Australia Rampiin Myanmar Phunsang Tlawngta Tamsin La Ding

 

photos56565

Australia zirnak lam ih thuneitupawl cun hmaikum 2015 ah kan ram sungih tlawngta tamzet a cohlang ding thu a sim tiah Irrawaddy thuthang cun a tarlang. Australian Education Exhibition cu July 27, 2014 ah Sule Shangri-La Hotel ah Australia rampi ihsin phunsang tlawng 23 pawl in pholangnak le simfiangnak an nei. 

Australia hi leilung tlun ramleng miih phunsang tlawng kai tu tam bik pathumnak a si. Tuiṭum hi kan ram sung ih fimzirdan pholangnak a neih hmaisabik ṭum a si. Australia fimzirdan phung, VISA dil dan ding pawl le Australia rampi acozah hnen ihsi lawmman le scholarship ngah theinak ding pawl tla pholangnak ni ah simnak an nei.

Mark Wood, Kawlram ih Australia Embassy hnaṭuan cun Australia in kumkhat ah leitlun ramtin ihsin tlawngta 500000 lenglo a co hlang ṭheu ih cumi lakah Myanmar mi 500 tluk cu an rak telve ṭheu tiin a sim. Thailand, Vietnam, Malaysia le Indonesia pawl thawi tahṭhim cun mimalte lawng nan si, a hlan kum 10, 15 lai liam zo ih Vietnam pawl vek fang nan si.

Tu ahcun Vietnam cu Australia ih ramleng mi tlangta nauhak kaitu tambik palinak a si. Thailand hi pakhatnak an siih Myanmar cu 46 nak lawng fang nan si titla in a sim tel. Tui hnu kum 10 ahcun Thailand le Vietnam vek in phunsang tlawngta tamzet an kai thei ding khal ka zum ti ah a sim bet. A sim betnak ahcun tuikum ah Australia khawlipi Canberra ihsin kan ram ihsi phunsang tlawngkai nauhak 40 hrang Scholarship a pe dingih hmaikum ah mi 50 a pe ding tiin a sim.

– Irrawaddy

(Visited 261 times, 1 visits today)

Comments

comments

Comments

%d bloggers like this: