Australia Fang –Er ( Chin New Year )

Thang Khaw Lian – ALRA (sungtuan)

Adelaide 3rd Oct 2009

Tu kum (2009) Chin New Year ( Fang-Er) cu lungawi ten kan hmang tlang theh a si.

Adelaide um  kan Falam mi Inn 21 ah mikhual kan zem aw. Melbourne ih sin mipum 88, Brisbane ih sin mipum 10 le Waga waga ih sin mi 2 in thleng thei ih kan lung a awi ngaingai. Brisbane ih Unau pawl ,1st oct 2009 zanlam nazi 5:00pm ah dam ten anrak tleng. Melbourne lam Unau pawl cu 2nd oct 2009 zing lam ah bus 2 in anrak thlengih a zan lam ah Bus 1 le private car thawn in rak tleng cio hai.

Hi mi kan Fang –Er puai pi hrangah Cawcang 1 le Vok 2 in kan sunlawih.

Leknak lam ( Sport )

2nd oct 09 zanlam 2:00pm ah Volleyball zuam awnak kan thawk. Volleyball team 5 kan um, Adelaide ih sin A team le B team, Mealbourne ih sin A team le B team, Brisbane ih sin team khat an suak thei. A zan cu khawmnak kan neiih Rev. Tawk Kap in Pathian thuthangtha simnak in nei sak thei ih kan lung a awi zet.

3rd  Oct 09 zing lamah Soccer lehnak kan thawk ih sun hnuah Nu  volleyball, Pa volleyball final, Hri caih awk nakah Nu le Nu, Pa le Pa , Nauhak pawl tin leh tlang nak kan neih hnuah Soccer Final an lek tlang.

Pa volleyball …. Adelaide Team A ( Frist) Khap 8 Bellrang tumpi (laksawng)

Soccer (Bawhlung) ……Brisbane   ( First )Khap 9 Bellrang tumpi (laksawng)

Nu Volleyball….Adelaide                (First)

Hricaih pa………Melbourne             (First)

Hricaih Nu……..Melbourne             ( First)

Hricaih Nauhak…Melbourne          (First)

Hi Mi Leknak bualrawn kapah, kan thalai pawl in, ei le in dingtete an zuar Leh nak hmuah hmuah cu zanlam nazi 4:30pm ah lungawi ten kan teh.

Hall lam programme

3rd Oct 09 zanlam rawl kan ei teh hnuah hall lamah kan pan tlangih nazi 8:00pm ah kan thawk.

Programme cu;

Music

Music lam ah in rak tlawm ngai sak tu pawl cu, Melbourne ih sin, Siang Te, Cung Te, Hmung a, Sang Te le Tawng a, pawl an si. An par ah Lungawi nak tam pi kan nei.

1. Hmaisabik ah Pastor David khaw Lian Zam ih thlacam nak in kan thawk.

2. Rinsan mi Kan Falam Upa pawl, Hmailam State parah an kai ih, kan thalai pawl in tingtang le drum thawn in hruai. Salai Dar Lian Mang in mic thawn KAN LAI TLANG FING LE TLANG ti mi hla in hruaiih kan zaten, mipi pawl thawn ding in Kan laitlang sunlawih pek nak , hla cu kan sak tlang.

3. Inn tek lam thu simnak ah Salai Mang Hlei Sawn in a hmang.

4. Melbourne lam ih sin Pa Piang Lilian in thu sim nak a nei.

5. Brisbane lam ih sin Pa Mang San Lal in thu sim nak a nei.

6. Multicultural lam in Mrs.Gosia Skalban in thu sim nak a nei.

7. Hope Adelaide(laimi AIDS lam bawmtu) ihsin Sister Patricia Pak Poy In thu simnak a nei.

8. Laksawng pek nak can a si ih Volleyball ( first )Adelaide team Salai Mang Hlei Sawn In LakSawng a pek.

Soccer(Bawhlung) (first) Brisbane Soccer team, Pa Vai Lian Sum In LakSawng pek nak A nei ih,

lek thiambik ( best player ) Zuala in a ngah ih, Pa Piang Lilian in  laksawng pek nak a nei.

9. Kan Adelaide ah, Leitlun Fimnak lam ih degree a ngah tu, Pa Than Tur le Nu Thla Iang te ih Fa nu 2 nak Mai Iang Than Mawi ( Mawi Te ) cu , 2008 kum ah University of South Australia Phunsang tlawng ih sin Bachelor of Engineering     ( Civil Engineering with Honour ) a ngah rungah ALRA (Adelaide Lai Rihli Association )  President  Salai Mang Hlei Sawn in sunlawihnak Capi pek nak a nei.

10. Melbourne lam ih sin sunlawih laksawng  pek  nak can an nei. Kan Falam Cailai lamah kan Falam tong zirhnak lam ih tan in  laksak tu , Nu No Than Thluai, Nu Hlawn Nei Sung le Mai Cung Thluai an si ih Lailun Pawlkom Melbourne President Pa Piang Lilian in Laksawng peknak a nei. Cumi hnuah Nu No Than Thluai in Kan Falam Calai lam thawn pehpar aw in, Kan Lai tong a thupit zia le a tul zia, an tuan suak zo mi parah ziang tluk in kan nuahak pawl an thang so ih calai ( BOOK LET ) thuan thu tawi tete le Cartoon lem cuang in an suah thei zo, tin fawrhfial nak le phuansuah nak can a nei.

Lai Lam le Fashion Show ( Culture dance )

11.Melbourne , Nauhak pawl hnen ih sin, Lamnak , Thalai pawl hnen ih sin Lai Ram a Mawi lam, Ceretlawh lam le Ral Lam pawl an lam ih Adelaide ih sin Ral Lam, Fang-Er lam, Sa aih Lam pawl thawn kan nuam tlang a si.

12 Adelaide ih kan Unau ,Chin Christian Fellowship ih sin a mawi zet mi le tulai santhar lendan in Fashion show an show hnuah Melbourne Thalai pawl hnen ih sin Kan laithuam phun   8  thawn Fashion Show, show nak kan nei tlang a si.

Hla Sak Nak  ( Concert )

13. Van Kim, Dar Lian Mang , Mang Kuk, Zuala,Tin Kip, Pa Lal, A Hlu,Cungte, A Bor le Grace pawl hnen ih sin Hla mawi ngai nak kan nei.

14. ALRA Secretary, Pa Thang Khaw Lian in, Fang –Er thu thawn pehpar aw in lung awi thu simnak a nei  hnu ah, a Nu Thla Iang in Pthian hnen ah lungawi thu sim nak in  neih sak ih zan nazi 11:30 pm ah tluang zet in kan bang a si.

Hi mi Fang –Er  tuah suak thei ding in, Sum le pai in se seh, tha zang in si seh tan in lak pi tu, kan lai mi nan zate par ah rel cawk lo lungawi nak kan nei a si.

Hmailam can khal ah hi ti vek in lung rual zet le duhdaw aw zet in ke kar tlang uh sih……..

(Visited 41 times, 1 visits today)

Comments

comments

One Comment

  1. Lai thuam nan va hruk lo em

Comments

%d bloggers like this: