Australia Cozah in Raltlan Buai Pi

Isreal Mi Pali Kap That

Isreal leh Palestinian karlak rualrem awknak hawlih biakawk nak neih an tum rero laiah Palestinian Tapung Hamas pawlcun  West Bank kiang Hebron khuaah Isreal Juda mi- minung 4 an kapthat.

Palestinian Tapung Hamas pawlhin  Juda pawlih umnak hmun Kiryat Arba- ih lamzin ih Motor fehlai cu ralhla ihsin Meithal in an kapih, Isreal TV in a puan nakah Hamas pawlin Motor hi lamhla ihsi an kah hnuah a hmunah an pansal ih Motor sungih minung pawlcu hmun leh hmun ah an kapbet tiah an sim.

Relzo vekin Isreal leh Palestinian karlak rualrem awknak hawlih be aw dingin Isreal Prime Minister, Banjamin Natanyahu leh Palestinian President, Mahmoud Abbas cun tihni sunah khan US Washington an panih, Cumi hnu ah Isreal PM, Benjamin Natanyahu cu himi an buainak thuhla theihter cih a si.

Isreal PM, Banjamin Natanyahu cun Isreal Juda minung 4 that tucu hawlsuak tentengih kaih an si ding tiah a simih, Isreal ram Juda minung Civil mi-mi huat thu rello Hamas pawlin an that ih, Isreal ram Juda minung thisen cu a lakin a luangsuak lo dingih, a that tu pawlcu leitlun khui hmun leh ram khalah tlan in relh khal hai sehla an hrangah tlannak lamzin leh relh nak hmun a umlo dingih Isreal cun a dawi vivo ding a si tiah a sim.

Hiti vekin Isreal leh Hamas pawlih lakah buainak suak khal sehla  US hoha nak hnuaiih, an karlak rualrem awknak hawlih biakawk nak neih an tumcia micu ttulh an tum cuanglo ih, Tuisun ihsin  Isreal Prime Minister, Benjamin Natanyahu leh Palestinian  President, Mahmoud Abbas cu Washington ah biakawk nak an nei ttan ih, ziangthu an rel ticu himi ca nganlai tiangah theih a si hrihlo.

Pakistan Ralkap in  Tapung Camp An Kap

Mizanzing khawvang zawngah khan  Pakistan ralkap pawlin an ram thlanglamih Khyber bialih Taliban tapung pawlih umnak Camp cu raldo nak Vanzam thawn Bomb an thlak ciamco ih, cuihlei ah Vanzam par ihsin meithat thawn an kap bet ciamco ih a hmun ah minung 45 an kapthat.

Pakistan ralkap thupuangtu in a sim nakah an ram ralkap pawlin an kah nak hmunhi Taliban pawlin thihcilh dan an zirnak hmunpi a siih, mithi pawl lakah Taliban ralkap pawl leh an sungkhat ziangmaw zat khal an tel tiah ansim.hriamhma tuar ziangzat ciah an si ticu theihfiang a silo.

Australia Cozah in Raltlan Buai Pi

We're hardly over stuffed.Ramdang ihsin raltlan Australia Cozah hnenih humhim nak diltu minung 80 hrawngcu mizan sunah Australia Cozah in an umnak ding hmunih a tuahsak nak hmun ihsin an tlansuakih, Darwin khawlakah Australia Cozah ih a kilkhawi dan ah an lungkimlo nak langter in an hnipuan leh an puan pawl parah bawm an ttul thu leh kilhim an ttul thu pawl nganlang in an au ciamco.  hi raltlan pawl lakah a tam bikcu Afghnaistan ram ihsi lutmi an si. himi hlan khalah Indonesia ram ihsin raltlan lut minung 100 hrawngin an lungawilo nak an langter zo.

Mizansun ih lungawi lo nak langter tu pawlhi Palik pawl thawi nazi 7 sung an biakawk hnu ah an umnak hmunah an kirsal ih, Australia  Cozah Inmigration Department cun  raltlan pawl retnak hmunhi thazet ih kilhim mi a siih, Cumi cingih an tlansuak theinak sanhi thazet ih zinzoi a si dingtiah an simih, Raltlan pawlih thuhla hi cuti maiih awlsam tei tifel theihmai a silo ih, mi tampi cu an ramih rit theihthil leh ralthuam thawi sumdawn ruangih an ramih um ngamlo tampi an umih, Curuangah an thuhla a cipciar zinzoi fiang hmaisak lo ah cun an thuhla tifel sakmai dingin thil harsa zet a si tiah an sim.

Tuikum sung lawngah Australia ram sungah Raltlan minung 3,900 lenglo an lutih, raltlan pawlih duhdan vekih an thuhla relfel sak zutzo dinghi Australia Cozah cun a tisak thei lo a si tiah an sim ve.

Tony Blair in Gordon Brown A Rel Sia

Tony Blair listens to Gordon Brown at  their joint news conference.British Prime Minister, hlun Tony Blair cun a mai  thuanthu cauk a ngannak mizansun ih a tlangzarh mi ih a nganlang nakah,a mah thlaktu Prime Minister, hlun Gordon Brown thawi peh tlaih awknak thazet neihcu thil harsa bik a tling  a si tiah a tarlang.

PM, hlun Tony Bliar cun a mai kaihhruai Cozah laiah khan PM, hlun Gordon Brown cu Chancellor fimzet leh felzet a sinan ziang tinkim  tuah dingah nasa zetih nawr ringring a ttulih, a mai ruangah tui an ram hrilawk nak khalah an party Labour Party an cah lo phahnak a si tiah a nganlangih, Gordon Browm in Prime Minister, a ttuan sungah British ram hrangah zianghman  thil ttha hminsin tlak tuahmi a neilo tikhal a tarlang.

Mizansun ih himi cauk a tlangzarh mi kum 3 sung a nganmi hi a mai bulpak thuhla a ngan tam bikih, Zu mal tete a in phahphah thu khal a ngantelih, Iraq ramih Saddam Hussein  ih rorel nak hlawnthla  dingih an ram ralkap a kuatmi thuhla ih a sirtawk lo thukhal a ngantel.

(Visited 72 times, 1 visits today)

Comments

comments

Comments

%d bloggers like this: