Australia Chin Ca Zirnak Tlawng An Kai Thok; Hakha Tlawngta An Tlemlo

Tlawngta thar pawl le nu le pa pawl hnenah Area Manager in thutawi sim lai.

Tlawngta thar pawl le nu le pa pawl hnenah Area Manager in thutawi sim lai.

Melbounre: Australia rampi acozah ih theihpinak thawn Chin ca zirnak lampi tawlreltu Victoria School of Language (VSL) cun tuikum sunghrang Chin ca zirnak neisal dingin tuisun ah tlawng an ong thok. Hakha zirtu ding nauhak pawl an tamtuk ruang ah tlawng inn ah an tlem aw lo.

VSL hnuai ah tong phun dangdang phun 40 lenglo zirnak a um ih, tlawngta nauhak tlawnginn ih zirhmi 13000 lenglo le a leng ihsin kaitu mi 1400 lenglo an um. Cumi lakah Chin (Hakha) le Karen pawl in rampi acozah pompiin phun 12 ih zir theinak cu nikum ihsin an rak ngah.

Inn leng ihsin a hngaktu nu le pa pawl

Inn leng ihsin a hngaktu nu le pa pawl

Tuikum hrangih Hakha phun 12 kaitu hi mi 26 lenglo an um zo ih a duhtu khal an um bet rero lai tiah VSL Area Manager Antonella hnen ihsin thuhla kan dong.

A nikhatnak ih tlawng luttumtu Chin (Hakha) tlawngta pawl an tam zet ruagnah VSL hotu upa hnenah dilanak tuahin class dang onsak bet ding khalin dilnak a um tiah thu kan thei.

VSL tlawng hi Australia, Melbourne nisuahnak lam le nitlaknak lam ah an um ih nisuahnak lam ih a kaitu pawl hi Melba College ah an kai ih, Chin (Hakha), Falam, Mizo, Chinese le Karen ca pawl zarhte zing tinten zirnak a um ringring.

Tui dinhmun ih tlangta hmin pe hi mi 230 lenglo an siih a tam sawn, hmun thum then ih hmunhnih cu Hakha tlawngta nauhak pawl an si.#

Comments

comments

Comments

%d bloggers like this: