Australia, Melbourne ih Laimi (Lofeh) hnatuan mi

Melbourne, 20 December : Australia thleng Laimi, pawl ih an hnatuan mi lakih ropi le mak danglam, harsa zet le khungkhai zetih an thei mi le an nuam awknak pakhat ih an ruah mi Strawberry, Blueberry, Blackberry, Grape le Apple pawl cin nak hmun Lo (firm) ih feh nak hmun cu CT palai in lennak a nei.

Zing sml 4:45 in mah le inn cio in suncaw fun ih feh asiih 6:00 ah hna ttuannak an nei thok tlangpi. Mini Bus in umnak hmun cio ta cu sawm khawm inle thlahnak khal a nei cih.

Strawberry hi Lailam ih Kawlhra pawng vekih cin a si ruangah kun phah ih a rah lawh a siih, mi tthen cun totuk khal in an lo theu. Khohrik vek ih lawh a siih, a kho zat hlawh ih lawh tile a ni hlawh tiih hlawh tiin a um. Hi strawberry lawhnak ih a tuan tu bik lakah Lai mi pawl le Cambodia, Karen pawl an tel ve ih, hnam dang mi mallai khal cun an ttuan ve ko.

Sml 10:00 ah ziangrawl ei cawlh minute 20 an nei ih thaithawh/muanhlam einak an nei theu. Rawl hmeh hlawmawk vialvo a si. Sun sml 12:30 ah minute 20 cawlhsal a si ih, hi caan khalah suncawl an ei sal theu, Zanlam sml 3:00 ah minute 15 cawlh a sisal ih cutin zanlam sml 4 tiang ttuan a si. A caan ih zir in hi ttuan can pawl cu thleng danglam a si. tt. Thlatang can a kim cun zing 8:00- 6:00 tiang tivek in an ttuan theu.

Blueberry,Blackberry, Grape le Apple pawl khal cu vek thotho ih lawh a si. A mahlawngte hi pawl cu a kung an sang ih, miniam te hrangah tla cun dingphah ih lawhtheih a si, a sinan mi sangdeuh hrangah cun malte kun cu a ttul. An rah pawl lawh lawng si lo in, a hnah le an kung phun, phawi, tuamhlawm hnakhal ttuan a si theu.

Nisa ruahsur ah cawllo ih ttuan hruthro a si. Australia um ih hna khungkhai bik a si ti’n firmfeh theutu pawl tla cun an ti theu.

Asinan hi hna pawl hi Acozah theih lo ih ttuan mi a si ruangah paisa (tax) siah pek a tul lo ih paisa fai in ngah a si theu. Curuangah dinsuahnak ding hrangah Australia Melbourne thleng Laimi pawl cun an thlen veten tlawm ngai thlak in le taima zet in an ttuan ttheu.

Tlangval le Fala pawl feh tlang khawm ih nuam awk vualvonak hmun khal a si. Titi nuam relphah inle tlawmngainak, tumruhnak pawl tilannak ah ruat in theitawp in an feh theu. A voikhatnak ih feh cu thil olailo sihman sehla duhdawtawknak ti langin an hma rak ttuan sakin theihtawp bawmawk ton a si.

Hi theirah pawl an cuh tik cu ah cun a lo cak deuh le a virhvat atha deuh mi pawl in nikhat ah A$ 130 an ngah ih, mi zaran in A$115 ngah asi theu. Ni dang hmuah ah cun zapi te in A$ 115 cio ngah a si tlangpi.

Kohhran le Fellowship thalai pawl khal in fund hawlnak ah tiin a cut lai can ah feh ttheu a si.

Lo an feh tikah ni sa leh ruahsur ih ttuan an si ruangah, taksa ruangpi lang lo dingin bansau leh lukhum thawn an thuam aw ttheu. Ni satlam 40 a tlen lawngah cawlh theu asiih cuvek thiamthiam in ruahsur tuk lawngah cawlh asi theu. Hi hi Lofeh a ti khungbik tu pakhat cu a si an ti.

Comments

comments

One Comment

  1. Kan laimi cu hna ttuan khungkhai a ttuan theu mi kan si ih, taangka ngah tthatnak a si ah cun a tha pam in ka ruat. Cun a then cu ram sung ih um ( Kawl ram) sung khat u le nau bawm tul tla an um ding ih tan lak cu a tul ko.

Comments

%d bloggers like this: