Australia Chin Mi Pawl In Suu Kyi Tong Ve Ding

Meeting With Daw Aung San Suu Kyi and Burmese Families in Melbourne (December 1 2013) Date Time Venue Announcement

Melbourne: Aung San Suu Kyi cun a veikhatnak hrang Australia ram a tlawng ding ih Melbourne ih um Myanmar mi pawl a tonnak ah Chin mi pawl khal a tong ve ding.

November 26 ah kan ram a suahsan dingih 27 ni ah Sydney Opera House ah thurelnak le cawimawinak a ngah mi laknak a nei ding. Hi cawimawinak hi  University of Sydney le UTS phunsang tlawng pawl ih an pek mi sunlawihnak a si. ‘Mi 15000 lenglo in hi a thusim mi le cawimawinak an peknak ih tel dingin hmin an pe zo’ tiin Thomas Soe, Aung San Suu Kyi Australia ih a raknak ding thu ih thupuangtu cun Chinland Today palai hnenah a sim.

‘Australia ih an khawpi Canberra ah a feh ding ih Myanmar mi pawl zing lam ah tonnak a nei dingih cu mi hnu ah Australia rorel inn pi ah feh in Tony Abbott ih kaih hruai mi rampi roreltu pawl thawn thu relnak an nei ding’ ti khal in Thomas Soe cun a sim.

Melbourne khawpi cu Nov 30, 2013 ah a thleng dingih a thaisun Dec 1, 2013 ah Myanmar mi pawl tonnak a nei ding. ‘Zing sml 9:30 – 10:30 karlak ah Melbourne ih nisuahnak lam ah Myanmar mi pawl tonnak a nei ding. Mi 3000 hrangah hi tonawknak hi rua hman a siih Burma miphun pawl hrang tonak hmun 1000, tlangpar miphun pawl hrang tonak hmun 2000 tiin ruahmannak kan nei. Tui nitiang ahcun tlangpar mi 1500 lenglo tluk in hmin an pe fel zo’ tiin Suu Kyi ratnak ding hrangih tawlreltu Kyi Lwin cun Chinland Today hnen ah a sim.

Nisuahnak lam ih um Chin mi 200 lenglo khal in hi hmun ih tel dingin hmin an pe zo tiah theih a si. Arakan, Karen, Kayin pawl khal an tel ding tiin Kyi Lwin cun a sim. Zinglam ih Myanmar mi pawl thawn biaktonawknak a neih hnu ah Monarch University ah cawimawinak la in thusimnak a nei sal ding.

Hi tiih Australia a tlawnnak san bik cu World AIDS Day hmannak ding hrang ih thurelkhawmnak ih thusim tu ding ih sawm a sinak ihsi ra mi a si. A vei 20 nak International AIDS Conference hi July 2014 ah Australia, Melbourne khawpi ah hman ding mi a si.

 

(Visited 597 times, 1 visits today)

Comments

comments

Comments

%d bloggers like this: