Australia in a ramsungih vaih luh siannak timal men thei

IANS |Oct 26 : Australia ih pursum leilawnnak a cahlo deuh ruangah a ramsung ih raltlan le vai lut pawl hrangah harsatnak le a um deuh ding tiin Immigration Minister Chirst Evan cun thuthanglakhawmtu pawl cu Pathian ni sun ah a sim.

Thlalehah a ram sungih vailuh thu zohfelsalnak cu a rampum kumhrek sungih pursumleilawnnak (economy) zohfel asi hnuah ah a nei ding. Leitlun sumpai lam ih a fathang Australia ram sungih mi vai an tamnak ruangah a kai ih a hlei ce in Bristain le New Zealand ram ihsin an luar.

Lehlam tang (opposition party) Liberal party thupuangtu Sharman Stone ih a cozah ngennak a neihnakah cun ramsungih pursumleilawnnak a cahlo deuh ruangah le hnattuan ding a har thlang ruangah a rangthei bik ih a ramsungih mivai a lak theu mi cu hmunli then ti niam dingin a dil. Asinan Evan cun mivai pawl in pusumleilawnnakah thathnemnak an nei ve thei ti in a rak ti ve.

2008-09 ih a ramsungih humanitarian program ih a vailut mi kawm in mi 203,000 lenglo siannak a pe ih hiang pawl cu mi 133,500 lenglo thiamnak ruangah (skilled migrants) le 56,5000 lenglo sungkua laicinnak in le raltlan mi 13,500 lenglo pawl an si.

Lehlam tang party pawl cun hi 2005-2006 ih ih siannak a pek zat 142,930 tluk ih ti niam sal dingin a cozah cu a ngen.

Comments

comments

Tags:

Comments

%d bloggers like this: