristian ih pe aw an si thu Police pawl hi an sim. “Hi thil thleng hi Khristian biaknak hmuhsuamnak a si” tiah Global Council of Indian Christians (GCIC) president Sajan K. George cun a ti.

 

Sikkim-ah Tearfund

Kan dung zarh ih ling hnin 6.9 magnitude-ih na in Sikkim leh a kiangkap khuapawl a siatsuahmi pawl bawm dingin Khristian organization pakhat mi farah le harsa bawmtu pawl Tearfund cun hma a la. Himalaya leh a kiangkap pawlah Tearfund leh an tuanpi Khristian pawl dangdang thawn hmala tlangin hi siat tawnnak bawm dingin sum le pai cem zat ding pawl ngaihtuah in ruahmannak an tuah rero.

Robert Schofield, Tearfund ih Disaster Management Director cun, “North East-ah kan nau leh pawl le Khristian pawl dangdang in hitawk hmunih harsat tawngpawl an bawm rero zo, Puan-inn, angki-hlum, tile-rawl pawl an zem rero a si” tiah a ti. “Tu ahhin Indian Army helicopter hmangin tanpinak hna hi tuan rero a si, asinan acuzah lamih sin thil zem leh an bawmnak hin tawp cin a nei dingih curuangah kan relief team pawlin tanpinak hna tuan dan ding le an thul tul mi supply ding hi ngaihtuah rero a si” tiah a rel bet.

Next Page »