Australia Ah Ni Thum Sung Rapthlak Zetin Ruah Ceen Ding

Australia ah nithum sung nikhua thleng danglamnak thleng in nasa ngai ten ruah a sur ding tiah Austrlia nikhua lam tahtu pawl cun mipi pawl ralrinnak an pe. A hleice in Melbourne um mi pawl ralring dingin an sim.

Melbourne khawpi ah Chin mi 7000 lenglo an um ih nisuahnak lam le nitlaknak lam ah a hre tluk veve in an um.

Hi nikhua ceen in tlawngkai ninga ihsin zarhpi ni tiang, rial ruah le thlipiin Melbourne khawpi a nuai ding tiin nikhualam tahtu pawlin mipi ralrinnak an than.

Hi ruah ceen ding mi hi, thlahnih sung tluk ih a sur mi zat, nihnih sungah a sur ding titla in an ti. Kum 20 sungih nasabik ruah a si ding titlain an zum.

Hmun hrekkhat ah tilian le thingkung tlu, khuarel siattonnak (natural disaster) a thlen phah khal an zumruangah mipi pawl ralring zet ih um ding an sim than.

Tlawngkai ninga ihsin ruah hia sur thok ih tui thuthang ngan rero lai tiang ah hliamtuar le na hi mi 12 lenglo an um zi.

Australia ih nikhua tahtu The Bureau of Meteorology pawl ih an sim dan ahcun ruah a pawr lam hi 15mm in a tlak thok dingih 100 mm tiang lai a thleng thei tiin an ti.

Hi nikhuat sia hi Australia Melbourne san thuanthu ih nikhua ceen bik caan a si ding khal an zum.

 

(Visited 162 times, 8 visits today)

Comments

comments

Comments

%d bloggers like this: