Australia In Kawlram A Lethnih In Bawm Ding

Carr le Suu Kyi

June 07, 2012 | Reuters

Australia acozah cun Kawlram tlunih khamnak a tuahmi a zaten hlihsak a tum thu leh a hlan hnakin a lethnih ih bawmnak a pek mipawl titam ding a tum thu a puang.

Kawlram tlunih khamnak a pek theumi pawl cu hmaizarh sungah hlih thluh a si ding nan hriamhrei thawi bawmawknak cu a tel hrih lo ding tiin Foreign Minister Bob Carr cun a puang. Kawlram ih thlengawknak a tuahnak ih thazaang peknak a si ti khal cun Carr cun a sim bet.

Carr hi tuizarh tlawngkai nili ni ah Kawlram a tlawng ih President Thein Sein leh Aung San Suu Kyi khal tonnak a nei. Hotu upa pawl a tonnak ruangih thusuak a si thu khal Carr cun a sim. Carr hin Kawlram President Thein Sein khal a ram sungih tlawng ding khal in a sawm cih.

Tui kum April thla ah Kawlram tlunih a khamnak pawl hlit dingin Australia acozah cun ruahmannak rak tuah zo ih sumtuahnak ih rualpi awknak ding pawl khal a telh cih. Hitiih a tuahnak san khal a liam cia miih Kawlram a thleng danglamawknak pawl cu siarsak in leh mipi zalennak hrang hmalaknak tamsin a neih theinak dingih a forhfialnak leh a tulnak pawl ruangah a si.

(Visited 91 times, 1 visits today)

Comments

comments

One Comment

  1. Kawlram cu a ramsung mipi ih zumlo daan le ruah lo daan in a thleng aw rero.

    Ramsung mipi hrang ahcun tamzet thlengawknak thlenglo in an ruat.

    Asinan media cun thlengawknak thu lawnglawng a tarlang. Milian sumpai hman ding ngai2 nei lo bangih um an tam men thei.

Comments

%d bloggers like this: