Australia Department of Immigration and Border Protection In Chin Upa Pawl Tonnak A Nei: Ruahsannak A Sang

13339685_10205561122221954_8494000471844321183_n

CCV upa pawl le mipi pawl thawn.. Zuktu; Tawk Kap Vuite

Salai V Bawi Lian
Melbourne: Department of Immigration and Border Protection ih tlangbawi hotu sangbik Minister The Hon. Peter Dutton le Melbourne nisuahnak lam Eastern ih Federal member for Deakin, Mr. Michael Sukkar MP cu tuisun ah Chin mi upa pawl thawn tonawknak an nei. Nisuahnak lam ih um Chin mi pawlkom tuumbik a simi, Australia Chin Community (Eastern Melbourne) le Chin Community Victoria Inc. upa hotu pawl thawn tonawk khawm thurelnak an nei.

Australia Chin Community (Eastern Melbourne) upa (Hakha le Thanglang tambiknak pawlkom) pawl thawn sml 1 tluk thurel tlangnak anneih hnu ah Chin Community Victoria Inc. (Falam mi pawlkom) upa le mipi 50 tluk in sml 1:30 ziktluk tonnak an nei sal.

ACC upa pawl thawn.. Zuktu : Lian Ding Hmung

ACC upa pawl thawn..
Zuktu : Lian Ding Hmung

Malaysia, India le ramsung ihsin sungkhat unau pawl kawh danding thu, acozah ih hmalak an tum dan thu pawl rel tlang khawmnak an nei. CCV upa pawl in thusuhnak dangdang pawl an tuah ih The Hon. Peter Dutton khalin a theitawp in thusuhnak pawl a sawn.

A thurel mi lak ihsin thupibik le uar zet ih a simmi cu, Australia ram ah long thawn luttu pawl an kham thei zo ruangah, hmailam caan ahcun midangdang pawl hrangah canvo tha khal a um thei ding ruahsannak a um vivo ti mi a siih u le nau, innsang komkhat sal ding thu khal thupi zet ih an ruah mi a si thu pawl a dangdang tete pawl a si. The Hon. Peter Dutton in ‘Kan party in tuikum hriawknak ih kan tlin sal ahcun beunakhawl pawl hi mi 19000 tluk tiang lak thei dingin kan zuam tum’ titla in a rel.

Australia in raltlan a ramsung ih lakluh a tummi hi 13000 lenglo an si. Asinan long ih luttu pawl in himi pawl canvo an lak vivo ruangah ziang maw tizat hi midang pawl in an co ngahlo. Culawng siloin himi an lak ding mi hrang ih diltu hi mi 60000 lenglo an um.

Australia ramri kilkhawinak le a ramsung ih vailuttu pawl kilkhawinak lam ih tlangbawi lubik, The Hon. Peter Dutton in hivek ih Chin mi naihniam zet ih a ton hi a veikhatnak a si. Tui tum ih a tonnak hi amah roriin nisuahnak lam ih um Chin mi pawl thawn tonawk dingih ruahhmannak, Federal MP Michael Sukkar ih a tawlnak ihsin an tuah mi a si. Chin mi hrangah hmasawnnak tampi a thlen ding ruahsannak a um zet.#

 

(Visited 505 times, 1 visits today)

Comments

comments

Comments

%d bloggers like this: